બિલ્ડિંગ તૂટી પડ્યું પત્તાંના મહેલની જેમ

નાલાસોપારામાં ડિમોલિશન ઝુંબેશ વખતે ઇમારતનું તકલાદીપણું બહાર આવ્યું : ગુજરાતી મશીન-ઑપરેટરનો ચમત્કારિક બચાવ

demolitionપી. સી. કાપડિયા

નાલાસોપારામાં સરકારી જમીન પર ગેરકાયદે બાંધવામાં આવેલી ઇમારત તોડવાનું કામ ચાલુ હતું ત્યાં અચાનક તૂટીને ડિમોલિશન કામ માટે લવાયેલા પૉકલેન મશીન પર પડી હતી. નસીબજોગે એનો ઑપરેટર ગિરીશ પટેલ બચી ગયો હતો. આ ઘટનાને કારણે ગેરકાયદે બાંધકામ તોડનારી પાલિકાની ડિમોલિશન ટીમની સુરક્ષાનો પ્રશ્ન ઊભો થયો છે.

નાલાસોપારા-ઈસ્ટમાં સંતોષ ભુવન ખાતેનાં ગેરકાયદે બાંધકામો સામે પાલિકાએ કાર્યવાહી શરૂ કરી છે. અહીં મુખ્ય રસ્તાને અડીને આવેલી બબલુ સિંહ અને સંજય સિંહ નામના બિલ્ડરની ચાર માળની બે લોડબેરિંગ ઇમારત (એવી ઇમારતો જેને બાંધવા માટે નિયમ મુજબ પાયા નાખવામાં આવ્યા ન હોય) પર શુક્રવારે પાલિકાનો હથોડો વીંઝાયો હતો. કમિશનર કિશોર ર્બોડેના માર્ગદર્શન હેઠળ સહાયક કમિશનર સુરેન્દ્ર પાટીલ, અતિક્રમણવિરોધી ટીમના અધિકારી નિમ્બા પવાર અને એન્જિનિયર દિલીપ ભુકંડના નેતૃત્વમાં ચાલી રહેલા અભિયાનમાં બિલ્ડિંગ તોડવા પૉકલેનનો ઉપયોગ થઈ રહ્યો હતો. પૉકલેન-ઑપરેટર ગિરીશ પટેલ બિલ્ડિંગ તોડવાનું કામ કરી રહ્યો હતો એવામાં આખું બિલ્ડિંગ પૉકલેનની દિશામાં નમવા લાગ્યું.

આ જોઈને ગિરીશ પૉકલૅનની કૅબિનમાંથી કૂદીને ભાગ્યો એની થોડી જ ક્ષણોમાં બિલ્ડિંગ પૉકલેન પર તૂટી પડ્યું. જો ગિરીશે ચીલઝડપ બતાવી ન હોત તો કાટમાળ નીચે તે પણ દબાઈ ગયો હોત.

નાલાસોપારાના સંતોષ ભુવન વિસ્તારમાં અનેક ગેરકાયદે બાંધકામો થયાં હોવાનું કહેવાય છે. અહીં જગ્યાના ભાવ ઓછા હોવાથી લોકો લાલચમાં આવીને ફ્લૅટ ખરીદી લે છે. ફ્લૅટ ખરીદનારા પણ વધુ ભણેલા ન હોવાથી બિલ્ડરની વાતોમાં આવી જાય છે. ગેરકાયદે હોવાની સાથે ઇમારતનું બાંધકામ પણ એકદમ નબળું હોય છે. મકાન તોડતી વખતે પૉકલેન ઑપરેટર તો બચી ગયો, પણ જો આવા નબળા મકાનમાં લોકો રહેતા હોય અને દુર્ઘટના થાય તો કેટલી જાનહાનિ થાય એની તો કલ્પના જ કરવી રહી.

આ સાથે પાલિકા પણ એમની ડિમોલિશન ટીમની સલામતી પ્રત્યે કેટલી બેદરકાર છે એ જગજાહેર થયું. ડિમોલિશન કરી રહેલી ટીમને હેલ્મેટ સુધ્ધાં આપવામાં આવી નહોતી.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK