પરીક્ષામાં ધાર્યા મુજબ પેપર્સ ન ગયાં હોવાથી ફ્રેન્ડ મેન્ટલી અસ્વસ્થ થઈ ગઈ છે, શું કરવું?

 

 

હું રેગ્યુલર તમારી કૉલમ વાંચું છું. ઍક્ચ્યુઅલી મને મારી એક ફ્રેન્ડ માટે સલાહ જોઈએ છે. તે હાલમાં માનસિક તકલીફોથી પીડાઈ રહી છે. છેલ્લા કેટલાક દિવસથી તેના પેરન્ટ્સ પ્રત્યે તેનું વર્તન ખૂબ હિંસક થઈ ગયું છે.

girl-friend(સવાલ સેજલને - સેજલ પટેલ)

સવાલ : હું રેગ્યુલર તમારી કૉલમ વાંચું છું. ઍક્ચ્યુઅલી મને મારી એક ફ્રેન્ડ માટે સલાહ જોઈએ છે. તે હાલમાં માનસિક તકલીફોથી પીડાઈ રહી છે. છેલ્લા કેટલાક દિવસથી તેના પેરન્ટ્સ પ્રત્યે તેનું વર્તન ખૂબ હિંસક થઈ ગયું છે. મતલબ કે ધારો કે તેની મમ્મી તેને ખૂબ સૉફ્ટલી તેના કામમાં ધ્યાન આપવાનું કહે તો પણ તેને લાગે છે કે મમ્મી તેની સામે બરાડા પાડી રહી છે. એટલે તે પેરન્ટ્સને ચૂપ રાખવા માટે જાતે બરાડા પાડવા લાગે છે. હાલમાં તેણે એક એક્ઝામ આપી હતી ને એમાં તેને પોતાનો પર્ફોર્મન્સ ઠીક નથી લાગ્યો. આ ચિંતાને કારણે તેને હેલ્થ પ્રૉબ્લેમ્સ શરૂ થયા છે. હાલમાં તેનાં ખરાબ પેપર ગયાં છે એની ચિંતા નથી પણ તેની તબિયત ખરાબ છે એની ચિંતા વધુ છે. તેના પેરન્ટ્સ એક ડૉક્ટરને મળી આવ્યા, પણ તે પોતે કોઈ ડૉક્ટરને તપાસ કરવા દેવા તૈયાર નથી. તેના પેરન્ટ્સ અને અમે બધા ફ્રેન્ડ્સે તેને હાલની સ્થિતિ સમજાવવાની ઘણી કોશિશ કરી અને કહ્યું પણ ખરું કે તેની ખરાબ હેલ્થ જસ્ટ તેના ટેન્શનને કારણે જ છે. પણ તે કેમેય સમજતી નથી. અમે તેને કઈ રીતે આમાં મદદ કરી શકીએ? હું તેના પેરન્ટ્સને કહેવા ઇચ્છું છું કે મારી ફ્રેન્ડને કોઈ સારા કાઉન્સેલરની જરૂર છે, પણ ડાયરેક્ટલી આવું કેવી રીતે કહેવું? શું ખરેખર તેને કાઉન્સેલરની જરૂર છે?  

- મીરા રોડ

જવાબ : તમારા ટૂંકા પત્રમાં ઘણીબધી વાતો સ્પષ્ટ નથી થતી. તમારા ફ્રેન્ડની ઉંમર શું છે? જ્યારે તે નૉર્મલ હોય તેનો સ્વભાવ કેવો છે? ઘરમાં અને ફ્રેન્ડસર્કલમાં તે કોની સાથે ખૂબ જ ક્લોઝ છે? શું ભણવામાં તે ખૂબ હોશિયાર છે કે ઍવરેજ? શા માટે તેના માટે આ એક્ઝામ ખૂબ ઇમ્પોર્ટન્ટ હતી? તેની તબિયત બગડી છે તો એનાં લક્ષણો શું છે? આ બધા સવાલોના જવાબો વિના હું જે કાંઈ પણ કહીશ એ અધૂરું હોઈ શકે છે.

ધારણા કરી લઉં છું કે ભણવામાં હોશિયાર હોવાની ઇમેજ ધરાવતી વ્યક્તિને પરીક્ષાનાં પેપર્સ ખરાબ જાય તો ખૂબ જ આઘાત લાગે એ સ્વાભાવિક છે. જો એમાંય આ પરીક્ષા પર તેની કરીઅરનો ઘણોબધો મદાર હોય તો એની વધુ આકરી અસર મન પર પડે. તે પેરન્ટ્સ પર વગર કારણે અકળાઈ ઊઠે છે એ દર્શાવે છે કે ખરાબ પેપર્સને કારણે તે ખૂબ ડિસ્ટર્બ થઈ ચૂકી છે. યસ, તમે બરાબર ધારણા કરી છે કે તેને સારા કાઉન્સેલરની જરૂર છે. તેના પેરન્ટ્સને આ કહેવામાં કોઈ ખચકાટ અનુભવવાની જરૂર નથી, પરંતુ એ કહ્યા પછી પણ ફ્રેન્ડને કાઉન્સેલર પાસે લઈ જવામાં તમે કેટલા સફળ થશો એ ખબર નથી, કેમ કે જ્યારે માણસને ખરેખર કાઉન્સેલરની જરૂર હોય છે ત્યારે મોટા ભાગે તેને લઈ જવા માટે કન્વિન્સ કરવાનું કઠિન હોય છે.

જો તમે મદદ કરવા માગતા હો તો તેને એકલી પડવા ન દો. બહુ આળપંપાળ કરવાની જરૂર નથી, પરંતુ તેને પ્રેમથી ગ્રુપ-ઍક્ટિવિટીમાં ઇન્વૉલ્વ રાખો. તેને ખૂબ ગમતી હોય એવી પ્રવૃત્તિઓ કરો. શક્ય હોય તો પરીક્ષામાં નિષ્ફળ થવા છતાં જીવનમાં સફળ થઈ હોય એવી વ્યક્તિઓ વિશે વાતો કરો. જીવનમાં માત્ર પરીક્ષાઓ જ બધું નથી એ વાત તેને સમજાવી જરૂરી છે. આ બધાને કારણે તે પરીક્ષાના રિઝલ્ટ વખતે તેને સાચવવામાં મદદ થશે.

જો તેને અન્ય કોઈ શારીરિક તકલીફ હોય તો ભલે તે ન માને, છતાં ટિંગાટોળી કરીનેય ડૉક્ટર પાસે લઈ જવામાં મોડું ન કરો.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK