હોમલોન સમય પહેલાં ભરવી જોઈએ?

 

તમારી આર્થિક પરિસ્થિતિ સારી હોય અને તમે મુદત પહેલાં લોન ચૂકવી દેવા માગતા હો તો પણ એવું કરો એ અગાઉ આટલા મુદ્દા ધ્યાનમાં રાખો

 

homeloanવ્યક્તિએ તેની હાલમાં રહેલી હોમલોન સમય પહેલાં ભરી દેવી જોઈએ કે પછી એને ચાલુ રાખવી જોઈએ એ હંમેશાં તેમના માટે દ્વિધા ભરેલો નિર્ણય રહ્યો છે. છેલ્લાં થોડાં વર્ષોમાં વ્યાજનો દર વધતો જાય છે અને એ જ રીતે હોમલોનનો ફ્લોટિંગ રેટ પણ વધતો જાય છે. થોડા વખતથી જ હાઉસિંગ ફાઇનૅન્સ કંપનીઓ અને બૅન્કો દ્વારા હોમલોન સમય પહેલાં ચૂકવી દેવા પરના ચાર્જ માફ કરી દેવામાં આવ્યા. એવો તો કયો અદ્ભુત લલચાવનારો વિકલ્પ છે જેને લીધે આપણે બાકી રહેલી લોન પણ સમય પહેલાં ચૂકવી દેવા ઉત્સુક થઈ જઈએ છીએ? જે વ્યક્તિ પોતાની હોમલોનને સમય કરતાં પહેલાં ચૂકવવાની ઇચ્છા કરતી હોય તેણે નીચે જણાવેલા મુદ્દા ધ્યાનમાં રાખવા જરૂરી છે.

 

હોમલોન એક મિલકત ઉપજાવનારી લોન છે. દરેકના જીવનમાં પોતાનું એક ઘર ખરીદવા માટેનું સૌથી ઊંચું અને સુંદર મજાનું લક્ષ્ય હોય છે, કદાચ એ લક્ષ્ય સાર્થક કરવા માટે તેની પાસે પૂરતા પૈસા ન હોય છતાં પણ.લોનની સામે વ્યક્તિ એક મિલકત મેળવે છે જે તેને ભાડાની આવક રળી આપે છે અથવા તો જો એ ઘર પોતાને રહેવા માટે ખરીદી લેતી હોય તો તે ભાડાના ઘરનું ભાડું ભરવામાંથી મુક્તિ મેળવે છે.

 

જો તમારા ઘરમાંથી મળતી આવક ઈએમઆઇ (ઇક્વેટેડ મન્થ્લી ઇન્સ્ટૉલમેન્ટ) કરતાં વધુ હોય તો એ વધારે યોગ્ય છે કે તમે લોનના અમુક હિસ્સાને સમય કરતાં પહેલાં ચૂકવી દો જેથી ઈએમઆઇ ઓછો કરી શકાય. ખુદને પ્રશ્ન કરો કે તમે તમારા ઘરને ભાડે આપવાના છો?

 

એ વસ્તુ ધ્યાનમાં રાખો કે તમે તમારી હોમલોનના થોડા હિસ્સાને અથવા આખી રકમને તગડું બોનસ અથવા વધારાની રકમ મળવાની હોય તો ચૂકવી શકો.

 

આ હંમેશાં ચર્ચાનો મુદ્દો રહ્યો છે કે તમને જે વધારાની આવક મળે છે એનું વ્યવસ્થિત રોકાણ કરી એમાંથી જે વળતર મળે છે એે તમે જે વ્યાજ ભરો છો એના કરતાં વધારે હોય. જોકે રોકાણ કરીને દરેક વખતે એકસરખા દરની આવક મળતી રહે અને પાછી એ હોમલોનના દર કરતાં વધુ હોય એ બાબત થોડી અઘરી થઈ જાય છે, સિવાય કે તમે સતત ફાઇનૅન્શિયલ માર્કેટ પર નજર રાખતા રહો અને યોગ્ય તક અને સમય મળતાં જ સ્ટૉક ખરીદતા રહો. ખુદને પ્રશ્ન કરો કે તમને શું માર્કેટની સમજદારી છે?

 

એક સૌથી મહત્વનો લાભ એ છે કે હોમલોન લેનાર વ્યક્તિને દર વર્ષે મૂળ અને લીધેલી લોન પર ચૂકવાતા વ્યાજ પર સેક્શન ૮૦ સી અને ૨૪ હેઠળ ઇન્કમ-ટૅક્સ બાકાત મળે છે. ૧.૫૦ લાખ રૂપિયા સુધી અથવા તો વાસ્તવિક વ્યાજચુકવણી (બેમાંથી જે ઓછું હોય) એ સેક્શન ૨૪ હેઠળ પાછું મેળવી શકાય છે. પ્રિન્સિપલ ક્લેમ વધુમાં વધુ એક લાખ રૂપિયા સુધી સેક્શન ૮૦ સી હેઠળ પાછો મેળવી શકાય છે. આ ૮૦ સી હેઠળ મહત્તમ સ્તરનાં બધાં રોકાણ પર વધુમાં વધુ એક લાખ રૂપિયાનો ક્લેમ થઈ શકે છે.

 

હવે તમે જાતે જ સરખાવી જુઓ કે આ લાભ તમને કેટલો જરૂરિયાતભર્યો છે અને તમે લોનની કેટલી રકમ ચૂકવી શકો છો. આ બધી બાબત એના પર આધાર રાખે છે. તમે તમારી લોનનો થોડો હિસ્સો ચૂકવી દેવા ઇચ્છો છો અને આ રીતે તમારા ઈએમઆઇને નીચે લાવી મહિનાના ઈએમઆઇના બોજને ઓછો કરી શકો છો. એ ઉપરાંત મહત્તમ મર્યાદા સુધી ક્લેમના લાભને મેળવી શકો છો. ખુદને પ્રશ્ન પૂછો કે તમારી પાસે બીજાં રોકાણો છે જેની હેઠળ તમે તમારો ટૅક્સ ક્લેમનો લાભ મેળવી શકો?

 

એક બીજું અગત્યનું અને મહત્તમ પાસું છે મનની શાંતિ જે તમે લોન-ફ્રી થઈને અથવા ઈએમઆઇ ઓછો કરીને મેળવી શકો છો. સમય જતાં તમારી આવકમાં પણ વધારો થાય છે અને ઈએમઆઇનું પ્રમાણ પણ દર મહિને આવકના પ્રમાણમાં ઓછું થતું જાય છે. જે રકમ શરૂઆતમાં બોજ જેવી લાગતી હતી એ લોનનું કદાચ આગળ જતાં પાર્ટ-પેમેન્ટ કરીને એ બાબતને સંભાળી શકો છો. ખુદને પૂછો કે તમે જોખમ લેવાનું સાહસ કરો એવા છો કે ફૂંકી-ફૂંકીને પગલાં ભરનારા?

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK