સેબીનું ધ્યાન હવે બેનામી સોદા-વ્યવહારો પર

આ પ્રવૃત્તિના નિયંત્રણ માટે સેબી અને સ્ટૉક એક્સચેન્જ વચ્ચે ચાલી રહેલી ચર્ચા

SEBI

કાગળ પર કંપનીઓ ઊભી કરીને એના મારફત કાળાં નાણાંને ધોળાંમાં ફેરવવાની તેમ જ માર્કેટ મેનિપ્યુલેશન કરવાની પ્રવૃત્તિ કરતી શેલ કંપનીઓ એટલે કે બોગસ-બનાવટી કંપનીઓની પાછળ પડ્યા બાદ મૂડીબજારના નિયમન તંત્ર સેબીએ હવે બજારમાં કરાતા બેનામી સોદા પર ત્રાટકવાની યોજના બનાવી છે. સેબીએ આ દિશામાં ધ્યાન આપવાનું શરૂ કર્યું છે. બેનામી કંપનીઓ ઊભી કરીને આ પ્રવૃત્તિ બજારમાં ભાવોના મેનિપ્યુલેશન માટે કરાય છે જેમાં એકમેક કંપનીઓ પરસ્પર લોન આપીને સોદા કરે અને કરાવે છે અને એક કંપનીમાંથી બીજીમાં નાણાં ફેરવાય છે.

ઇન્સાઇડર ટ્રેડિંગ

આવી પ્રવૃત્તિ મારફત ઇન્સાઇડર ટ્રેડિંગ પણ થાય છે. એ માટે એક ચેઇન ઊભી કરાય છે જે નાણાંની અંદરોઅંદર હેરફેર કરે છે. આ બધામાં આમ નૉર્મલ બિઝનેસ લાગે છે, પરંતુ વાસ્તવમાં નાણાંની હેરફેર અને મેનિપ્યુલેશન ચાલતું હોય છે. એ માટે લોકોની ઓળખ, બૅન્ક અને ડીમૅટ અકાઉન્ટ્સ ખરીદી લેવામાં (અર્થાત એનો ઉપયોગ કરવામાં) આવે છે જેના બદલામાં તેમને આર્થિક લાભ આપવામાં આવે છે.

સેબીમાં ચર્ચા

સેબીએ તાજેતરમાં આ વિષયે સ્ટૉક એક્સચેન્જિસના અધિકારીઓ સાથે બેઠક કરી હતી. આ કાર્ય શેલ કંપનીઓ શોધવા કરતાં પણ વધુ મુશ્કેલ છે. આમાં અપરાધીઓને કઈ રીતે પકડવા એ વિશે ચર્ચા થઈ હતી અને ïએની વ્યૂહરચના ઘડવાની વાતો થઈ હતી. સેબીની ફ્રૉડ્યુલન્ટ ઍન્ડ અનફેર ટ્રેડ પ્રૅક્ટિસિસ ધોરણો બનાવતી કમિટી આ વિષય પર કામ કરી રહી છે.

રિટર્ન્સ ફાઇલ કરવામાંથી અપાયેલી મુક્તિ રદ કરવામાં  આવતાં હવે શેલ કંપનીઓ પર આવી શકે છે આફત

શેલ કંપનીઓ બાબતે સરકારે હવે કરવેરાનાં રિટર્ન્સ ફાઇલ કરવામાંથી આપેલી મુક્તિ રદ કરી દીધી છે. અત્યાર સુધી ૩૦૦૦ રૂપિયા સુધીની કરવેરાની લાયેબિલિટી ધરાવતી કંપનીઓને રિટર્ન્સ ફાઇલ કરવામાંથી મુક્તિ આપવામાં આવી હતી.

૨૦૧૮-’૧૯ના બજેટમાં રિટર્ન્સ ફાઇલ ન કરવા બદલ સજા કરવાને લગતી આવકવેરા ધારાની જોગવાઈને વ્યવહારુ બનાવી છે. આમ પહેલી એપ્રિલથી હવે જો કોઈ નાણાકીય વર્ષ માટેનાં આવકવેરાનાં રિટર્ન્સ ફાઇલ કરવામાં નહીં આવે તો સંબંધિત કંપનીના મૅનેજિંગ ડિરેક્ટર કે ઇન્ચાર્જ ડિરેક્ટરને સજા થઈ શકશે.

આવકવેરા ખાતું શેલ કંપનીઓએ કરેલાં રોકાણો પર બારીક નજર રાખશે. જે કંપનીઓ ઓછો નફો દર્શાવે છે અને પહેલી વાર આવકવેરાનાં રિટર્ન્સ ભરે છે એના પર પણ ધ્યાન રાખવામાં આવશે એમ નાણામંત્રાલયના એક વરિષ્ઠ અધિકારીએ જણાવ્યું છે.

અહીં જણાવવું રહ્યું કે દેશમાં ૧૨ લાખ સક્રિય કંપનીઓ છે એમાંથી ૭ લાખ કંપનીઓ કૉર્પોરેટ અર્ફેસ મંત્રાલયમાં વાર્ષિક ઑડિટેડ રિપોર્ટ સહિત રિટર્ન્સ નોંધાવે છે. આમાંથી ૩ લાખ કંપનીઓ ઝીરો આવક દર્શાવે છે.

આવકવેરા ધારાની કલમ ૨૭૬ CCમાં કહેવામાં આવ્યું છે કે જે વ્યક્તિ જાણીજોઈને આવકવેરાનાં રિટર્ન્સ ફાઇલ કરતી નથી એને કેદ અને દંડ બન્ને થઈ શકે છે. જોકે ૩૦૦૦ સુધીની ટૅક્સ લાયબિલિટી ધરાવનાર અસેસીના કેસમાં કોઈ સજા થતી નહોતી. હવે સરકારે એ જોગવાઈને બદલીને ઉક્ત મુક્તિ રદ કરી દીધી છે.

અધિકારીએ જણાવ્યા મુજબ પાંચ લાખ કંપનીઓ રિટર્ન્સ નોંધાવતી નથી. એ કંપનીઓ મની-લૉન્ડરિંગમાં સંડોવાયેલી હોઈ શકે છે.

સરકારે ઉક્ત પગલું ગયા વર્ષે ફેબ્રુઆરીમાં રચાયેલી શેલ કંપનીઓ સંબંધી કાર્યટુકડીની ભલામણના આધારે ભર્યું છે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy