ભગવાન ક્યાં છે? - (લાઇફ કા ફન્ડા)

નાનકડો શ્યામ પોતાના દાદાની ખૂબ જ નજીક હતો.

(લાઇફ કા ફન્ડા - હેતા ભૂષણ)

નાનકડો શ્યામ પોતાના દાદાની ખૂબ જ નજીક હતો. આખો દિવસ દાદાની આસપાસ રમ્યા કરે. દાદા સ્કૂલમાં મૂકવા જાય, લેવા જાય, બાજુમાં બેસાડીને જમાડે-રમાડે અને સૂવડાવે. બહાર ફરવા લઈ જાય અને ભણાવે પણ ખરા. દાદા શ્યામને ભણાવવાની સાથે-સાથે સંસ્કૃતિ અને સંસ્કારની વાતો પણ કરે અને તેના બાળમનમાં સારા સંસ્કાર અને ધર્મની ભાવના પણ વાવે. દાદા શ્યામને જુદા-જુદા ભગવાનની વાર્તા કહેતા, શ્લોક શીખવાડતા.

નાનકડો શ્યામ પૂછતો, ‘ભગવાન ક્યાં છે? ક્યાં રહે?’

તો દાદા ક્યારેક કહેતા કે દૂર આકાશમાં. ક્યારેક કહેતા કે આ ઘરની પાછળના ઊંડા કૂવામાં. શ્યામ દાદાની વાત માની લેતો.

નાનકડો શ્યામ કાલાઘેલા જે પ્રfનો પૂછતો એ બધાનો દાદા જવાબ આપતા. ધીમે-ધીમે શ્યામ મોટો થયો. દાદાની નજર તેના ભણતર અને સંસ્કાર બન્ને પર હતી તેથી શ્યામમાં સંસ્કાર અને જ્ઞાન બન્નેનો સમન્વય હતો. કિશોરવયનો શ્યામ હવે દાદાની સાથે ગીતા વાંચતો થયો. આમ તો ગીતા સહેલાઈથી ન સમજાય, પણ દાદા તેને નાના-નાના શ્લોકના અર્થ સમજાવતા. શ્યામને રસ પડતો.

રવિવારની સવારે દાદા ગીતાપાઠ કરી રહ્યા હતા. શ્યામ સાંભળી રહ્યો હતો. દાદાએ શ્લોક વાંચ્યો : તત્વમસિ! અર્થાત્ હું તારામાં જ છું. જે તું છે એ હું છું અને જે હું છું તે તું છે.

શ્યામે પૂછ્યું, ‘દાદા એટલે? આ શ્લોકનો અર્થ શું?’

દાદા શ્યામને એક કૂવા પાસે લઈ ગયા અને બોલ્યા, ‘મેં તને શું કહ્યું છે? ભગવાન ક્યાં રહે છે?

શ્યામે નાનપણથી દાદા પાસે જે સાંભYયું હતું એ જવાબ આપ્યો, ‘દાદા, મને યાદ છે કે તમે કહ્યું હતું કે ભગવાન આ કૂવામાં રહે છે અથવા દૂર આકાશમાં રહે છે.’

દાદાએ કહ્યું, ‘હવે મારી વાત ધ્યાનથી સમજજે. જો આપણે તર્કવિતર્ક કરીએ તો ભગવાન આપણાથી દૂર થઈ જાય અને દૂર આકાશમાં વસે જેને ક્યારેય પામી ન શકાય અને જો આપણે શુદ્ધ મનથી શ્રદ્ધા રાખીએ તો ભગવાન ઘરની નજીકના કૂવામાંથી મળે.’

આટલું બોલીને દાદાએ કિશોરવયના શ્યામને કૂવામાં જોવા કહ્યું.

શ્યામને કૂવાના સ્થિર પાણીની અંદર પોતાનું પ્રતિબિંબ દેખાયું.

હવે દાદા ગીતાનો શ્લોક ફરી બોલ્યા અને સમજાવ્યું, ‘જો બેટા, તારા મનમાં શ્રદ્ધા સાચી હશે તો કૂવામાં તને જે તારું પ્રતિબિંબ દેખાય છે એ જ ઈશ્વર છે; કારણ કે આ શ્લોકમાં શ્રીકૃષ્ણ કહે છે કે હું તારામાં જ છું, જે તું છે એ હું છું અને જે હું છું તે તું છે.’

દાદાએ સહેલાઈથી અઘરા શ્લોકનો અર્થ સમજાવ્યો.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK