મીરા-ભાઇંદરમાં મીટરો ડાઉન

આડેધડ ભાડાં વસૂલતા ડ્રાઇવરો સામે ટીમ અણ્ણા ગ્રુપ દ્વારા ચલાવવામાં આવેલા આ કૅમ્પેનમાં એસએમએસથી લોકોને સજાગ કરવામાં આવ્યા.સામાજિક કાર્યકર અણ્ણા હઝારે દ્વારા શરૂ કરવામાં આવેલી ઇન્ડિયા અગેઇન્સ્ટ કરપ્શનની મૂવમેન્ટને સક્રિય રાખવા તેમના સમર્થકોએ ગઈ કાલે મીરા-ભાઈંદરની રિક્ષાનાં મીટરો ડાઉન કર્યા હતા.

 

છેલ્લા ઘણા વખતથી સરકારે બંધ કરાવ્યું હોવા છતાં મીરા રોડ-ભાઈંદરના રિક્ષાવાળાઓ વગર મીટરે લોકો પાસેથી પોતાની મરજી મુજબ ભાડાં ઉઘરાવી રહ્યા હતા. રિક્ષાવાળાઓની આવી મનમાની વિશે લોકોમાં જાગૃતિ ફેલાવવા માગતા અણ્ણા હઝારેના સમર્થકોની આવી સેવાને મીરા-ભાઈંદરવાસીઓએ બિરદાવી છે.

મીરા-ભાઈંદરના રિક્ષાવાળાઓ વિરુદ્ધની ‘મીટર ડાઉન’ કૅમ્પેન વિશે ઇન્ડિયા અગેઇન્સ્ટ કરપ્શન સંસ્થાના કાર્યકર રાકેશ સરાવગીએ કહ્યું હતુ કે ‘સરકારે મીરા-ભાઈંદરમાં રિક્ષાવાળાઓને રિક્ષા મીટરથી ચલાવવાનો આદેશ આપ્યો હોવા છતાં મોટા ભાગના રિક્ષાવાળાઓ વગર મીટરે જ પૅસેન્જરોને લઈ જતા હતા અને મનફાવે એટલું ભાડું વસૂલ કરતા હતા. આવી ૪૦થી વધુ રિક્ષાઓનાં મીટર અમે આજે ડાઉન કયાર઼્ હતાં અને ૨૭,૦૦૦ લોકોને અમે આ માહિતી એસએમએસ મારફત પહોંચાડી હતી. લગભગ દોઢેક હજાર લોકોને ઇન્ડિયા અગેઇન્સ્ટ કરપ્શનના વૉલિન્ટિયરોએ આ જાણકારી સૂર્યા શૉપિંગ સેન્ટર પાસે મળીને આપી હતી. કોઈ રિક્ષાવાળો સામાન્ય લોકોની વાત ન માને તો તેની વિરુદ્ધ ફરિયાદ (આરટીઓ ફોનનંબર : ૧૮૦૦૨ ૨૫૩૩૫ અને થાણે માટે ફોનનંબર : ૦૨૨-૨૫૩૪ ૦૪૭૪) નોંધાવી શકાશે.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK