આઠેય પહોર આનંદમાં, મસ્તીમાં રહેવા ઇચ્છતી ૨૧મી સદીની પ્રજા

અંગ્રેજીમાં એક શબ્દ છે ઈગ્ઝુબરન્સ.

પ્રેરણાની પળે - કાન્તિ ભટ્ટ


ઈગ્ઝુબરન્સ એટલે પ્રચુરતા, અધિકતા, સંપન્નતા. અને સંસ્કૃત શબ્દ છે બાહુલ્ય. સૌરાષ્ટ્રમાં જુવાન પ્રજાને ‘વેજા’ કહે છે. વેજા એટલે એવા જુવાનિયા જે વશમાં ન રહે. તેને બસ જલસા કરવા છે. તેને આઠેયપહોર આનંદમાં, મસ્તીમાં અને સુખના સાગરમાં નહાવું છે. એક અંગ્રેજ વિદ્વાને સરસ
સૂત્ર લખેલું - લેટ અસ લિવ વાઇલ વી લિવ. અરે ભાઈ નાહકની ઉપાધિ શું કામ કરો છો? પરમાત્માએ જીવન આપ્યું છે એ લહેરથી જીવી નાખો.

સંત એડનાએ ગીતરૂપે કહેલું,

માય કૅન્ડલ બન્ર્સ ઍટ બોથ એન્ડ્સ

ઇટ વિલ નૉટ લાસ્ટ ધ નાઇટ


અર્થાત મારી મીણબત્તી બન્ને છેડેથી બળે છે, એ લાંબી ટકશે નહીં. પરંતુ ૨૦૦૦ની સાલથી એવી જુવાન પ્રજા પેદા થઈ છે કે તેને ચાર છેડા હોય તો ચારે છેડાથી મીણબત્તી બાળવી છે અને એને લાંબી ચલાવવી છે. ભગવદ્ગોમંડળમાં કાઠિયાવાડી શબ્દ વેજાનો ભાવાર્થ છે કે એવી પ્રજા, અવળચંડી પ્રજા અને લેરમાં જ રહેવા ઇચ્છતી પ્રજા જે પેટ ચોળીને પીડા ઊભી કરે છે. એ જૂની કહેવતને માનનારી આજની એકવીસમી સદીની વેજા (તોફાની પ્રજા) નથી. જૂની કહેવત છે કે તમે ગુલાબને તોડવા જાઓ તો કાંટા વાગે જ, પરંતુ તમે સૌરાષ્ટ્રમાં જોયું હશે અગર આખા હિન્દુસ્તાનમાં આપણી માતાને પણ આવું કરતાં જોઈ હશે. શું કરતાં જોઈ હશે? આંગળી વઢાય એટલે તરત મોંમાં ઘવાયેલી આંગળી મૂકીલોહી ચૂસવું!

હવે મારી પાસે જે ‘જનરેશન-આર-એસ’ નામનું પુસ્તક છે એમાં ડૉક્ટરો રોજ-રોજ કરોડો પ્રિસ્ક્રિપ્શન લખીને ડૉક્ટરો અને દવાકંપનીને કમાવે છે એ મુખ્ય વાત છે, પણ એ કમાવી આપનાર વિશિષ્ટ વર્ગ છે જે એકવીસમી સદીમાં પેદા થયો છે. તેની પાસે પર્સનલ કમ્પ્યુટર છે. તે સતત ઇન્ટરનેટનો સંગ કરે છે. રોજ-રોજ નવી જાતના સેલફોન અને નવી-નવી ઉપભોગની સગવડો ઊભી થાય.

નવી જનરેશન ખૂબ ભણેલી છે. એમાં સૉફટવેર ઇજનેરો છે અને માત્ર અને માત્ર કમ્પ્યુટર, ઈ-મેઇલ અને આધુનિક ઉપકરણો વગર તેમને ચાલતું નથી. આજે આ જનરેશન એક્સ વધુ ને વધુ કૉલેજોમાં જાય છે. પૉર્નોગ્રાફી શબ્દ ગંદો રહ્યો નથી. એટલા માટે ગંદો રહ્યો નથી કારણ કે આજની પ્રજાને ઠેઠ સુધીની મજા કરી લેવાની છે. એમાં આધુનિક ફાર્માસ્યુટિકલ ડ્રગ્ઝ સૌથી વધુ ‘મદદે’ આવે છે. અગર કહો કે પ્રજાને-વેજાને વંઠાવે છે.

પહેલાં ઊંઘની દવા કે લહેરમાં લેવાની એક્સટસીની ટીકડી અને વાયેગ્રાની ટીકડી ડૉક્ટર ચિઠ્ઠી લખે તો મળતી, પણ હવે DTC શબ્દ આવ્યો. DTC એટલે ડાયરેક્ટ ટુ કન્ઝયુમર. આજે ૫૫ કે ૬૫ની ઉંમરના થયા હોય તો પણ તેને રતિક્રીડા માણવી છે. તે લોકોને ડૉક્ટર પાસે જવાની જરૂર નથી. ડાયરેક્ટ ટુ કન્ઝયુમર સિસ્ટમ પ્રમાણે દવાની દુકાને જાઓ તો વાયેગ્રા તમને મળશે. મુંબઈ કે અમદાવાદમાં બનેલી વાયેગ્રાની માજણી બહેનના જેવી ઘણી બનાવટો મળશે. તમારે નામ આપવાની જરૂર નથી. ફાર્મસીની દુકાને જઈને હજી ‘વાયેગ્રા’ સમકક્ષ શબ્દ બોલો ત્યાં જ ડઝન બ્રૅન્ડનીટીકડી આપશે.

આજે ભારતમાં પણ અમેરિકન સ્ટાન્ડર્ડ આવી ગયું છે. ઘણા અમેરિકન પ્રમુખો, સેનેટરો અને હૉલીવુડના સ્ટાર વાયેગ્રા લે છે અને વાતને સંતાડતા નથી.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK