ઘર ખરીદવા માટે મળી રહી છે ઘણી સગવડો

ઘણા ડેવલપરો વિવિધ સ્કીમો લઈને આવી રહ્યા છે અને એમાં ઈઝી પેમેન્ટ ઑપ્શન સાથેનો માર્ગ પણ તેઓ અપનાવી રહ્યા છે : તેઓ ફ્લૅટ ખરીદનારને સસ્તામાં લોન મળી રહે એવી વ્યવસ્થા પણ કરે છે




મુંબઈમાં જમીન મળવી મુશ્કેલ છે એટલે ડેવલપરો પાસે ઑપ્શન ઘણા ઓછા છે. નવા ડેવલપમેન્ટ પ્રોજેક્ટોને વિવિધ પરવાનગી મળતાં ઘણો સમય લાગે છે. વળી એને લીધે પ્રોજેક્ટનો ખર્ચ વધી જાય છે. ડેવલપરોને પણ નાણાભીડ સતાવે છે એટલે મુંબઈ મેટ્રોપૉલિટન રીજનમાં કામ કરતા બિલ્ડરો અને ડેવલપરો હવે ફ્લૅટ લેવા ઇચ્છતા કસ્ટમરોને આકર્ષવા માટે વિવિધ સ્કીમો લઈને આવે છે. આમ કરવામાં તેમને તથા ફ્લૅટ ખરીદનારા લોકોને પણ ફાયદો થાય છે. હાલમાં આ પ્રકારની કેવી સ્કીમો છે એના પર નજર કરીએ.

૨૦ : ૮૦ સ્કીમ

આ હાલમાં સૌથી લોકપ્રિય સ્કીમ છે. આ સ્કીમમાં ફ્લૅટ ખરીદનારી વ્યક્તિ ફ્લૅટના બુકિંગ વખતે માત્ર ૨૦ ટકા રકમ ભરે છે અને બાકીની ૮૦ ટકા રકમ માટે તેને ચિંતા કરવાની જરૂર હોતી નથી. જ્યારે બિલ્ડિંગનું બાંધકામ ચાલતું હોય ત્યારે બિલ્ડર ૧૨ કે ૨૪ મહિનામાં ફ્લૅટનું પઝેશન આપવાની ખાતરી આપે છે. આ સમયગાળા દરમ્યાન ફ્લૅટ ખરીદનારને બૅન્ક કે ફાઇનૅન્શિયલ સંસ્થા ૮૦ ટકા રકમની લોન આપે છે, પણ એ રકમ પર તેણે વ્યાજ ભરવાનું હોતું નથી. તેને જે દિવસે ફ્લૅટનો કબજો મળે એ દિવસથી માસિક હપ્તો શરૂ થાય છે. આ સ્કીમમાં ડેવલપરને ફ્લૅટની કિંમત મળી જાય છે અને તેણે મોંઘા દરે કન્સ્ટ્રક્શન-લોન લેવી પડતી નથી. ફ્લૅટ ખરીદનારને પણ લોનના હપ્તાનું ટેન્શન રહેતું નથી. આથી આ સ્કીમ ઘણી પૉપ્યુલર બની છે.

પ્રાઇસ-બૅન્ડ

ઘણા ડેવલપરો કસ્ટમરોને ફિક્સ પ્રાઇઝને બદલે પ્રાઇસ-બૅન્ડ ઑફર કરતા હોય છે. કોઈ કંપની એની ઇનિશ્યલ પબ્લિક ઑફર (IPO) લઈને આવે એમ આ ઑફર કરવામાં આવે છે. પ્રોજેક્ટમાં ફાઇનલ પ્રાઇસ કસ્ટમરોના રિસ્પૉન્સને જોઈને નક્કી કરવામાં આવે છે. એક સક્સેસફુલ IPOની જેમ આમાં કસ્ટમરોનો રિસ્પૉન્સ સારો મળે છે અને જે ફ્લૅટ વેચવા કાઢ્યા હોય એના માટે બમણા કસ્ટમરો મળે છે. આથી બિલ્ડરને પણ પ્રોજેક્ટની ડિમાન્ડને આધારે તેના બધા ફ્લૅટ વેચવાની તક મળે છે. થોડા સમય પહેલાં લોઢા અને લાર્સન ઍન્ડ ટુબ્રો જેવા મોટા ડેવલપરોએ આ ઑફર મૂકી હતી, જેને સારો પ્રતિસાદ મળ્યો હતો.

ગ્રુપ-ખરીદી

જો પાંચ કે એથી વધુ કસ્ટમરો એકસાથે આવે અને એક જ ડેવલપરના પ્રોજેક્ટમાં ખરીદી કરવા માગતા હોય તો તેમને ફાયદો થાય છે. જોકે આ વિકલ્પ મિડિયમ સાઇઝના અપાર્ટમેન્ટમાં ઉપયોગી થતો હોય છે, કારણ કે એકસાથે એક જ પરિવારના લોકો હોલસેલમાં ફ્લૅટ ખરીદતા હોય છે અને તેઓ પરિવારની હૂંફમાં રહેવા માગતા હોય છે. તેઓ એકસાથે ફ્લૅટ ખરીદવાના હોવાથી તેમને ઘણું ડિસ્કાઉન્ટ મળે છે અને તેઓ ભાવ-તાલ પણ કરી શકે છે. જોકે આ વિકલ્પ ભારતમાં નવો નથી, પણ હવે પરિવારની જગ્યાએ મિત્રો અને સાથે કામ કરતા કર્મચારીઓ પણ ગ્રુપ-બુકિંગ કરાવે છે.

પ્રાઇસ ગૅરન્ટી સ્કીમ

આ સ્કીમ જોકે ક્યારેક જ જોવા મળે છે, પણ એમાં કસ્ટમરને ફાયદો થતો હોય છે. કેટલાક ડેવલપરો આ સ્કીમ લાવીને તેમના પ્રોજેક્ટમાં લોકોને આકર્ષતા હોય છે અને તેમના પ્રોજેક્ટની ડિમાન્ડ વધે એવો પ્રયાસ કરતા હોય છે. રિયલ એસ્ટેટ માર્કેટમાં જમીનોના ભાવમાં ચડ-ઊતર થતી હોય છે, પણ આ સ્કીમમાં જો કોઈ કસ્ટમર ફ્લૅટ ખરીદે અને જગ્યાના ભાવ ઘટી જાય તો ડેવલપર જૂના ભાવ અને નવા ભાવમાં જે ફરક આવે એ પાછો આપી દેતો હોય છે. જો પ્રૉપર્ટીના ભાવ વધે તો કસ્ટમરે વધારાના ભાવનો ડિફરન્સ ચૂકવવાનો હોતો નથી. આમ આ સ્કીમ કસ્ટમરોને ફાયદાકારક છે.

આમ આટલી બધી સ્કીમો હોવાથી કસ્ટમરો માટે ઘણા વિકલ્પ છે. આનાથી રિયલ એસ્ટેટ માર્કેટમાં ટ્રાન્સપરન્સી પણ આવી છે. છતાં પણ બિલ્ડર કે ડેવલપરની શાખ જોઈને અને કસ્ટમર સાથે થતા કરારની તમામ કલમો વાંચી લેવી જોઈએ.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK