ધારિણી ઠક્કરનો પ્રથમ મ્યુઝિક-વિડિયો ધ વેડિંગ જર્ની ફટાફટ લાઇક અને શૅર થઈ રહ્યો છે

આ કન્સેપ્ટની ખાસિયત એ છે કે એમાં ઇંગ્લિશ, પંજાબી અને હિન્દી એમ ત્રણ ભાષાનાં ત્રણ ગીતને એકસાથે સમાવવામાં આવ્યાં છે

dharini

વર્ષા ચિતલિયા

દીકરીનાં લગ્નમાં વિદાયની ઘડીઓ ગણાતી હોય અને સમસ્ત વાતાવરણ ઇમોશનલ બની ગયું હોય એવા સમયે ‘બન્નો રે બન્નો મેરી ચલી સસુરાલ કો, અખિયોં મેં પાની દે ગયી, દુઆ મેં મીઠી ગુડધાની લે ગઈ’ ગીત રેલાય ત્યારે લગ્નમાં હાજર નાના-મોટા સૌકોઈની આંખમાં ઝળઝળિયાં આવ્યા વગર ન રહે. વર્સેટાઇલ સિંગર ધારિણી ઠક્કરના પ્રથમ મ્યુઝિક-વિડિયો ‘ધ વેડિંગ જર્ની’માં આ લાગણીસભર ગીતનો સમાવેશ કરવામાં આવ્યો છે. ‘ધ વેડિંગ ચૅન્ટ્સ’ પ્રસ્તુત આ મ્યુઝિકલ વિડિયોને થોડા દિવસ પહેલાં જ યુટ્યુબ, ઇન્સ્ટાગ્રામ અને ફેસબુક પેજ પર લૉન્ચ કરવામાં આવ્યો છે. ભાવેશ શાહ અને બૉબી શ્રીવાસ્તવે રીઅરેન્જ કરીને બનાવેલા આ ઑડિયો-વિઝ્યુઅલ લગ્નગીતમાં અંગ્રેજી, પંજાબી અને હિન્દી ભાષાનો ત્રિવેણી સંગમ છે. ગણતરીના દિવસોમાં હજારો લોકોએ એને જોયો અને પસંદ કર્યો છે.

ત્રણ ભાષા અને ત્રણ ગીતને આવરી એક વિડિયો બનાવવાનો વિચાર ધારિણીનો જ છે. આ ગીતમાં એવું શું છે કે લોકો ઇમોશનલ થઈ જાય છે એ સંદર્ભે વાત કરતાં તે કહે છે, ‘લગ્નવિધિમાં ભારતીય પરંપરાને વેસ્ટર્ન ટચ આપી પ્રસંગને યાદગાર બનાવવા નવા અને અનોખા કન્સેપ્ટ ડિઝાઇન કરવાના મારા પ્રયાસો સતત ચાલુ જ છે. સમયાંતરે અપગ્રેડ પણ કરતા રહેવું પડે. આજે ડિજિટલ પ્લૅટફૉર્મ પર પોતાની જાતને પ્રમોટ કરવું અનિવાર્ય છે અને એમાંથી જ મ્યુઝિકલ વિડિયોનો વિચાર આવ્યો. આ ગીતમાં એક દીકરીનાં નાનપણથી લગ્ન સુધીનાં સપનાંઓને વણી લેવામાં આવ્યાં છે. આપણે નાના હોઈએ ત્યારે બીજાનાં લગ્ન જોઈને વિચાર આવે કે એક દિવસ હું પણ આવી રીતે દુલ્હન બનીશ, ઘરેણાં પહેરીશ, હાથમાં મેંદી લગાવીશ અને સુંદર દેખાઈશ, મારા સપનાનો રાજકુમાર ઘોડા પર બેસીને આવશે અને મને લઈ જશે. આ જ વાતને ત્રણ ભાષા અને ત્રણ ગીત દ્વારા વ્યક્ત કરવામાં આવી છે. ગીતની શરૂઆતમાં દીકરી નાની બાળા છે એટલે અંગ્રેજી ગીતનો ઉપયોગ કરવામાં આવ્યો છે. ગીતની સાથે એ બાળાનાં સપનાંઓ પણ આગળ વધે છે. આખરે એ શુભ દિવસ આવે છે જ્યારે તે દુલ્હન બને છે. લગ્નમંડપમાં દુલ્હન બનીને તે પ્રવેશે છે ત્યારે પંજાબી ભાષામાં ગવાયેલું ‘દિન શગનાદા’ શરૂ થાય છે. દિન શગનાદાનો અર્થ છે શુકનવંતો દિવસ. બૉલીવુડ અભિનેત્રી અનુષ્કા શર્માએ પણ પોતાનાં લગ્નમાં આ ગીત ગાવાનો આગ્રહ રાખ્યો હતો. આ ગીત ગુજરાતીઓનાં લગ્નમાં પણ ખૂબ લોકપ્રિય છે. ગીતના અંતે દીકરીની વિદાયવેળાએ ‘બન્નો રે બન્નો’ ગીતનો સમાવેશ કરવામાં આવ્યો છે.’

નાનપણથી જ સંગીત પ્રત્યે લગાવ ધરાવતાં ધારિણી ઠક્કરના કંઠની મીઠાશ લગ્નમાં ઉપસ્થિત મહેમાનોને મંત્રમુગ્ધ કરી દે છે. ગણેશસ્થાપના, જાન-સ્વાગત, હસ્તમેળાપ, ફેરા અને વિદાય એમ દરેક વિધિમાં fલોક અને મંત્રોચ્ચાર સાથે ધારિણી ગીત ગાય છે ત્યારે જે ઑરા નર્મિાણ થાય છે એને શબ્દોમાં વર્ણવી ન શકાય, એનો અનુભવ કરવો પડે. આજના સમયમાં લગ્નવિધિમાં વર-વધૂ અને કુટંબીજનો સિવાય કોઈને રસ પડતો નથી, પરંતુ ધારિણી જ્યારે વિધિ સમજાવે છે ત્યારે યુવાનો પણ ધ્યાનથી સાંભળે છે. યુવાનો કઈ રીતે આકર્ષાય છે એ વિશે સમજાવતાં તે કહે છે, ‘સંસ્કૃતમાં મંત્રોચ્ચાર માટે ગોરમહારાજ તો હોય જ છે, પણ અમારી ટીમ જ્યારે યુવાનોને સમજાય એવી સાદી અને સરળ ભાષામાં fલોકનું મહત્વ જણાવે છે ત્યારે તેઓ કાન દઈને સાંભળે છે. લગ્નગીતોમાં પણ એવું જ છે. હવે આપણે એમ ગાઈએ કે  ‘ઢોલ ઢબૂક્યા ને વર-કન્યાના હાથ મળ્યા’ તો તેમને ન સમજાય. યુવાવર્ગને આનો અર્થ સમજાવવો પડે. સપ્તપદી અને કંસારનું મહત્વ જણાવવું પડે. દરેકે દરેક મહેમાનને વિધિમાં રસ પડે એ માટે અમે ચોરીના માંડવામાં જઈને વર-કન્યા પાસે મંત્રોચ્ચાર પણ કરાવીએ. સીતાજીએ જ્યારે રામ ભગવાનને વરમાળા પહેરાવી હતી ત્યારે જે ચોપાઈઓ બોલાઈ હતી એ ચોપાઈને વરમાળા વખતે ગાવામાં આવે ત્યારે જાણે લગ્નનું સ્થળ મંદિર બની ગયું હોય એવી અનુભૂતિ થાય. આજે વિઝ્યુઅલાઇઝેશનનો જમાનો છે એટલે આ બધાની સાથે એન્ટરટેઇનમેન્ટ અને પ્રેઝન્ટેશન પણ જરૂરી છે. શરણાઈથી કીબોર્ડ સુધીનું મ્યુઝિકનું વેરિએશન ઍડ કરવાની સાથે અમારી ટીમના તમામ મેમ્બર્સના કૉસ્ચ્યુમની ડિઝાઇન પર પણ ખાસ ધ્યાન આપવામાં આવે છે.’

ધારિણીના કન્સેપ્ટ ‘ધ વેડિંગ ચૅન્ટ્સ’ના પણ અત્યાર સુધી સોથી વધુ શો થઈ ચૂક્યા છે. તેમના સ્વરનો જાદુ માત્ર લગ્નમંડપો સુધી સીમિત નથી. ગયા વર્ષે રજૂ થયેલી બૉલીવુડની મૂવી ‘પટેલ કી પંજાબી શાદી’ દ્વારા ધારિણીએ હિન્દી ફિલ્મજગતમાં પણ પદાર્પણ કર્યું છે. નવરાત્રિમાં હજારોની મેદનીને તે ઘેલા કરે છે. છેલ્લાં બે વર્ષથી ગોરેગામની નેસ્કો નવરાત્રિમાં પાર્થિવ ગોહિલની સંગાથે તેમનો સુમધુર કંઠ રમઝટ જમાવે છે. સ્કૂલ અને કૉલેજની મ્યુઝિકલ કૉમ્પિટિશનમાં તેમણે સ્ટેટ લેવલ પર પર્ફોર્મ કર્યું છે. તેમની આ મ્યુઝિકલ જર્નીમાં પેરન્ટ્સ, હસબન્ડ ભાવિક ઠક્કર, સસરા અને પરિવારનો ખૂબ સાથ રહ્યો છે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK