બાળકોનો વૉર્ડરોબ સ્ટાઇલિશ બનાવવા શું કરશો?

અબરામ ખાનનો પાયજામો, આરાધ્યા બચ્ચનનું પિન્ક ગાઉન, સાયરા ભૂપતિની હેરબૅન્ડ આંખે ઊડીને આવે છે. શું છે આ બધું? બૉલીવુડ સ્ટાર્સના ટેણિયાઓની સ્ટાઇલ મુજબ કિડ્સવેઅરની ડિઝાઇનને વેગ મળે છે. આજે કેટલીક એવી વાતો કરીએ જેથી સામાન્ય પેરન્ટ્સ પોતાના સ્ટાર કિડ્સનો વૉર્ડરોબ ડિઝાઇન કરી શકે

aardhya

પ્રતિકાત્મક તસ્વીર


લાઇફ-સ્ટાઇલ - લક્ષ્મી વનિતા

શાહરુખ ખાનનાં ત્રણેય સંતાનો સ્ટાઇલમાં તેના પિતાથી પાછળ નથી. અવારનવાર અબરામના ક્યુટ ફોટો જોઈને આપણને તેને રમાડવાનું મન થઈ આવે છે. નાનાં ભૂલકાંનાં કપડાં એટલાં સુંદર અને આકર્ષક દેખાતાં હોય કે આપણને બાળપણમાં જવાનું મન થઈને તેમના જેવાં કપડાં પહેરવાનું મન થઈ આવે. આજે અહીં બાળકોનાં કપડાં અને ઍક્સેસરીઝ વિશે વાત કરીશું.

કિડ્સ ફૅશન-સ્ટુડિયો ચલાવતાં બિજોલી શાહ બાળકોના વૉર્ડરોબમાં શું હોવું જોઈએ એની વાત કરી રહ્યાં છે. તેમને બાળકોની ફૅશનમાં કેવી રીતે રસ લાગ્યો એનું રસપ્રદ કારણ છે. તેમના ઘરના નજીકના પ્રસંગમાં બાળકોનાં કપડાં માટે તેમને ઘણી જગ્યાએ ફરવું પડ્યું તેમ છતાં ઇચ્છિત ડિઝાઇન્સ ન મળી તેથી તેમણે બાળકોનું સ્ટાઇલિંગ કરવા માટે પોતાનો સ્ટુડિયો ખોલી નાખ્યો. બિજોલી જણાવે છે, ‘બાળકોનાં કપડાં ખરીદવાં દરેક પેરન્ટ માટે મોટો ટાસ્ક છે. દરેક પ્રસંગમાં આપણે સારાં દેખાઈએ અને બાળકોને નાનાં ગણીને કોઈ પણ કપડાં પહેરાવી દઈએ એ વાજબી ન ગણાય.’

બેબી-બૉય વૉર્ડરોબ

શાહરુખના સૌથી નાના દીકરાને માત્ર તેના ફોટોને લઈને ચમકાવવામાં આવે છે. બાળકો કોઈ પણ પ્રવૃત્તિ કરતાં હોય, હંમેશાં આકર્ષક લાગે છે. હવે જ્યારે અબરામનો ફોટો જુઓ ત્યારે તેનાં કપડાં પર ખાસ ધ્યાન આપજો. પેરન્ટ્સે વધુપડતો ખર્ચ કરવાની પણ જરૂર નથી. અમુક સામાન્ય વસ્તુ વૉર્ડરોબમાં રાખી જ મૂકવી જેથી દરેક પ્રસંગે ચિંતા ન કરવી પડે.

બ્લુ ડેનિમ અને વાઇટ શર્ટ દરેક ઉંમરના લોકોના વૉર્ડરોબમાં હોય છે તો ભૂલકાંઓ શા માટે એમાં પાછળ રહી જાય? બિજોલી ખાસ કહે છે કે બૉય્ઝના વૉર્ડરોબમાં બે જુદા શેડનાં બ્લુ ડેનિમ અને વાઇટ શર્ટ હોવાં જોઈએ. શર્ટમાં પણ તમે જુદી ડિઝાઇન્સ પર પસંદગી ઉતારી શકો છો. ચેક્સવાળું શર્ટ બાળકો પર કોઈ પણ પ્રસંગે સારું લાગશે. એ સિવાય સસ્પેન્ડર ઉત્તમ ચૉઇસ રહેશે. મોટા ભાગે બાળકોને નૅપી પહેરાવવાની હોય છે તેથી તેમના માટે સસ્પેન્ડર અને ડંગરી બહુ જ સારાં રહે છે. એક વાતનું ખાસ ધ્યાન રાખવું કે બાળકોને સ્ટાઇલિશ બનાવો, પરંતુ તેમને તેમનાં કપડાંમાં ડિસકમ્ફર્ટ ન થવું જોઈએ.’

બેબી-બૉય્ઝના વૉર્ડરોબમાં બો (ફૂલ)વાળો ટક્સીડો (સૂટનો એક ભાગ) રાખવો. એની સાથે બેજ જૅકેટ (ફોટોમાં અબરામે પહેરેલું જૅકેટ) પણ રાખી મૂકવું. એ સિવાય બ્લેઝર પ્રકારનું ખુલ્લું જૅકેટ રાખવું. શર્ટ અથવા સ્લીવલેસ ટી-શર્ટ પર જૅકેટ બૉય્ઝને એકદમ સ્ટાઇલિશ લુક આપશે. અફર્કોસ વિવિધ રંગોનાં પ્લેન ટી-શર્ટ જરૂરી છે. એ સિવાય હાફ પૅન્ટ અને પાયજામા પણ હોવાં જોઈએ. તમે રાત્રે આઉટિંગ માટે જાઓ ત્યારે બેબીને પાયજામા અને ઢીલું ટી-શર્ટ પહેરાવી શકાય.

ઍક્સેસરીઝની વાત છે તો બૉય્ઝ માટે ફુટવેઅર પર ધ્યાન આપવું. તેમના માટે ફ્લોટ્સ, શૂઝ અને સૅન્ડલ લઈ રાખવાં. ચંપલ તો તેમના પગમાંથી નીકળી જશે અને કદાચ પડી જાય તો ખ્યાલ પણ નહીં આવે. તેથી બૂટ્સ કે શૂઝ જેવાં ફુટવેઅર પર ધ્યાન આપવું. એ સિવાય માથાની કૅપની વિવિધ ડિઝાઇન પસંદ કરી શકાય.  

બેબી-ગર્લ માટે

બાળકો માટે જાણીતી ફૅશન-બ્રૅન્ડમાં કામ કરતી ચૈતાલી શાહ જણાવે છે, ‘અમે બાળકોનાં કપડાં આંતરરાષ્ટ્રીય અને રાષ્ટ્રીય ફૅશન-માર્કેટને ધ્યાનમાં રાખીને ડિઝાઇન કરીએ છીએ. જેમ કે અત્યારે ઇન્ડો-વેસ્ટર્ન થીમ વધારે ચાલી રહી છે. તેથી ૬ વર્ષનાં બાળકોની ડિઝાઇનથી કપડાંનું ડિઝાઇનિંગ થાય છે. ગર્લ્સ અને ગાઉનનો સંબંધ બહુ જ અનોખો છે અને એ સદાબહાર છે.’

ગર્લ્સના વૉર્ડરોબમાં જેટલાં કપડાં, ઍક્સેસરીઝ રાખીએ એટલાં ઓછાં પડે. બેબી-ગર્લના વૉર્ડરોબની સાદગી માટે આરાધ્યા બચ્ચન અને લારા દત્તાની દીકરી સાયરા ભૂપતિને અનુસરી શકાય. આરાધ્યાના ફોટો મીડિયા શૅર કરે છે અને સાયરાના ફોટો તેની મમ્મી લારા દત્તા શૅર કરે છે. સામાન્ય રીતે બેબી-ગર્લના વૉર્ડરોબમાં પિન્ક કલર હોવો જ જોઈએ. પિન્ક કલરનું ફ્રૉક, ટી-શર્ટ, જૅકેટ રાખવું. જીન્સ સદાબહાર છે તેથી ડેનિમના બે કે ત્રણ શેડ્સ વૉર્ડરોબમાં રાખવા જેથી પ્લેન કે પ્રિન્ટેડ ટી-શર્ટ પર ચાલે.

બિજોલી શાહ બેબી-ગર્લનાં ટુટુ સ્કર્ટ અને ગાઉનનો ખાસ આગ્રહ રાખે છે. ચૈતાલી શાહ પણ બૉલ ગાઉનને પહેલી પસંદ આંકે છે. ઇન શૉર્ટ, ગર્લ્સને ગાઉન લગ્નપ્રસંગે, સંગીતસંધ્યા કે પાર્ટીમાં પણ પહેરાવી શકાય. ગર્લ્સ માટે બૉય્ઝ કરતાં વધારે વિકલ્પો હોય છે. લેહંગા સાથે ઑફશોલ્ડર (એક જ બાજુ સ્લીવ હોય એવું) ટૉપ પસંદ કરવું. બેબી-ગર્લ્સ માટે જીન્સની સંખ્યા મર્યાદિત રાખવી, પરંતુ સ્કર્ટ અને ફ્રૉકની સંખ્યા વધારવી.

ઍક્સેસરીઝમાં બેબી-ગર્લ્સ પાસે હેરબૅન્ડ અને બેબીપિન્સની વરાઇટી ઉપલબ્ધ છે. તમને બૉલીવુડ કે હૉલીવુડ સ્ટાર્સની બેબી ગર્લના માથામાં હેરબૅન્ડ અથવા હેરપિન્સ ખાસ જોવા મળશે. દર વખતે આ સ્ટાર કિડ્સના માથાની હેરબૅન્ડ જુદા રંગની અને ડિઝાઇનની જોવા મળે છે. એ સિવાય તેમના ફુટવેઅરમાં પણ વરાઇટી જોવા મળે છે. બેબી-ગર્લના વૉર્ડરોબમાં બેલેરીના શૂઝને પ્રાથમિકતા મળવી જોઈએ. ચંપલ પર પકડ રાખવા માટે આ ભૂલકાંઓ બહુ નાનાં પડે છે તેથી બૂટ્સ, શૂઝ, સૅન્ડલ, ફ્લોટરને પ્રાધાન્ય આપવું. પ્રસંગો અનુસાર ફુટવેઅરના રંગોને પસંદગી આપવી.

બેબી-ગર્લ્સને વિવિધ રંગનાં પગનાં મોજાં પણ સૂટ કરશે તેથી વૉર્ડરોબમાં મોજા અને ફુટવેઅરની અલગ જ રૅક રાખવી.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK