ભગવદ્ગીતાને અંગ્રેજીમાં અને આજની જનરેશનને ગમે એવી ટ્યુનમાં ઘરે-ઘરે પહોંચાડવા માગે છે આ ટીનેજર

આજની જનરેશનને સાંભળવી ગમે એવી ટ્યુનમાં ભગવદ્ગીતાના શ્લોક ઘરે-ઘરે પહોંચાડવાની અઢાર વર્ષની જાહ્નવીને ખૂબ જ ઇચ્છા છે.


jhanavi

એ માટે તે પંદર વર્ષની હતી ત્યારથી તેણે આ કાર્ય હાથમાં લીધું છે. જોકે જાહ્નવી છ વર્ષની હતી ત્યારે સ્કૂલમાં રમાતી ધનુર્વિદ્યાની સ્પોર્ટ્સમાં ઘણી આગળ પડતી હતી. જાહ્નવી કહે છે, ‘કોઈ પણ કામમાં એકાગ્રતા કેળવાય તેમ જ ફોકસ વધે એટલે મેં આર્ચરી શીખવાનું શરૂ કર્યું. એમાં હું અવ્વલ નંબરે આવવા લાગી. સ્પીડ અને પિક-અપને લીધે બે જ વર્ષમાં હું સ્ટેટ લેવલ પર રમવા અમરાવતી, પુણે, ઔરંગાબાદ, સોલાપુર, કોલ્હાપુર સુધી પહોંચી ગઈ. જોકે આર્ચરી બહુ પૉપ્યુલર ગેમ નથી એટલે અન્ડર-૧૬, અન્ડર-૧૯ અને ઓપન કૅટેગરી એમ ત્રણ લેવલ રાખવામાં આવતાં.’

એ વખતે ૮ વર્ષની આ નાનકડી ડૉલ ‘યંગેસ્ટ આર્ચર ઇન ઇન્ડિયા’ તરીકે મેદાન મારી જતી. દસ વર્ષની ઉંમરે નૅશનલ લેવલ પર પહોંચીને સિલ્વર મેડલ પણ મેળવી લીધો હતો. એ દરમ્યાન તાતા કંપની તરફથી તેને ઑલિમ્પિક્સમાં પહોંચાડવાની સ્પૉન્સરશિપની ઑફર પણ મળી ચૂકી, પણ વિધિને કંઈ બીજું મંજૂર હતું. જાહ્નવી કહે છે, ‘સ્ટેટ અને નૅશનલ લેવલ પર રમતી વખતે માર્ક્સ આપવામાં ચીટિંગ થતું. મહારાષ્ટ્રિયન છોકરીઓ વધુ પુશ થતી એટલું જ નહીં, જરાપણ નિશાન ચૂક્યા તો સર તરફથી સોટીનો ચાબખો ખાવો પડતો. મારો કૉન્ફિડન્સ લૂઝ થવા લાગ્યો અને હું સ્ટ્રેસમાં રહેવા લાગી.’

વાતને આગળ વધારતાં જાહ્નવી કહે છે, ‘એટલી હદે કે કોઈ મારા માથા પર હાથ પણ ફેરવે તો હું થથરી જતી. એ કપરા સમયે પપ્પા-મમ્મીએ મને વાંચન તરફ વાળી.’

પૉઝિટિવ વાંચનની સાથે સેવન્થ સ્ટાન્ડર્ડમાં ભણતી જાહ્નવી તેના પપ્પા પલ્લવ પંડ્યા સાથે સુસાઇડ અવેરનેસના શો કરવા તેમની સાથે જતી હતી. જાહ્નવી ઉમેરે છે, ‘પપ્પાએ અને ઇન્ડિયન આઇડલના વિનર અભિજિત સાવંતે મળીને એક સુસાઇડ અવેરનેસ ગીત પણ તૈયાર કર્યું છે. અમે ફ્રી કાઉન્સેલિંગ કરતાં. ત્યાર પછી નવમા અને દસમા ધોરણના સ્ટુડન્ટ્સને ભણવાના મુદ્દે જે પ્રેશર રહે છે એ માટેનો એક પ્રોગ્રામ અમે તૈયાર કર્યો, ‘મૈં ટેન્થ મેં હૂં, ટેન્શન મેં નહીં.’ હૉલ બુક કરાવવાથી માંડી ન્યુઝપેપરમાં ઍડ, ગીત, ઍનિમેશન તમામ ખર્ચ કરી અમે પ્રિલિમિનરી એક્ઝામિનેશન વખતે સ્કૂલોમાં આવા ફ્રી પ્રોગ્રામ્સ કન્ડક્ટ કરતાં. એ વખતે હું પોતે પણ ટેન્થમાં હતી. આ બધાની સાથે મારું વાંચન વધતું જતું હતું. લીડરશિપ બુક્સ વાંચતી ત્યારે એમાં હિન્દુ ધર્મની ગીતાનો ઉલ્લેખ આવતો. એટલે મેં નેટ પર સર્ચ કર્યું. આખી દુનિયામાં રિલિજિયસ બુકના રેટિંગ તરીકે ગીતા નંબર વન અને દુનિયામાં ટૉપ ૧૦૦ બેસ્ટ લખેલાં પુસ્તકોમાં ગીતા છઠ્ઠા નંબર પર આવે છે. એટલે મને વિચાર આવ્યો કે શા માટે હું ગીતા ન વાંચું? અને મેં મહાત્મા ગાંધી તેમ જ ઇસ્કૉનની ગીતા ઇંગ્લિશમાં, ત્યાર બાદ હિન્દી, ગુજરાતી એમ બધું મળીને છ ગીતા વાંચી.’

૧૪ વર્ષની એ ઉંમરનો અનુભવ શૅર કરતાં જાહ્નવી કહે છે, ‘પહેલાં મને કશું સમજાય જ નહીં, પણ લગાતાર આઠ મહિનાના વાંચન પછી મને ગીતાનો સાર અને એનું મહત્વ સમજાવા લાગ્યું. પછી મેં ગીતાને અંગ્રેજી ગદ્ય રાઇમિંગમાં લખવાની શરૂઆત કરી.’

અત્યાર સુધી તેણે સરળ અંગ્રેજીમાં ગીતાના ૧૬ અધ્યાય સંપૂર્ણ લખી લીધા છે અને બાકીના બે અધ્યાય લખવાનું કાર્ય ચાલુ છે. એ દરમ્યાન એક વખતના સોનુ નિગમના બૅન્ડ-લીડર, મ્યુઝિશ્યન, સિંગર તેમ જ કમ્પોઝર પપ્પા પાસે તે કમ્પોઝ કરવાનું પણ શીખતી ગઈ. જાહ્નવી કહે છે, ‘આજની જનરેશનને જેવી ટ્યુન ગમે છે એવી ટ્યુનમાં જ મારે ગીતા ગાવી છે. હિન્દુ ધર્મના પુસ્તક તરીકે નહીં પણ એક લીડરશિપ બુક તરીકે મારે એને ઘરે-ઘરે પહોંચાડવી છે.’

આર્ટ્સના ફર્સ્ટ યરમાં પહોંચેલી જાહ્નવીએ સ્કૂલ અને કૉલેજમાં ભગવદ્ગીતાના મોટિવેશનલ મ્યુઝિકલ પ્રોગ્રામ્સ પણ કર્યા છે અને હવે આ પ્રોગ્રામ તેને અમેરિકામાં લઈ જવો છે.

- રૂપાલી શાહ

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK