ફરી કિલર બની સેન્ટ્રલ રેલવે

 

 

મંગળવારે કુર્લામાં મધરાત પછી સિગ્નલ-પૅનલમાં લાગેલી આગને પગલે ખોરંભાયેલી સેન્ટ્રલ રેલવેની ટ્રેન-સર્વિસના ધાંધિયા ગઈ કાલે બીજા દિવસે પણ ચાલુ રહ્યા હતા અને ભારે ભીડવાળી એક ટ્રેન છત્રપતિ શિવાજી ટર્મિનસ ભણી આવી રહી હતી

train-death ત્યારે સવારે નવ વાગ્યાની આસપાસ મુલુંડ અને નાહુર વચ્ચે એક સિગ્નલના થાંભલા સાથે અથડાતાં ફૂટર્બોડ પર લટકી રહેલા બાવીસ જેટલા પૅસેન્જરો પૂરઝડપે દોડી રહેલી ટ્રેનમાંથી નીચે પડી ગયા હતા, જેમાંથી ત્રણનાં ઘટનાસ્થળે જ મૃત્યુ થયાં હતાં. આમાંના બે પૅસેન્જરો ગુજરાતી હતા. ડોમ્બિવલીના રહેવાસી ૨૪ વર્ષના પ્રતીક છેડા અને કલવાના રહેવાસી ૨૯ વર્ષના જિતેન વારાનાં કરુણ મોત થયાં હતાં. ત્રીજો યુવાન ૨૦ વર્ષનો ગણેશકુમાર યાદવ હતો, જે મુલુંડથી ટ્રેનમાં ચઢ્યો અને તે હજી બરાબર ઊભો રહે એ પહેલાં પડી ગયો હતો. આ ઘટનામાં ઘાયલ થયેલા પૅસેન્જરોને  વિવિધ આઠ હૉસ્પિટલોમાં દાખલ કરવામાં આવ્યા છે. આ સિગ્નલની દેખભાળ રાખતા કર્મચારીઓ અને અધિકારીઓ સામે કુર્લા ગવર્નમેન્ટ રેલવે-પોલીસે ફસ્ર્ટ ઇન્ફર્મેશન રિપોર્ટ દાખલ કર્યો છે. ગઈ કાલે સેન્ટ્રલ રેલવેએ સાંજ સુધી ૮૧ ટકા ટ્રેનો દોડાવી હોવાનો દાવો કર્યો હતો.  સેન્ટ્રલ રેલવેએ દાવો કર્યો છે કે આજે સવારે ૯૫ ટકા સર્વિસ દોડાવવાનો પ્રયાસ કરવામાં આવશે. બપોર સુધી કુર્લા અને વિદ્યાવિહાર વચ્ચે સિગ્નલયંત્રણા પૂર્વવત્ કરવાનું કામ આટોપી લેવામાં આવશે અને સાંજ સુધી ટ્રેન-સર્વિસ ટાઇમટેબલ મુજબ દોડતી થઈ જશે.

સિગ્નલ કેવી રીતે અથડાયું હશે?

સેન્ટ્રલ રેલવેના અધિકારીઓ માને છે કે સિગ્નલનું મેઇન્ટેનન્સ કરવા માટે એના પર ચઢીને ઊભા રહી શકાય એ માટે એક જાળી લગાવવામાં આવે છે અને આ જાળીને સિગ્નલના થાંભલા સાથે જોડવા માટે સ્ક્રૂ ફિટ કરવામાં આવે છે. ભારે હવાને કારણે અથવા ટ્રેનોની અવરજવરને કારણે આ જાળીના સ્ક્રૂ ઢીલા થતાં એ થોડી ટ્રેનના માર્ગ તરફ ઢળી હશે અને પૅસેન્જરોને વાગી ગઈ હશે.

ઘાયલ પૅસેન્જરોની યાદી

ગઈ કાલે ટ્રેનમાંથી નીચે પડીને ઘાયલ થયેલા પૅસેન્જરોને આ મુજબની હૉસ્પિટલોમાં દાખલ કરવામાં આવ્યા છે:

અગ્રવાલ હૉસ્પિટલ, મુલુંડ

મોહિત માવાણી (ઉંમર: ૨૬ વર્ષ, ડોમ્બિવલી), અનુજ દુબે (ઉંમર: ૨૭ વર્ષ, કલ્યાણ), ઇરફાન શેખ (ઉંમર: ૨૩ વર્ષ, કલ્યાણ), રામચંદ્ર મતપાની (ઉંમર: ૪૦ વર્ષ, કલ્યાણ), સુહાસ પવાર (ઉંમર: ૨૭ વર્ષ, દીવા)

રાજ હૉસ્પિટલ, મુલુંડ

વિનેશ ગડા (ઉંમર: ૪૭ વર્ષ, મુલુંડ),

તુલસીદાસ કટારિયા (ઉંમર: ૩૭ વર્ષ, થાણે),

ગોદરેજ હૉસ્પિટલ, વિક્રોલી

ભરત સહોલિયા (ઉંમર: ૩૭ વર્ષ, ડોમ્બિવલી), સચિન પાટીલ (ઉંમર: ૩૪ વર્ષ, ડોમ્બિવલી), મયૂર છેડા (ઉંમર: ૨૯ વર્ષ, ડોમ્બિવલી), રામચંદ્ર (અંબરનાથ)

રાજાવાડી હૉસ્પિટલ, ઘાટકોપર

ચંદ્રમણિ તિવારી (ઉંમર: ૨૫ વર્ષ, દીવા),

આનંદ શિરગાવકર (ઉંમર: ૩૫ વર્ષ,  કલવા), શૈલેશ કાંબળે (ઉંમર: ૩૭ વર્ષ, ઉલ્હાસનગર)

સપના હૉસ્પિટલ, ઘાટકોપર

સંદીપ ચંદે (ઉંમર: ૩૭ વર્ષ, ડોમ્બિવલી),

મોહમ્મદ સિદ્દીકી (ઉંમર: ૨૨ વર્ષ, મુમ્બ્રા),

ભાભા હૉસ્પિટલ, કુર્લા

સુજિત કાર્લેકર (ઉંમર: ૨૧ વર્ષ , કલ્યાણ)

સાયન હૉસ્પિટલ

પ્રશાંત થોરવે (ઉંમર: ૨૫ વર્ષ, દીવા)

કેઈએમ હૉસ્પિટલ, પરેલ

રાજેશ ભોસલે (પોલીસ-હવાલદાર, રેલવે-પોલીસ)

રેલવે અકસ્માતના મૃતકોના પરિવારને બે લાખ રૂપિયાનું વળતર

ગઈ કાલે મુલુંડ અને નાહુર વચ્ચે ટ્રેનમાંથી પડીને મૃત્યુ પામેલા પૅસેન્જરોના પરિવારજનોને બે લાખ રૂપિયાનું એક્સગ્રેસિયા વળતર આપવાની જાહેરાત રેલવેપ્રધાન મુકુલ રૉયે કરી હતી.

સેન્ટ્રલ રેલવેએ આ પહેલાં મૃત પૅસેન્જરોના પરિવારજનોને માત્ર ૧૫,૦૦૦ રૂપિયાની રકમ આપવાની જાહેરાત કરી હતી.

જોકે સેન્ટ્રલ રેલવેએ ગંભીર રીતે ઘાયલ થયેલા પૅસેન્જરોને પાંચ હજાર રૂપિયા અને મામૂલી ઘાયલ થયેલા પૅસેન્જરોને ૫૦૦ રૂપિયા આપ્યા હતા.

આ સિવાય ઘાયલોની સારવારનો ખર્ચ પણ રેલવે વિભાગ ઉઠાવશે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK