સ્ટેશનો પર ટ્રાન્સપરન્ટ ડસ્ટબિનમાં હવે મૂકવામાં આવશે પ્લાસ્ટિક બૅગ

વેસ્ટર્ન રેલવેનાં સબર્બન સ્ટેશનો પર ટ્રાન્સપરન્ટ ડસ્ટબિન રાખવામાં આવી છે, પરંતુ આ ડસ્ટબિનમાં કચરો નાખવાને બદલે પ્રવાસીઓ થૂંકતા પણ હોવાથી એની નજીક ઊભું રહેવું પણ મુશ્કેલ થઈ ગયું છે.

સફાઈ-કર્મચારીઓ દ્વારા એમાંથી કચરો ઉપાડવાની મનાઈ કરવામાં આવ્યા બાદ હવે રેલવે દ્વારા આ ડસ્ટબિન પર પ્લાસ્ટિકની ટ્રાન્સપરન્ટ બૅગ મૂકવામાં આવી રહી છે, જેથી પ્રવાસીઓએ પહેલાં જે ગંદકીનો સામનો કરવો પડતો હતો એમાંથી છુટકારો મળશે. રેલવે દ્વારા પ્રવાસીઓને અપીલ કરવામાં આવી છે કે ડસ્ટબિનમાં થૂંકે નહીં.

મોટા ભાગનાં સ્ટેશનો પર મૂકવામાં આવેલી ડસ્ટબિનનો ઉપયોગ પ્રવાસીઓ થૂંકવા માટે કરતા હતા એ વાત વેસ્ટર્ન રેલવેના અધિકારીએ માની હતી. પ્રવાસીઓ થૂંકતાં હોવાથી રેલવેના સફાઈ-કર્મચારીઓએ ડસ્ટબિન સાફ કરવાની ના પાડી હતી. એ માટે તેમણે પોતાનો હાથ ડસ્ટબિનની અંદર સુધી નાખવો પડતો હોય છે. હવે પ્લાસ્ટિકની થેલીને કારણે સફાઈ-કર્મચારી એ રોજેરોજ ખાલી કરશે, જેથી ગંદકી નહીં થાય અને ગંધ પણ નહીં આવે.

આ ડસ્ટબિનને ૨૦૧૧ના જુલાઈ મહિનામાં દરેક સ્ટેશન પર મૂકવામાં આવી હતી. વેસ્ટર્ન રેલવેએ ચર્ચગેટથી વિરાર સેક્શનમાં ૨૬ સ્ટેશનો પર કુલ મળીને ૮૦૦ જેટલી ડસ્ટબિન મૂકી છે. એક ડસ્ટબિન મૂકવાનો ખર્ચ ૨૮૦૦ રૂપિયા જેટલો છે.

એસી ટ્રેનનું સપનું સાકાર થશે

મુંબઈની ટ્રેનોની સર્વિસનું ડીસી (ડાયરેક્ટ કરન્ટ)થી એસી (ઑલ્ટરનેટ કરન્ટ)માં વિદ્યુતીકરણ થયા બાદ મુંબઈની લોકલમાં એસી ટ્રેનનો સમાવેશ કરવાનું સપનું સાકાર થઈ શકે એમ છે. આગામી રેલવે-બજેટમાં એસી ટ્રેનના પ્રસ્તાવને મૂકવા પહેલાં આ પ્રોજેક્ટને રેલવેપ્રધાન દિનેશ ત્રિવેદીની અનુમતિ જરૂરી રહેશે. અત્યાર સુધી પેપર પર રહેલા પ્રોજેક્ટનો ખરો આધાર ટ્રાયલ રન અને ચલાવવા માટેની કાર્યપદ્ધતિ સાથે કેટલા લોકો એસી ટ્રેનોનો ઉપયોગ કરશે એના પર છે. અત્યારની લોકલના દરેક ડબ્બામાં પરવાનગીની સંખ્યા કરતાં વધારે અંદાજે ૫૦૦ લોકો પ્રવાસ કરે છે જે એસી લોકલ માટે અશક્ય રહેશે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK