શ્રીદેવીના ચાહકોને પણ ખુશ કરવાની મારી જવાબદારી છે : જાહ્નવી

તે કહે છે કે મમ્મીને મળેલા પ્રેમ અને સપોર્ટ તેને પણ દર્શકો આપે એવી આશા છે

janhvi

જાહ્નવી કપૂરની ઇચ્છા છે કે દર્શકો તેને એટલો જ પ્રેમ આપે જેટલો તેની મમ્મી શ્રીદેવીને આપ્યો હતો. જાહ્નવી ‘ધડક’ દ્વારા બૉલીવુડમાં એન્ટ્રી કરી રહી છે. તેની પહેલી ફિલ્મ દ્વારા જ તેની સરખામણી તેની મમ્મી સાથે થવાની છે એ જાહ્નવીને ખબર છે, પરંતુ એમ છતાં તેને એની કંઈ પડી નથી. શ્રીદેવીનું મૃત્યુ ૨૪ ફેબ્રુઆરીએ દુબઈમાં થયું હતું. તેની મમ્મીના મૃત્યુ બાદ થોડા જ દિવસોમાં જાહ્નવીએ ફરી તેની ‘ધડક’નું શૂટિંગ શરૂ કર્યું હતું. આ ફિલ્મ વીસ જુલાઈએ રિલીઝ થઈ રહી છે ત્યારે જાહ્નવી ફક્ત એટલી આશા રાખી રહી છે કે દર્શકો તેનો સ્વીકાર કરે. આ વિશે વધુ જણાવતાં જાહ્નવીએ કહ્યું હતું કે ‘મારી મમ્મીની લેગસીની મને જાણ છે, પરંતુ મને એનો કોઈ ડર નથી. દર્શકોએ મારી મમ્મીને જેટલો પ્રેમ અને સપોર્ટ આપ્યો હતો એવો જ પ્રેમ અને સપોર્ટ મને પણ જોઈએ છે. મમ્મીના ચાહકોને પણ મારે ખુશ કરવા છે. મને ખબર છે આ માટે મારે ખૂબ જ મહેનત કરવી પડશે અને મારે કરવી પણ છે. મને લાગે છે કે દર્શકોને ખુશ કરવા એ મારી જવાબદારી છે. મારી મમ્મીએ તેમને ઘણું આપ્યું હતું અને એ જ રીતે તેમના ચાહકોએ પણ મમ્મીને ઘણું આપ્યું હતું. મારે પણ એ મેળવવું છે.’

જાહ્નવીએ મમ્મીને સેટ પર આવવા કેમ ના પાડેલી?


જાહ્નવી કપૂરે તેની કરીઅરની શરૂઆત પહેલાં જ તેની મમ્મી શ્રીદેવીને સેટ પર આવવા માટે ના પાડી દીધી હતી. જાહ્નવી અને શ્રીદેવીએ પહેલેથી નક્કી કરી દીધું હતું કે જાહ્નવી તેની મરજીથી અને તેની શરતો પર તેની કરીઅર બનાવશે. આ વિશે વધુ જણાવતાં જાહ્નવીએ કહ્યું હતું કે ‘મમ્મીએ મને ખૂબ જ સપોર્ટ કર્યો હતો, પરંતુ અમે પહેલેથી જ નક્કી કર્યું હતું કે આ મારી એકલીની મુસાફરી હશે. મને હજી પણ યાદ છે કે હું તેની આસપાસ સ્ક્રિપ્ટ વાંચી રહી હતી, પરંતુ તેણે એક વાર પણ એમ નથી કહ્યું કે આ લાઇનને આ રીતે બોલ. તે હંમેશાં કહેતી હતી કે તે મારી આ મુસાફરીને મારી રીતે હૅન્ડલ કરવા દેવા ઇચ્છતી હતી. મેં પણ મમ્મીને મારી ફિલ્મના સેટ પર આવવાની ના પાડી દીધી હતી. હું શું કરી રહી છું એ તેમને ફાઇનલ પ્રોડક્ટમાં જ દેખાડવા માગતી હતી. હું નહોતી ઇચ્છતી કે કયા દૃશ્યને કઈ રીતે ભજવવું એ મમ્મી મને કહે.’

Comments (1)Add Comment
...
written by get new, July 12, 2018
these are two stars, I watched their performance on YouTube, get new I really liked it
report abuse
vote down
vote up
Votes: +0

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK