મલાડની મહિલાનો કેમ ઊજવાયો મરણોત્સવ?

બાવન વર્ષનાં અર્પિતા શાહનું દેવલાલીમાં ૪૭ દિવસના ઉપધાન તપ બાદ ઉપાશ્રયમાં જ મૃત્યુ થતાં પરિવારે શોક ન મનાવવાનો ફેંસલો કર્યો

last1

પ્રીતિ ખુમાણ ઠાકુર

મલાડ (ઈસ્ટ)માં ખાંડવાલા લેનમાં રહેતાં અર્પિતા કૌશિક શાહ ઉપધાન તપ કરવા નાશિક પાસે આવેલા દેવલાલીમાં જૈન તીર્થસ્થળે ગયાં હતાં. પ.પૂ. આચાર્યદેવ તત્વદર્શનસૂરીશ્વરજી મહારાજની નિશ્રા હેઠળ ૪૭ દિવસના ઉપધાન તપની આરાધના પૂરી કર્યા બાદ તેમને હાર્ટ-અટૅક આવતાં તેઓ ઉપાશ્રયમાં જ મૃત્યુ પામ્યાં હતાં. તેમનો પાર્થિવ દેહ તેમના ઘરે લાવ્યા બાદ અંતિમ વિદાય વખતે અને એ પછી પણ કોઈએ રડવું નહીં એવું પરિવારે નક્કી કરીને મરણને મરણોત્સવ તરીકે ઊજવ્યું હતું. એક ઉત્સવની જેમ અંતિમ વિદાય ઊજવીને તેમને ચોખાથી વધાવીને વિદાય આપી હતી. આ ઉપરાંત પ્રાર્થનાસભા નહીં પણ માતૃવંદનાનો કાર્યક્રમ યોજીને પરિવારે તેમને યાદ કર્યાં હતાં. આમ આ અંતિમ વિદાય પરિવારે લીધેલા નિર્ણયથી અનોખી બની ગઈ હતી.

હજી તો તેમને મળીને મુંબઈ રવાના થયા અને મુંબઈ પહોંચતાં જ આ સમાચાર મળ્યા એમ જણાવીને અર્પિતાબહેનના નાના ભાઈ પીયૂષ ધામીએ ‘મિડ-ડે’ને કહ્યું હતું કે ‘અર્પિતાબહેન નાની ઉંમરથી જ અનેક તપ કરતાં હતાં. દસેક વર્ષથી દેવલાલીમાં જૈન તીર્થ સ્થળે ઉપધાન તપ કરાય છે ત્યાં તેમના સહિત અન્ય લગભગ ૨૫૦ જેટલા તપસ્વીઓ આ તપ કરવા આવ્યા હતા. ૪૭ દિવસના આ તપમાં છેલ્લા દિવસે મોક્ષમાળા પરિધાનનો કાર્યક્રમ યોજાયો હતો. આ કાર્યક્રમમાં જોડાવા મુંબઈથી અમારા પરિવારના અનેક લોકો ત્યાં પહોંચ્યા હતા. અન્ય તપસ્વીઓના પરિવારો પણ ત્યાં આવ્યા હતા. આ કાર્યક્રમ બાદ રાતના ઉપાશ્રયમાં જઈને બહેન પૌષધ (ભગવાનની આરાધના) કરીને આરામ કરવા ગયાં હતાં. એ દિવસે રાતના અચાનક વીજળીનો અવાજ આવતાં બહેનની બાજુમાં મારાં ભાભી સૂતાં હતાં તેમને ઊભાં કર્યાં હતાં. વરસાદ આવતાં ડોમમાં સૂતા બધા તપસ્વીઓ અંદર હૉલમાં આવી ગયા હતા. લાઇટ પણ જતી રહી હતી, પરંતુ બહેન આવ્યાં ન હોવાનું જોઈને ભાભીએ મોબાઇલની લાઇટથી બહાર આવીને જોયું તો બહેન ત્યાં જ પડ્યાં હતાં. મોક્ષમાળા પરિધાન કાર્યક્રમમાં અમે બધા તેમને મળ્યા હતા અને ઘણો સમય સાથે વિતાવ્યો હતો. પછી અમે મુંબઈ પાછા આવ્યા અને તેમના પતિ તેમને બીજા દિવસે મુંબઈ લાવવા માટે ત્યાં જ રોકાયા હતા. જોકે એ પહેલાં જ અચાનક આવો બનાવ બની ગયો હતો.’

મરણોત્સવ ઊજવવાનો નિર્ણય લેવાયો હતો એમ જણાવીને પીયૂષભાઈએ કહ્યું હતું કે ‘તપ પૂર્ણ કરીને ઉપાશ્રયમાં તેમનો જીવ જતો રહ્યો હોવાથી એ સૌભાગ્ય કહેવાય. એટલે પરિવારે આને મરણ નહીં પણ મરણોત્સવ તરીકે ઊજવવાનો નિર્ણય લીધો હતો. મહારાજસાહેબે પણ પત્ર લખીને અમને આ જ વાત કહી હતી. એથી ઘરમાં કે પરિવારમાં કે પછી અન્ય કોઈને પણ મરણ નિમિત્તે અંતિમ વિદાયમાં રડવાનું નહીં એવું નક્કી કર્યું હતું.

એથી કોઈને રડવા દીધા નહોતા અને તપસ્વી અમર રહોના નારા લગાવીને અંતિમ વિદાયનું વાતાવરણ ધર્મમય બનાવ્યું હતું. ઉપરાંત અંતિમ વિદાયમાં ઉપસ્થિત લોકોએ નનામીને ચોખા (અક્ષત)થી વધાવી હતી. પ્રાર્થનાસભાનો નહીં પણ પરિવારે માતૃવંદનાનો કાર્યક્રમ યોજ્યો હતો.’

તેમણે અનેક તપ કર્યાં હતાં એમ જણાવીને પીયૂષભાઈએ કહ્યું હતું કે ‘અર્પિતાબહેન ખૂબ ધાર્મિક હતાં. તેમણે તેમના જીવનકાળ દરમ્યાન અનેક તપ કર્યાં હતાં. એમાંથી એક તપ પાંચેક મહિના પહેલાં જ કર્યું હર્તું. તેમણે ભદ્ર તપ કર્યું હતું જેમાં ૭૫ દિવસ ઉપવાસ અને ૨૫ દિવસ બિયાસણાં કરવાનાં હોય છે અને ૧૦૦ દિવસના તપમાં આરાધના કરવાની હોય છે. છેલ્લાં ૧૦ વર્ષથી અર્પિતાબહેને ટીવીનો પણ ત્યાગ ક્ર્યો હોવાથી ટીવી પણ જોતાં નહોતાં.’

last

ઉપધાન તપ શું છે?

જૈન ધર્મમાં ઉપધાન તપનું ખૂબ મહત્વ હોય છે. એ કરનારે જૈન સાધુની જેમ જીવવાનું હોય છે. આ તપ ૪૭ દિવસનું હોય છે. એમાં એક દિવસ ઉપવાસ અને એક દિવસ એકટાણું કરવાનું હોય છે. એમાં લીલોતરી અને કડક વસ્તુઓ ખાવાની હોતી નથી. સવાર, સાંજ એમ સમયાંતરે ભગવાનની આરાધના કરવાની હોય છે. ઉપરાંત નાહવાનું પણ નહીં, પંખો નહીં, ગાદલાવાળી પથારી નહીં જેવા અનેક કડક નિયમોનું પાલન કરવાનું હોય છે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK