જરૂરિયાતમંદોને મદદ કરવા પસ્તીવાળાનો અવતાર લીધો

બોરીવલી-વેસ્ટનું ર્તીથગ્રુપ લોકોના ઘરેથી પસ્તી ઉઘરાવી એને વેચી અનાથાશ્રમ ને ગરીબોને ચીજવસ્તુઓ આપે છે

tirth-groupબોરીવલી-વેસ્ટમાં ટીપીએસ રોડ પર આવેલા ર્તીથ ગ્રુપ ચૅરિટેબલ ટ્રસ્ટ દ્વારા લોકોની સહાય માટે ચારેક મહિનાથી રદ્દી પેપર એકઠાં કરવાનું ખાસ કાર્ય હાથ ધરવામાં આવ્યું છે. ટ્રસ્ટના નૈનેશ શાહે કહ્યું હતું કે ‘કોઈ સામાન્ય પેપરવાળાને પસ્તી વેચો તો વધુ રૂપિયા ન મળે, પરંતુ એને હોલસેલમાં રીસાઇકલ બીન માટે આપીએ છીએ. એમાંથી જે આવક થાય એનો ઉપયોગ અમે ગરીબોની સેવા માટે કરી રહ્યા છીએ. અમારા ગ્રુપના ૨પથી લઈને ૪૦ વર્ષના લોકો આ કામ માટે જોડાયા છે. શરૂઆતમાં અમે આ કામ માટે લોકોને જાણ કરવા માટે પૅમ્ફલેટ વેચ્યાં હતાં જેમાં ઘરની પસ્તી લઈ જવા માટે અમને ફોન કરવા માટે અમુક નંબરો અમે છાપ્યા હતા. તેમ જ અમે જાતે જુદી-જુદી સોસાયટીમાં જઈને પણ અમારા કામ વિશે વાત કરી હતી. અમે અઠવાડિયામાં એક વખત અમારા વિસ્તારની જુદી-જુદી સોસાયટીઓમાં જઈને પેપર ભેગાં કરીએ છીએ. મહિનામાં ૧૨૦૦થી ૧૩૦૦ કિલો જેટલાં પેપર ભેગાં થાય છે. એ વેચીને જે રૂપિયા મળે એ ટ્રસ્ટના અકાઉન્ટમાં જમા થાય છે. એમાંથી જરૂરિયાત હોય તેવા લોકોને મદદ કરીએ છીએ. મોટા ભાગે અમે અનાથાશ્રમ અને ગરીબ લોકોને જીવનજરૂરિયાતની ચીજવસ્તુઓ પૂરી પાડવા માટે ઉપયોગ કરીએ છીએ. અમે કોઈને પૈસાની મદદ કરતા નથી, પરંતુ જે-તે વ્યક્તિને ખરેખર જે વસ્તુની જરૂર હોય એની તપાસ કર્યા પછી જરૂરી વસ્તુ આપીએ છીએ. આ કામમાં અમને લોકોનો સર્પોટ મળી રહ્યો છે. કેટલાક લોકો તો અમને સામેથી ફોન કરીને તેમના ઘરેથી પસ્તી લઈ જવા માટે ફોન કરી દે છે.’

નૈનેશ શાહે કહ્યું હતું કે ‘હું ઘણા સમયથી સોશ્યલ વર્ક કરું છું. એ માટે અમારું ગ્રુપ છેલ્લાં સાતેક વર્ષથી લોકોને સ્વૈચ્છિક રીતે મદદ કરતું આવ્યું છે. એમાં અમે અવારનવાર ૫૦૦થી ૨૦૦૦ રૂપિયાની મદદ કરતા હતા. અમે કેટલાક સમય પહેલાં પેપરમાં વાંચ્યું હતું કે લોકો પાસેથી પસ્તી ભેગી કરી અમુક ધર્મના લોકોએ મંદિર બાંધ્યું. એ પરથી અમને વિચાર આવ્યો કે આપણે મંદિર તો નથી બાંધવું, પરંતુ એ કાર્ય દ્વારા જરૂરિયાતમંદ લોકોને મદદ ચોક્કસ કરી શકીશું. અને અમે અમારું કામ શરૂ કરી દીધું.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK