સચિનદા વિદેશની ધરતી પર અચાનક અગરતલાના અજાણ્યા નિવાસીને મળતાં તેને ઉમળકાથી ભેટી પડ્યા

૧૯૬૧માં સચિનદાની એક પણ ફિલ્મ રિલીઝ ન થઈ એનું મુખ્ય કારણ એ હતું કે ૧૯૬૦માં તેમને હાર્ટ-અટૅક આવ્યો


વો જબ યાદ આએ - રજની મહેતા

૧૯૬૧માં સચિનદાની એક પણ ફિલ્મ રિલીઝ ન થઈ એનું મુખ્ય કારણ એ હતું કે ૧૯૬૦માં તેમને હાર્ટ-અટૅક આવ્યો જેના કારણે મોટા ભાગના નિર્માતાએ તેમનો સાથ છોડી દીધો હતો, સિવાય દેવ આનંદ. છ મહિનાના આરામ બાદ તેમણે કામ શરૂ કર્યું. ૧૯૬૨માં તેમની ત્રણ ફિલ્મો રિલીઝ થઈ. શંકર મુખરજીની ‘બાત એક રાત કી’, રાજેન્દ્ર ભાટિયાની ‘ડૉક્ટર વિદ્યા’ અને શક્તિ સામંતાની ‘નૉટી બૉય’.

૧૯૬૨માં સચિનદાને એક સન્માન મળ્યું ફિનલૅન્ડની રાજધાની હેલસિન્કીમાં યોજાયેલી ઇન્ટરનૅશનલ મ્યુઝિક કૉન્ફરન્સના એક જજ બનવાનું. આમ સચિનદાની સંગીત-ક્ષમતાની વિશ્વસંગીત ક્ષેત્રે પણ નોંધ લેવાઈ. એ સમયે રૉબિન દાસગુપ્તા નામના એક પત્રકારની ફિનલૅન્ડમાં સચિનદા સાથે અચાનક મુલાકાત થઈ. એ સમયે તેમને સચિનદાનો ત્રિપુરા માટે કેટલો પ્રેમ હતો એનો અનુભવ થયો. પ્રસ્તુત છે એ મુલાકાત તેમના જ શબ્દોમાં:

યુવાન પ્રતિનિધિઓ સાથે હું ઇન્ટરનૅશનલ યુથ ફેસ્ટિવલમાં ફિનલૅન્ડ ગયો હતો. એક દિવસ સલિલ ચૌધરી અને વી. બલસારા મને કહે કે આજે સચિનદા ભારતના પ્રતિનિધિઓને મળવા આવવાના છે. સુધા મલ્હોત્રા, અમર શેખ, પૂર્ણા દાસ બાઉલ અને મારા જેવા બીજા અનેક સચિનદાને મળવા ઉત્સુક હતા. તેમના આગમનથી જ અમે સૌ રોમાંચિત થઈ ગયા. ત્યાર બાદ અમારી એક પછી એક ઓળખાણ કરાવવામાં આવી. જ્યારે તેઓ મારી નજીક આવ્યા ત્યારે મેં ઘૂંટણથી નીચા વળીને પ્રણામ કર્યા અને તેમના ઘૂંટણને સ્પર્શ કર્યો. આ રીતના પ્રણામ ત્રિપુરાના શાહીપરિવારની એક લાક્ષણિકતા હતી. તેઓ એકદમ ચોંકી ગયા. થોડી ક્ષણો મારા ચહેરા પર નજર નાખી અને તેમના ટિપિકલ ઈસ્ટ બંગાળી લહેકામાં પૂછ્યું, ‘તું ક્યાંથીઆવ્યો છે?’

મેં જવાબ આપ્યો, ‘અગરતલાથી.’

નવાઈ પામતાં તે બોલ્યા, ‘તું કોનો દીકરો છે?’

મેં કહ્યું, ‘પ્રફુલ્લા સેનનો.’

મારો જવાબ સાંભળીને તેમની આંખો પહોળી થઈ. ‘પ્રફુલ્લા સેનનો? જાદુગર પ્રફુલ્લા સેનનો?’

મેં કહ્યું, ‘હા, સચિનદા.’

આટલું સાંભળતાં તેઓ મને ભેટી પડ્યા. ભેગા થયેલા લોકો તો જોઈ જ રહ્યા. તેમનાં પત્ની મીરાદેવીને કહે, ‘જો કોની સાથે મુલાકાત થઈ. આ તો આપણા ઘરનો જ માણસ છે.’ અને મને અગરતલા વિશે પૂછવા માંડ્યા. રવિ નાગ, પુલિન ઠાકુર, લાલુ કર્તા કેમ છે? પોતાના જૂના ઘરની સામેનાં ઊંચાં વૃક્ષો હજી એવાં ને એવાં છે કે સુકાઈ ગયાં? ઘરની હાલત કેવી છે? અને બીજા કેટલાય સવાલો. ત્યાં હાજર રહેલા લોકોની હાજરી ભૂલીને તેઓ મારી સાથે જે આત્મીયતાથી વાતો કરતા હતા એ જોઈને લોકોને લાગ્યું કે હું કોઈ સ્ત્ભ્ છું.

એ દિવસે મને સચિનદાના અસલી સ્વભાવનો પરિચય થયો. સાવ નાના બાળક જેવા. ધરતી અને કુદરતને પ્રેમ કરતા વિશાળ દિલના માનવી, જે પોતાની માતૃભૂમિને ભૂલ્યા નથી. એની મહેક, એની યાદો આજે પણ તેમના દિલમાં તરોતાજા છે અને ત્યાંની યાદોને રૂબરૂ કરાવતો મારા જેવો એક નાનો માણસ પણ તેમને પોતાનો લાગે છે.

યાદ કરીએ ૧૯૬૨ની તેમની ફિલ્મોનાં યાદગાર ગીતોને.

€ € €

બાત એક રાત કી

અકેલા હૂં મૈં, ઇસ દુનિયા મેં, કોઈ સાથી હૈ તો મેરા સાયા [મોહમ્મદ રફી]

ના તુમ હમેં જાનો, ના હમ તુમ્હેં જાને, મગર લગતા હૈ કુછ ઐસા, મેરા હમદમ મિલ ગયા [હેમંતકુમાર-લતા મંગેશકર]

કિસને ચિલમન સે મારા નઝારા મુઝે કિસને ચિલમન સે મારા [મન્ના ડે]

ડૉક્ટર વિદ્યા [મજરૂહ સુલતાનપુરી]

પવન દીવાની, ના માની, ઉડાવે મોરા ઘૂંઘટા [લતા મંગેશકર]

અય દિલે આવારા ચલ, ફિર વહીં દોબારા ચલ [મુકેશ]

મૈંને ક્યા ક્યા ના કિયા, બેવફા તેરે લિએ [મોહમ્મદ રફી-આશા ભોસલે]

નૉટી બૉય હાય હાય વો મતવાલી અદા, મેરા દિલ ફિસલ ગયા [કિશોરકુમાર]

સા સા સા સારે, ગા ગા ગા ગારે, તાર દિલોં કે અબ જોડ દે [કિશોરકુમાર-આશા ભોસલે]

આ ગીત સાંભળ્યા પછી કોઈ એમ ન કહી શકે કે કિશોરદા ક્લાસિકલ ગીતો ગાઈ નહોતા શકતા.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK