જેમાં ચકલી માળો બાંધી શકે એવી કંકોતરી

આમંત્રણ ૪૦૦ પરિવારને જ આપવાનું હતું, પણ આ આમંત્રણપત્રિકાની એવી ડિમાન્ડ નીકળી કે બે હજાર બનાવવી પડી

mrg

રોહિત પરીખ

મુલુંડ (વેસ્ટ)ના વીણાનગરના રહેવાસી અને સુરતના કરુણા ટ્રસ્ટના સક્રિય કાર્યકર ધરણેન્દ્ર સંઘવીએ તેમના પુત્ર દર્શિલનાં લગ્નની કંકોતરીને પક્ષીઓના ઘરનું સ્વરૂપ આપ્યું છે. ધરણેન્દ્ર સંઘવીએ આમંત્રણ ફક્ત ૪૦૦ પરિવારને આપવાનું છે, પરંતુ તેમની કંકોતરીરૂપી પક્ષીના ઘરની એટલીબધી ડિમાન્ડ નીકળી કે તેમણે બે હજાર કંકોતરી તૈયાર કરાવવી પડી છે.

સાત વર્ષ પહેલાં ધરણેન્દ્ર સંઘવી તેમની તબિયતને કારણે મુલુંડથી સુરત રહેવા ગયા છે. જોકે તેમનો હજી વીણાનગરમાં ફ્લૅટ હોવાથી તેમના પુત્રનાં મૅરેજ તેમણે ભાંડુપના મેવાડ કેસરી ભવનમાં રાખ્યાં છે. ધરણેન્દ્ર સંઘવીએ દેવનાર કતલખાના માટે અને ગુજરાતમાં પક્ષી વેચવા પર પ્રતિબંધ લાદવા માટે અગ્રણી રોલ ભજવ્યો છે. તેઓ તેમના બિઝનેસની સાથે ૩૬૫ દિવસ છેલ્લાં ૧૮ વર્ષથી જીવરક્ષાનાં કાર્યોમાં રચ્યાપચ્યા રહે છે. એથી ધરણેન્દ્ર સંઘવીનો પુત્રના લગ્નપ્રસંગે જીવરક્ષા માટે કંઈક કરવાનો વિચાર હતો.

mrg1

આ બાબતની માહિતી આપતાં ધરણેન્દ્ર સંઘવીએ ‘મિડ-ડે’ને કહ્યું હતું કે ‘ઘણા સમય પહેલાંથી મને પુત્રના લગ્નપ્રસંગે જીવરક્ષાનો પ્રોજેક્ટ બનાવવો હતો. પુત્રના ચાર મહિના પહેલાં લગ્ન નક્કી થયાં ત્યારે મેં પહેલાં મારા પરિવારમાં જીવરક્ષા પ્રોજેક્ટની ચર્ચા કરી હતી. IT એન્જિનિયર દર્શિલ સહિત પરિવારના સભ્યોનો એક જ સવાલ હતો કે તમે આ પ્રોજેક્ટ કેવી રીતે પાર પાડશો. સવાલ પૂછવામાં જરૂર આવ્યો હતો, પણ સાથે-સાથે તેમણે મને જીવરક્ષાના પ્રોજેક્ટની સંમતિ આપી દીધી હતી.’

બસ, પરિવારની સંમતિ મળતાં જ મેં પ્રોજેક્ટ પર વર્ક કરવાનું શરૂ કરી દીધું હતું એમ જણાવતાં ધરણેન્દ્ર સંઘવીએ કહ્યું હતું કે ‘મારે આ પ્રોજેક્ટ પર્યાવરણપ્રેમી બનીને કરવાનો હતો, જીવરક્ષા માટે કરવાનો હતો. એટલે મેં ઇકો-ફ્રેન્ડ્લી કંકોતરી બનાવવા માટેની ડિઝાઇનો કરવાની તૈયારી કરી હતી. ïમારા પુત્રનું ઘર બાંધવા જઈ રહ્યો હતો ત્યારે મારે પક્ષીઓ માટે પણ ઘરરૂપી કંકોતરી બનાવવી હતી. એ માટે મેંબે-ચાર ડિઝાઇનો બનાવી જેમાં પક્ષીઓને સુવિધારૂપ રહે એવાં બૉક્સ તૈયાર કર્યાં. આખરે એક બૉક્સ જીવરક્ષા માટે મેં તૈયાર કર્યું અને એ ડિઝાઇન પ્રમાણે મેં એ બૉક્સ જેવી કંકોતરી બનાવવા આપી દીધી.’

mrg2

આ કંકોતરીને ધરણેન્દ્ર સંઘવીએ વિવાહ સંસ્કાર નામ આપ્યું છે જેમાં તેમણે પુત્રના પ્રસંગોની વિગતોની સાથે ચકલીની દર્દભરી અપીલ અને સૂચના પણ લખી છે. આ લખાણમાં તેમણે લખ્યું છે કે ચકલીને લુપ્ત થતી અટકાવવા એના સંરક્ષણ, સંવર્ધન અને માળાનાં સ્થાનોની (ચકલીનો માળો) પૂર્તિ કરવાની તાતી જરૂર છે. ચકલીને ઝાડ પર માળો બનાવતાં નથી આવડતું અને એ બનાવી નથી શકતી. આ માળા એટલે કે કંકોતરીરૂપી પક્ષીઘરને ક્યાં રાખવું એ સૂચના આપતાં તેમણે લખ્યું છે કે ‘બાલ્કની કે બારી-દરવાજાની છાજલી નીચે બે અથવા બેથી વધુ સંખ્યામાં રાખવી. બિલાડી ન પહોંચી શકે એવી જગ્યા પસંદ કરવી. પાણી કે વરસાદમાં બગડે નહીં એનું ધ્યાન રાખવું. શિકારી પક્ષીઓનો ભય હોવાથી ખુલ્લા ઝાડ પર, બગીચા કે અગાસીમાં રાખવું નહીં. ચકલીના માળાની આજુબાજુમાં કે ઝાડ પર પાણીની કૂંડી કે ચણની છાબડી રાખવાથી વધુ સારું પરિણામ અને પુણ્ય મળશે.’

ધરણેન્દ્ર સંઘવી જ્યારે તેમના પ્રિયજનો અને સ્વજનોમાં દર્શિલના લગ્નપ્રસંગની પક્ષીના ઘરરૂપી કંકોતરી આપવા નીકળ્યા ત્યારે સૌએ એકથી વધુ કંકોતરીની ડિમાન્ડ કરી. આ સંદર્ભમાં ધરણેન્દ્ર સંઘવીએ કહ્યું હતું કે ‘પ્રિયજનો અને સ્વજનો જ નહીં, તેમના આડોશીપાડોશી કંકોતરી જોઈને જીવરક્ષાના આશયથી કંકોતરીની ડિમાન્ડ કરવા લાગ્યા. આની સાથે મેં વર્ષો પહેલાં શરૂ કરેલી પાણીની કૂંડી અને ચણની છાબડી પણ આપવાની શરૂ કરી હતી. લગ્નપ્રસંગમાં પણ કંકોતરી (પક્ષીનું ઘર), પાણીની કૂંડી અને ચણની છાબડી જે કોઈ ડિમાન્ડ કરશે તેને આપવામાં આવશે. આમ હું મારા જીવરક્ષાના ધ્યેયમાં સફળ રહ્યો છું.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK