શાબાશ

બોરીવલીમાં ૨૭,૦૦૦ રૂપિયા ભરેલું પર્સ રસ્તા પરથી મળતાં બોરીવલી પોલીસે એના માલિકને પાછું આપ્યું

borivali


ઉર્વી શાહ મેસ્ત્રી

આમ તો મોટા ભાગના લોકો માનતા હોય છે કે પોલીસ ક્યારેય સમયસર મદદે નથી આવતી, પરંતુ બોરીવલીની એક ઘટના બાદ આ વાત સાવ ખોટી ઠરી છે. બોરીવલી (વેસ્ટ)માં સોડાવાલા લેનમાં આશિયાના ટાવર્સની સામે સાઇકલ પર દૂધનું મહિનાનું કલેક્શન કરતા શૈલેશ શિંદેનું સોમવારે બપોરે સાડાત્રણ વાગ્યે પૅન્ટના ખિસ્સામાં મૂકેલું ૨૭,૦૦૦ રૂપિયા ભરેલું પર્સ રસ્તામાં પડી ગયું હતું. ત્રણ કલાક આમતેમ શોધ્યા બાદ પાસે આવેલી એક હૉસ્પિટલના વૉચમૅને સઘળી માહિતી જાણીને તેને જણાવ્યું કે તારું પર્સ સુરક્ષિત છે અને એ બોરીવલી પોલીસ-સ્ટેશનમાં છે. પોલીસે પૂરતી ઇન્ક્વાયરી કરીને એ ૨૭,૦૦૦ રૂપિયા હર્ષા મિલ્ક એજન્સીના ગુજરાતી માલિકના નાના ભાઈ ખુશાલ લાલનને પાછા સોંપ્યા હતા.

રૂપિયા કેવી રીતે પાછા મળ્યા એની વધુ માહિતી આપતાં હર્ષા મિલ્ક એજન્સીના માલિક અને ખુશાલ લાલનના મોટા ભાઈ વિશાલ લાલને ‘મિડ-ડે’ને જણાવ્યું હતું કે ‘અમે રોજ સવારે દૂધ સપ્લાય કરીએ છીએ અને મહિનાની એકથી દસ તારીખમાં આખા મહિનાનું કલેક્શન કરતા હોવાથી સોમવારે અમારો માણસ શૈલેશ શિંદે રાબેતા મુજબ અગિયાર વાગ્યે સાઇકલ પર ઘરેથી નીકળ્યો અને કલેક્શન માટે એકથી બીજા ઘરે જવા લાગ્યો. એ સમયે રસ્તામાં આશિયાના ટાવર્સની સામે તેનું પર્સ પડી ગયું હતું. એક બિલ્ડિંગમાંથી કલેક્શન કરીને એ રૂપિયા પર્સમાં મૂકવા ગયો તો ખિસ્સામાંથી પર્સ ગાયબ હોવાથી તે એકદમ ગભરાઈ ગયો હતો અને ઝડપભેર આસપાસના વિસ્તારમાં લગભગ અઢી-ત્રણ કલાક સુધી શોધી રહ્યો હતો. ત્યાં અચાનક પાસે આવેલી એક હૉસ્પિટલના વૉચમૅને તેને જોયો અને પૂછ્યું કે તું શું શોધી રહ્યો છે? ત્યારે તેણે બધી હકીકત જણાવી હતી.’

આનંદિત વિશાલ લાલને વધુમાં ઉમેર્યું હતું કે ‘વિગત જાણ્યા બાદ વૉચમૅને શૈલેશને કહ્યું કે તું ડર નહીં, તારું પર્સ સુરક્ષિત છે. અહીં ઑન-ડ્યુટી પોલીસ-કૉન્સ્ટેબલ શરદ દરાડે તથા ASI શેગડે રાઉન્ડ પર નીકળ્યા હતા અને તેમણે મને કહ્યું કે પર્સ બાબતે જો કોઈ પૂછપરછ કરે તો તેને બોરીવલી પોલીસ-સ્ટેશનમાં પર્સ છે એવી માહિતી આપજે. એથી અમારો માણસ શૈલેશ સાંજે સાત વાગ્યાની આસપાસ પોલીસ-સ્ટેશનમાં ગયો ત્યારે પોલીસે બધી ઇન્ક્વાયરી કરી અને હું બહારગામ હોવાથી મારા નાના ભાઈ ખુશાલ લાલનને પોલીસ-સ્ટેશનમાં બોલાવીને ૨૭,૦૦૦ રૂપિયા પાછા આપ્યા હતા. ખોવાઈ ગયેલા રૂપિયા ભાગ્યે જ મળતા હોય છે ત્યારે બોરીવલી પોલીસે પોતાની ફરજ બજાવીને અમને અમારા રૂપિયા પાછા આપ્યા હતા. અમે બોરીવલી પોલીસ સ્ટેશનના ખૂબ આભારી છીએ.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK