ઘાટકોપરના કચ્છી ડૉક્ટરનું આરાધનામય મોત

ડૉ. ટેકચંદ વીરાનું શનિવારે પ્રતિક્રમણ દરમ્યાન આવેલા હાર્ટ-અટૅકમાં અવસાન થયું : તેમની ભવ્ય પાલખીયાત્રામાં સેંકડો જૈનો જોડાયા : અંતિમ સંસ્કાર પત્ની, પુત્રી અને જમાઈએ સાથે મળીને કર્યા

doctor


રોહિત પરીખ/ખુશાલ નાગડા

માનવી હંમેશાં સમાધિમૃત્યુની ઝંખના રાખે છે, પણ અમુક ભાગ્યશાળી વ્યક્તિઓ જ આવા મૃત્યુને પામે છે. આવી વ્યક્તિઓમાં ઘાટકોપર (ઈસ્ટ)ના ડૉ. ટેકચંદ વીરાનું નામ જોડાયું હતું. જૈન સમાજ માટે શનિવાર બહુ મોટો અને પવિત્ર દિવસ હતો. આવા સપરમા દિવસે ૬૪ વર્ષના ડૉ. ટેકચંદ વીરાનું પ્રતિક્રમણની વિધિ દરમ્યાન હાર્ટ-અટૅક આવવાથી મૃત્યુ થયું હતું. એને કારણે ગઈ કાલે સવારે તેમની પાલખીયાત્રા કાઢવામાં આવી હતી, જેમાં સેંકડો લોકો જોડાયા હતા.

જૈનોમાં પ્રતિક્રમણ એક ધાર્મિક વિધિ છે. સામાન્ય દિવસોમાં એ વિધિ ૪૮ મિનિટ ચાલે છે, જ્યારે ચૌદસના દિવસે એ વિધિ અઢી કલાકથી વધુ સમય ચાલતી હોય છે. ટેકચંદભાઈનું આ ધાર્મિક વિધિ દરમ્યાન મૃત્યુ થયું હોવાથી ગઈ કાલે તેમની ભવ્ય પાલખીયાત્રા નીકળી હતી. ડૉ. ટેકચંદ વીરાના અંતિમ સંસ્કાર તેમનાં પત્ની ડૉ. નલિની, દીકરી રિદ્ધિ અને જમાઈ અંકિતે સાથે મળીને કર્યા હતા.

પાલખીયાત્રા અને મૃત્યુ વિશેની માહિતી આપતાં ચાતુર્માસ માટે બિરાજમાન યુગદિવાકર આચાર્ય ધર્મસૂરીશ્વરજી મહારાજસાહેબના સમુદાયના આચાર્ય રાજરત્નસૂરીશ્વરજી મહારાજસાહેબે ‘મિડ-ડે’ને કહ્યું હતું કે ‘શનિવારે રાતે પ્રતિક્રમણમાં ડૉ. ટેકચંદ વીરાની તબિયત બગડી હતી અને તેમનું મૃત્યુ થયું હતું. આ મૃત્યુને આરાધનામય મૃત્યુ કહેવાય છે. આમ તો પાલખીયાત્રા સાધુ-સંતોની નીકળતી હોય છે, પણ કયારેક આવા પ્રતિક્રમણ જેવા વિશિષ્ટ અનુષ્ઠાનમાં શ્રાવકનું મૃત્યુ થાય તો પણ પાલખીયાત્રા નીકળતી હોય છે.’

ડૉ. ટેકચંદ વીરાના મિત્રને કારણે ટેકચંદભાઈનું જીવન ધર્મમય બન્યું હતું. આ મિત્રે ‘મિડ-ડે’ને કહ્યું હતું કે ‘ટેકચંદભાઈ છેલ્લાં સોળ વર્ષથી દર્શન, જ્ઞાન, ચારિત્ર્ય, તપની આરાધના કરતા હતા. મૃત્યુ સમયે પણ ટેકચંદભાઈ કાઉસ્સગ મુદ્રામાં ઊભા હતા અને અચાનક ઢળી પડ્યા હતા. એ મૃત્યુના સમાચારથી મને શ્રીમદ્ રામચંદ્રસૂરીશ્વરજી મહારાજસાહેબનું કથન યાદ આવી ગયું હતું, જેમણે કહ્યું હતું કે જૈન શ્રાવકની અંતિમયાત્રા હંમેશાં સૂતા-સૂતા નહીં પણ બેઠા-બેઠા નીકળવી જોઈએ. એટલે જ ટેકચંદભાઈના ગુરુ આચાર્ય યુગભૂષણસૂરીશ્વરજી મહારાજસાહેબ (પંડિત મહારાજ)ની પરવાનગી લઈને ગઈ કાલે ટેકચંદભાઈની પાલખીયાત્રા કાઢવામાં આવી હતી.’

ડૉ. ટેકચંદ વીરાએ ડિસેમ્બર-૨૦૧૪માં ગુજરાતમાં પાસે આવેલા શંખેશ્વર તીર્થમાં આચાર્ય યુગભૂષણસૂરીશ્વરજી મહારાજસાહેબ પાસે દીક્ષા ગ્રહણ કરી હતી. જોકે તેઓ અમુક અંગત કારણોસર દોઢ મહિના પહેલાં સંસારમાં પાછા આવી ગયા હતા. જોકે સાધુજીવનમાંથી પાછા આવ્યા પછી પણ તેઓ સંસારમય બન્યા નહોતા. તેઓ સતત ધર્મધ્યાનમાં જ મગ્ન રહ્યા હતા.

શનિવારથી જૈનોના ચાતુર્માસનો પ્રારંભ થયો હતો અને બહુ મોટો દિવસ હતો એમ જણાવતાં ટેકચંદભાઈના એક સ્વજન મિત્રે ‘મિડ-ડે’ને કહ્યું હતું કે ‘ટેકચંદભાઈનો ઉપવાસ હતો. સાંજના તેઓ ઘાટકોપર (ઈસ્ટ)ના દિનેશ ભુવન ઉપાશ્રયમાં પ્રતિક્રમણ કરવા ગયા હતા. પ્રતિક્રમણ દરમ્યાન ટેકચંદભાઇને હાર્ટ-અટૅક આવ્યો હતો, જેમાં તેમનું મૃત્યુ થયું હતું. ટેકચંદભાઈનું શનિવારે મૃત્યુ થયું એ સમયે જૈન શાસ્ત્ર મુજબ તેઓ સંયમ મુદ્રામાં જ હતા. આથી ગઈ કાલે તેમની પાલખીયાત્રા કાઢવામાં આવી હતી, જેમાં ઉપાશ્રયના પદાધિકારીઓ સહિત જૈન સમાજના સેંકડો લોકો જોડાયા હતા.’

ડૉ. ટેકચંદ વીરાના પરિવારને ૧૯૯૬માં ચારધામની યાત્રા દરમ્યાન એક ગોઝારો અકસ્માત નડ્યો હતો એની માહિતી આપતાં તેમના મિત્રે કહ્યું હતું કે ‘આ અકસ્માતમાં તેમનો પરિવાર ચમત્કારિક રીતે ઊગરી ગયો હતો. એને પરિણામે ડૉકટરના જીવનમાં જબરદસ્ત પરિવર્તન આવી ગયું હતું. એમાં તેમને આચાર્ય યુગભૂષણસૂરીશ્વરજી મહારાજસાહેબનો પરિચય થઈ ગયો અને પ્લ્ થયેલા ડૉ. ટેકચંદ વીરાએ સંયમમાર્ગે જવાનો નિર્ણય લઈ લીધો હતો.’

તેમનામાં લગ્ન બાદ ધાર્મિક પરિવર્તન આવ્યું હતું એમ જણાવીને તેમના મિત્રે કહ્યું હતું કે ‘તેમનાં લગ્ન ડૉ. નલિની સાથે થયાં અને તેઓ ઘાટકોપર રહેવા ગયા હતા. ઘાટકોપરમાં આવતાં જ તેમને ધર્મ પ્રત્યે રાગ થયો. ડૉ. નલિનીની સત્યશોધકતાને કારણે તેમણે બાઇબલ, કુરાન અને ભગવદ્ગીતાનું વાંચન શરૂ કર્યું હતું; જેને પરિણામે ૧૯૯૫માં મનોમંથનની શરૂઆત થઈ હતી અને જીવનમાં ધર્મની મહત્તા સમજાવા લાગી હતી. તેમનો પરિવાર ૧૯૯૬માં ચારધામ યાત્રાએ ગયો ત્યારે તેમની બસને નડેલાં અકસ્માતમાં તેમના પરિવારને મળેલા નવજીવન પછી તેઓ ધર્મરાગી બની ગયા હતા.’

અકસ્માત તેમના જીવનનો સૌથી મોટો ટર્નિંગ પૉઇન્ટ હતો એમ જણાવતાં તેમના મિત્રે કહ્યું હતું કે ‘અકસ્માત પછી તેઓ જૈન ધર્મનાં પુસ્તકો અને ભગવદ્ગીતાનાં પુસ્તકો વાંચવા લાગ્યા હતા અને જૈનોલૉજી તરફ વળી ગયા હતા. એવા સમયે જૈન ધર્મના એક ગ્રંથ જેમાં જૈન ધર્મનો સંપૂર્ણ સાર હતો એ વાંચ્યા પછી જીવનના બીજા ટ્રૅક પર એટલે કે સાધુજીવન તરફ જવાનો નિર્ધાર કર્યો હતો અને ડિસેમ્બર-૨૦૧૬માં તેમણે સંયમમાર્ગ ગ્રહણ કર્યો હતો. જોકે અમુક અંગત કારણોસર તેમને સંસારમાં પાછા ફરવું પડ્યું હતું. તેઓ દોઢ મહિના પહેલાં જ સંસારમાં પાછા ફર્યા હતા. આ દોઢ મહિનામાં તેઓ તેમના ધર્મધ્યાનમાં જ તલ્લીન હતા અને સંસારી બન્યા નહોતા.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK