સેલ્ફી માટે સ્માઇલ મેકઓવરનો ટ્રેન્ડ

સારા ફોટો માટે લોકો સેલ્ફી-સ્ટિક, સારા ઍન્ડ્રૉઇડ ફોન અને બેસ્ટ કૅમેરા વસાવતા હોય છે. જ્યારે એમાં પણ પોતાના ફોટોગ્રાફ્સ સારા ન લાગે ત્યારે તેઓ કૉસ્મેટિક સજ્ર્યન પાસે દોડતા હોય છે. કૉસ્મેટિક સર્જરી માત્ર સ્કિન સુધી મર્યાદિત ન રહેતાં દાંત સુધી પહોંચી ગઈ છે

selfie


લાઇફ-સ્ટાઇલ - લક્ષ્મી વનિતા


સેલ્ફી માટે પ્લાસ્ટિકનો કેટલો ઉપયોગ થાય છે એના પર હજી રિસર્ચનાં કોઈ પેપર પ્રકાશિત નથી થયાં, પરંતુ આ રિસર્ચ કરવા જેવું તો ખરું. અહીં પ્લાસ્ટિકનો અર્થ પ્લાસ્ટિક સ્માઇલ, પ્લાસ્ટિક સ્કિન અને પ્લાસ્ટિક ફીચર્સ છે. એટલે કે સેલ્ફી અથવા ફોટોગ્રાફ્સમાં સારા દેખાય એ માટે યુવાનો કૉસ્મેટિક સજ્ર્યન, ડેન્ટિસ્ટ, ડર્મેટોલૉજિસ્ટની મદદ લઈ રહ્યા છે. માત્ર ફેસબુક અને વૉટ્સઍપ પર ફોટો અપલોડ કરવા માટે લોકો હજારો રૂપિયા ખર્ચી નાખતા હોય તો પછી પોતાના લગ્નના દિવસના ફોટોગ્રાફ્સ માટે તો શું-શું ન કરે એ જ વિચારવું રહ્યું. હવે એવું સાંભળવામાં આવી રહ્યું છે કે લગ્નમાં કપલ સેલ્ફી માટે ખાસ સ્માઇલ મેકઓવર કરાવી રહ્યાં છે. શું છે સ્માઇલ મેકઓવર અને શા માટે એ જરૂરી લાગી રહ્યું છે?

સ્માઇલ મેકઓવર એટલે કે દાંતના રંગ, સાઇઝ કે ઢાંચાને લીધે સ્માઇલ બરાબર ન હોય તો એને યોગ્ય બનાવવું. એમાં દાંતને ચોખ્ખા કરવાથી લઈને પેઢાંને બરાબર કરવા સુધીની બધી પ્રક્રિયાનો સમાવેશ છે એમ છેલ્લાં પંદર વર્ષથી પ્રૅક્ટિસ કરી રહેલા કૉસ્મેટિક ડેન્ટિસ્ટ અને પ્રોફેસર ડૉ. રાજેશ શેટ્ટી જણાવે છે. તેઓ કહે છે, ‘આજે લોકો પોતાના લુક અને સ્માઇલને લઈને બહુ જ કૉન્શ્યસ થઈ ગયા છે. મીડિયા-એક્સપોઝર એટલુંબધું વધારે છે કે લોકોને પોતાના ચહેરાનો કોઈ ભાગ ન ગમતો હોય તો તેઓ એના પર ટ્રીટમેન્ટ કરાવતા હોય છે. પોતાના કે કોઈ નજીકની વ્યક્તિના લગ્નપ્રસંગમાં જ્યાં તેમના સૌથી વધારે ફોટોગ્રાફ્સ પડવાના ચાન્સ હોય ત્યારે તેઓ સ્માઇલ મેકઓવર માટે આવતા હોય છે. મારી પાસે આવનારા લોકોમાં ૧૬ વર્ષથી લઈને ૬૦ વર્ષના લોકો સામેલ છે. સૌથી વધારે ૨૧થી ૪૦ વર્ષનું એજ-ગ્રુપ સ્માઇલ મેકઓવર માટે આવે છે. ઘણી વાર લોકો મારી પાસે પહેલેથી જ મનમાં વિચારો લઈને આવતા હોય છે કે તેમનું સ્માઇલ બરાબર નથી. તેમનું કામ માત્ર ટીથ-ક્લીનિંગથી થઈ જતું હોય છે. એ સિવાય ટીથ-વાઇટનિંગ પણ સારો વિકલ્પ છે. સર્જરીનો વિકલ્પ તેમને જ આપવામાં આવતો હોય જેમનાં પેઢાં મોટાં હોય છે. જેવી રીતે ફેસલિફ્ટ થાય છે એવી જ રીતે પેઢાને લિફ્ટ કરવાની ટ્રીટમેન્ટ હોય છે. આ ટ્રીટમેન્ટ પિરિયોડૉન્ટલ પ્લાસ્ટિક સર્જરી તરીકે ઓળખાય છે.’

જે ટીનેજર્સ પહેલેથી જ પોતાના સ્માઇલને નાપસંદ કરીને આવતા હોય છે તેમને અમે સર્જરીનો વિકલ્પ આપતા જ નથી એમ જણાવતાં ડૉ. રાજેશ શેટ્ટી કહે છે, ‘તેમને કાઉન્સેલિંગ કરીને ટીથ-ક્લીનિંગની ટ્રીટમેન્ટ આપી દઈએ છીએ. છેલ્લાં પંદર વર્ષથી હું આ પ્રોફેશનમાં છું અને લોકોની દાંત પ્રત્યેની માનસિકતામાં થયેલો ફેરફાર મેં અનુભવ્યો છે. પહેલાં લોકો દાંત કે પેઢાં પ્રત્યે બેદરકાર હતા અને આજે તેઓ દાંતની ટ્રીટમેન્ટને લાંબા સમયનું ઇન્વેસ્ટમેન્ટ ગણે છે. પહેલાં માત્ર અપર ક્લાસ અને સેલિબ્રિટીઓ સ્માઇલ પર ધ્યાન આપતાં હતાં અને આજે સામાન્ય લોકો પણ પોતાના સ્માઇલ પ્રત્યે જાગ્રત બની રહ્યા છે. દિવસમાં ૨૪ કલાક અને વર્ષના ૩૬૫ દિવસ દાંતને કામ કરવાનું હોય છે. તેઓ દાંત પર પૈસા ખર્ચી રહ્યા છે અને એમાં સૌથી મોટું યોગદાન આજના સોશ્યલ મીડિયાને આપી શકાય. પુરુષોમાં સ્માઇલને લઈને જાગૃતિ બહુ જ મોટી વાત છે. મહિલાઓની સંખ્યા સાથે સરખામણી ન થઈ શકે, પરંતુ પાંચ વર્ષ પહેલાં આવતા લોકોની સાથે જરૂર સરખામણી થઈ શકે. સ્માઇલ મેકઓવર કે સ્માઇલ ડિઝાઇનિંગ આધુનિક ટેક્નૉલૉજીની મદદથી એક જ દિવસમાં થઈ શકે છે. એનો ઓછામાં ઓછો ખર્ચ ૧૦ હજાર રૂપિયા અને વધુમાં વધુ લાખો રૂપિયાનો થઈ શકે છે.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK