કમર્શિયલ પ્રોજેક્ટોને ડેવલપરો હવે રેસિડેન્શિયલમાં પરિવર્તિત કરે છે

પ્રૉપર્ટી માર્કેટના કપરા સમયમાં ટકી રહેવા માટે આ એક જ ઉપાય બચ્યો છે

ત્રણ વર્ષ પહેલાં દાદરની કોહિનૂર મિલની જગ્યામાં કોહિનૂર સ્ક્વેર પ્રોજેક્ટ લૉન્ચ કરવામાં આવ્યો ત્યારે રેસિડેન્શિયલ અને કમર્શિયલ એમ બે રીતે એનું ડેવલપમેન્ટ થવાનું હતું અને ડેવલપરો આ રીતે બન્ને રીતના પ્રોજેક્ટ ઑફર કરીને વધુ નફો રળી લેવા માગતા હતા. અધવચ્ચે ડેવલપરોને થયું કે સેન્ટ્રલ મુંબઈમાં કમર્શિયલ સ્પેસમાં ઓવર-સપ્લાય છે અને જો મૂળ પ્રોજેક્ટની રીતે એને ડેવલપ કરવામાં આવશે તો ભારે નુકસાન થવાની શંકા છે. આથી આ વર્ષની શરૂઆતમાં ડેવલપરોએ કમર્શિયલને બદલે ચેન્જ ઑફ યુઝરની અરજી કરીને કોહિનૂર સ્ક્વેર પ્રોજેક્ટના ત્રણ ટાવરમાંથી એક ટાવરને સંપૂર્ણ રીતે રેસિડેન્શિયલ ટાવર બનાવવાની પરવાનગી માગી. દાદરના એક રિયલ્ટી કન્સલ્ટન્ટ પ્રફુલ પાઠારે કહે છે, ‘સેન્ટ્રલ મુંબઈમાં કમર્શિયલ પ્રૉપર્ટીના દર છેલ્લા કેટલાક સમયથી સ્થિર થઈ ગયા છે, પણ રેસિડેન્શિયલ પ્રૉપર્ટીના ભાવ અકલ્પ્ય રીતે વધી ગયા છે. કોહિનૂરે જે કર્યું એ સમયને અનુસાર કર્યું છે.’

ઊભી થઈ અસમતુલા

પ્રફુલ પાઠારેએ વધુમાં કહ્યું હતું કે ‘કમર્શિયલ પ્રૉપર્ટીના દર પ્રતિ સ્ક્વેરફૂટ આશરે ૨૦,૦૦૦ રૂપિયાની આસપાસ સ્થિર રહ્યા છે, પણ માસિક ભાડાની આવક ૩૦૦ રૂપિયાથી ઘટીને ૨૦૦ રૂપિયા પ્રતિ સ્ક્વેરફૂટ થઈ છે. બીજી તરફ છેલ્લાં ત્રણ વર્ષમાં રેસિડેન્શિયલ પ્રૉપર્ટીના ભાવ ૨૦,૦૦૦થી વધીને ૩૦,૦૦૦ રૂપિયા પ્રતિ સ્ક્વેરફૂટ થયા છે. માત્ર સેન્ટ્રલ મુંબઈમાં આવું થયું છે એમ નથી. બીજા વિસ્તારોમાં પણ વધુપડતા કમર્શિયલ પ્રોજેક્ટોને કારણે માર્કેટમાં અસમતુલા ઊભી થઈ છે અને એથી અનેક ડેવલપરોએ તેમના પ્રોજેક્ટમાં ચેન્જ ઑફ યુઝરની અરજી કરવી પડી છે.’

હકીકત શું છે?

નવી મુંબઈમાં મૉલ બનાવવાની દોડમાં એવી હાલત છે કે આ સૅટેલાઇટ ટાઉનમાં હવે મૉલમાં રીટેલ સ્પેસ ખાલી પડી છે. ઘણા મૉલ બનીને તૈયાર હોવા છતાં એમાં જવા કોઈ તૈયાર નથી. ભૂમિરાજ ગ્રુપના ભૂપેન્દ્ર શાહની જેમ ઘણા ડેવલપરોએ તેમના સૂચિત મૉલને સ્થાને ઑફિસો બનાવવા માંડી છે. ભૂપેન્દ્ર શાહ કહે છે, ‘અમે પામ બીચ રોડ પર જે મૉલ બનાવ્યો એ માર્કેટમાં થોડો મોડો લૉન્ચ થયો. એ ખાલી પડી રહે એના કરતાં અમે એમાં ઑફિસો બનાવી નાખી અને રિયલ્ટી સ્ટૉક વેચી દીધો. આવું કરવું જરૂરી છે; કારણ કે એ વ્યવહારુ જ નહીં, પણ સાથે-સાથે સમયની ડિમાન્ડ પણ છે. ગયા વર્ષે એક ડેવલપરે કોપર ખૈરણેમાં એક મૉલ બનાવ્યો અને પછી એને તોડીને એને સ્થાને રેસિડેન્શિયલ ટાવર ઊભો કરી દીધો. ચાલતા ન હોય એવા પ્રોજેક્ટ ઊભા કરીને ખોટ કરવાને બદલે જેની ડિમાન્ડ હોય એવી ચીજ બનાવીને વેચવામાં શાણપણ છે.’

પૉલિસીમાં બદલાવ

ચેન્જ ઑફ યુઝર માટે સ્ટેટ ગવર્નમેન્ટની નવી ઇન્ડસ્ટ્રિયલ પૉલિસી પણ ઉપયોગી સાબિત થઈ છે. કૉર્પોરેટ હાઉસિસ અને ડેવલપરો તેમની પાસે રહેલી અને ડેવલપમેન્ટ માટે નક્કી કરાયેલી ઇન્ડસ્ટ્રિયલ લૅન્ડ પર કમર્શિયલ અને રેસિડેન્શિયલ પ્રોજેક્ટ ઊભા કરી શકે છે. નવી પૉલિસી મુજબ ૬૦ ટકા જમીન ડેવલપરો ઇન્ડસ્ટ્રિયલ વપરાશ માટે રાખી શકે છે અને બાકીની જમીન પર રેસિડેન્શિયલ અથવા કમર્શિયલ પ્રોજેક્ટ ઊભા કરી શકે છે અને એ માટે સરકાર પાસે ચેન્જ ઑફ યુઝરની અરજી કરવાની પણ જરૂર નથી. થાણેના ડેવલપર જગદીશ જૈન કહે છે, ‘આ પૉલિસીથી શહેરની બહાર થાણે, ડોમ્બિવલી અને કલ્યાણમાં આવેલા ઇન્ડસ્ટ્રિયલ એરિયામાં ઘણું ડેવલપમેન્ટ થઈ શકશે. એમાં ઘણી રેસિડેન્શિયલ ટાઉનશિપ પણ ઊભી થઈ શકશે. કમર્શિયલ પ્રોજેક્ટમાં ડિમાન્ડ જ નથી ત્યારે ડેવલપરો માટે રેસિડેન્શિયલ પ્રોજેક્ટ બનાવવાનો સારો વિકલ્પ ઊભો છે.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK