છેલ્લાં બે-પાંચ વરસમાં વધી છે લક્ઝરી હોમની બોલબાલા

બૅન્ગલોરમાં સૌથી વધુ અને પુણેમાં બીજા નંબરે લક્ઝરી હાઉસિંગ માર્કેટ વિકસ્યું છે




લક્ઝરી એ મનની અવસ્થા છે. છતાં વિચિત્રતા એ છે કે લક્ઝરીને આપણે ઘરની કિંમત સાથે જોડીએ છીએ. વ્યક્તિ જે ઘરમાં રહે છે એમાં રહેતી વખતે કેવું ફીલ કરે છે અને આસપાસની ચીજોથી કેવી કમ્ફર્ટ અનુભવાય છે એ વધુ અગત્યનું છે. એટલે જ તો એસ્થેટિક્સને કારણે ફરક પડે છે અને એ હાઉસને હોમ બનાવે છે. મૅક્રોઇકૉનૉમિક ટ્રેન્ડ્સને કારણે ઇન્ડિયામાં લક્ઝરી રિયલ એસ્ટેટની ડિમાન્ડમાં ઘણો વધારો થયો છે.

હાલના ઘર ખરીદનારાઓ ગ્લોબલ ટ્રેન્ડ્સ, ઘરની ઇનોવેટિવ ડિઝાઇન્સ, હોમ-ઑટોમેશન સિસ્ટમ વગેરેથી સારી રીતે વાકેફ છે. લોકો હવે લાઇફસ્ટાઇલ માટેની સુવિધાઓની ડિમાન્ડ કરવા લાગ્યા છે. ઍમિનિટીઝમાં તેઓ મૉડર્ન ક્લબ, ગ્રીનરી, સ્પા, લાઉન્જ, જિમ, સ્વિમિંગ-પૂલ વગેરેની ઇચ્છા રાખે છે. એટલે જ આવનારા પ્રોજેક્ટ્સની કેટલી ડિમાન્ડ રહેશે એનો આધાર તેઓ કેવી લાઇફસ્ટાઇલ સુવિધાઓ ઑફર કરે છે એના પર આધારિત રહેશે.

લક્ઝરી ફાઇલ

ભારતની રેસિડેન્શિયલ માર્કેટમાં લક્ઝરી સેગમેન્ટનો હિસ્સો ચાર ટકા જેટલો છે. એમાં મુંબઈ, પુણે, બૅન્ગલોર, ચંડીગઢ અને દિલ્હી જેવાં શહેરો મોખરે છે. આ સેગમેન્ટમાં ઉત્તરોત્તર વધારો થતો રહ્યો છે, કેમ કે લોકોની અભિલાષાઓ અને વધારાની આવક વધતી ચાલી છે. ઇન્ડિયામાં લક્ઝરી હાઉસિંગનું માર્કેટ છે, પરંતુ એ ક્યારેય રિયલ એસ્ટેટની ઓવરઑલ ડિમાન્ડના પાંચ-છ ટકાથી વધુ નહીં થાય.

સિટી મીટર

ઇન્ડિયાનાં મોટાં શહેરોમાં લક્ઝરી પ્રોજેક્ટ્સની સંખ્યા ઉત્તરોત્તર વધતી ચાલી છે. એમાં પુણેનો ફાળો ખૂબ જ મોટો છે. બૅન્ગલોર આ ચાર્ટમાં સૌથી મોખરે છે, કેમ કે ૨૦૧૨માં નવા લૉન્ચ થયેલા લક્ઝરી યુનિટ્સમાંથી ૫૦ ટકા બૅન્ગલોરમાં આકાર લઈ રહ્યા છે, જ્યારે પુણેનો લક્ઝરી માર્કેટમાં આઠ ટકા જેટલો શૅર છે.

છેલ્લા એક-બે વરસમાં રિયલ એસ્ટેટ માર્કેટ સ્લોડાઉન થયું હોવા છતાં  રેસિડેન્શિયલ લક્ઝરી માર્કેટમાં વિચિત્ર ઉછાળો જોવા મળ્યો છે. આ સેગમેન્ટની ડિમાન્ડ વધવાનું કારણ એ છે કે હાઈ નેટવર્થ ધરાવતા ઇન્ડિવિડ્યુઅલ્સની સંખ્યામાં વધારો થયો છે જેમને લેટેસ્ટ ગૅજેટ્સ અને ટેક્નૉલૉજી સાથે મોકળી જગ્યામાં રહેવું છે. ડિજિટલ લૉક્સ, ઇલેક્ટ્રૉનિક સર્વેલન્સ સિસ્ટમ, ટેમ્પરેચર કન્ટ્રોલ, ઇન્ટરનેટ માટે વાયરલેસ કમ્યુનિકેશન અને ઇન-હાઉસ એન્ટરટેઇનમેન્ટ હવે ડિઝાઇન એસ્થેટિક્સ જેટલું જ જરૂરી બની ગયું છે. લક્ઝરી હોમ્સ આજની નવી પેઢીના લોકોની પસંદ બન્યાં છે, જેને કારણે ડેવલપરો લક્ઝરી અને સુપર-લક્ઝરી હાઉસિંગ પ્રોજેક્ટ્સ લૉન્ચ કરી રહ્યા છે જેની કિંમત એક કરોડ રૂપિયાથી લઈને વીસ કરોડ રૂપિયા સુધીની છે.

કૉસ્ટ ફૅક્ટર

આજનાં બિલ્ડિંગોમાં લાઇફ સપોર્ટ સિસ્ટમ્સ, કમ્યુનિકેશન ટર્મિનલ્સ, ડેટા મૅન્યુફૅક્ચરિંગ સેન્ટર્સ અને એવું ઘણુંબધું હોય છે. આ બધાં ખૂબ મોંઘાં સાધનો છે અને એમને યોગ્ય રીતે ફંક્શન કરતાં રાખવા માટે સતત ઍડ્જસ્ટ કરતા રહેવું પડે છે. બિલ્ડિંગોનું ઇકૉનૉમિક્સ પણ હવે એની ડિઝાઇન જેવું કૉમ્પ્લેક્સ થવા લાગ્યું છે.

બધાને કૉસ્ટ-ઇફેક્ટિવ બિલ્ડિંગ જોઈએ છે, પણ એનો મતલબ શું થાય એ દરેક વ્યક્તિ પર આધારિત છે. તેનો રસ શામાં છે, તેનો ઑબ્જેક્ટિવ શું છે અને તે કૉસ્ટ-ઇફેક્ટિવ કોને માને છે એના પર આધારિત છે. કૉસ્ટ-ઇફેક્ટિવનેસને કોઈ એક જ પરિમાણથી વર્ણવવું શક્ય નથી. ઇકૉનૉમી ટમ્ર્સમાં કહીએ તો એક બિલ્ડિંગની ડિઝાઇન એવી હોવી જોઈએ જેમાં વ્યક્તિને જોઈતા તમામ લાભો મળી રહે અને છતાં ઓવરઑલ કિંમત ઓછી હોય.

ટ્રેન્ડ શું છે?

છેલ્લાં કેટલાંક વષોર્માં હાઈ-ઇન્કમ ધરાવતા ઘણા સફળ ફસ્ર્ટ જનરેશન પ્રોફેશનલ્સ અને બિઝનેસમેનો પેદા થયા છે જેમણે હાઇ-ફાઇ લાઇફસ્ટાઇલ કહેવાય એવી જીવનશૈલી અપનાવવી છે. એ લોકો કાં તો સેન્ટ્રલ બિઝનેસ ડિસ્ટ્રિક્ટ ગણાતા એરિયામાં લક્ઝરી હાઉસ લે છે, જ્યાં પ્રતિ સ્ક્વેરફૂટ ખૂબ ઊંચો ભાવ આપવો પડે છે અથવા તો તેઓ સબર્બમાં લાર્જ સાઇઝના વિલામાં અદ્યતન સુવિધાઓ સાથે રહેવાનું પસંદ કરે છે જેથી તેમને એક્સક્લુઝિવિટી અનુભવાય છે. રિપોર્ટ્સ એવું કંઈક કહી રહ્યા છે કે લક્ઝરી માર્કેટનો વિકાસ ૨૦૧૧થી ૨૦૧૩ દરમ્યાન લગભગ ૨૮ ટકા જેટલો થયો છે. સિનિયર મૅનેજમેન્ટ ક્લાસ, કૉપોર્રેટ હાઉસ, નૉન-રેસિડન્ટ ઇન્ડિયન બિઝનેસમેન અને હાઇ નેટવર્થ ધરાવતા ઇન્ડિવિડ્યુઅલ્સ દ્વારા આ ડિમાન્ડ વધી છે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK