GST ક્રેડિટના તોતિંગ ક્લેમ્સ થતાં CBEC સફાળું જાગ્યું

એક કરોડ રૂપિયાથી અધિકના દાવા ચકાસવાનો હુકમ કર્યો: ૯૫,૦૦૦ કરોડની આવક સામે ૬૫,૦૦૦ કરોડ રૂપિયાના દાવા

GST

જુલાઈ મહિનામાં સરકારને GST મારફત આશરે ૯૫,૦૦૦ કરોડ રૂપિયાના વેરાની આવક થઈ હતી એમાંથી અંદાજે ૬૫,૦૦૦ કરોડ રૂપિયાનો દાવો કરદાતાઓ દ્વારા ટ્રાન્ઝિશનલ ક્રેડિટ તરીકે કરવામાં આવ્યો છે એટલે સેન્ટ્રલ બોર્ડ ઑફ એક્સાઇઝ ઍન્ડ કસ્ટમ્સ (CBEC)એ એક કરોડ રૂપિયાથી અધિક રકમના બધા કિસ્સામાં સ્ક્રૂટિનીનો આદેશ બહાર પાડ્યો છે. પહેલી જુલાઈથી GST લાદવામાં આવ્યો એના હેઠળ આગલી વેરા-સિસ્ટમ દરમ્યાન ખરીદેલા સ્ટૉક પર ટૅક્સ-ક્રેડિટ આપવામાં આવે છે. આ સુવિધા GSTના પ્રારંભથી ૬ મહિના સુધી ઉપલબ્ધ રહેશે.

૧૬૨ હસ્તીઓની તપાસ

ઇન્ડાયરેક્ટ ટૅક્સિસ વિશેની નીતિ તૈયાર કરતા CBECએ ૧૧ સપ્ટેમ્બરે એક પત્ર દ્વારા વેરા-અધિકારીઓને જણાવ્યું છે કે તેઓ એક કરોડ રૂપિયાથી અધિક ટૅક્સ ક્રેડિટ ક્લેમ કરનારી ૧૬૨ હસ્તીઓની તપાસ કરે. આવા મોટા દાવાઓને કારણે CBECના મેમ્બર મહેન્દર સિંહે ચીફ કમિશનરને પત્ર દ્વારા જણાવ્યું છે કે GSTના કાનૂન પ્રમાણે ટ્રાન્ઝિશનલ ક્રેડિટની છૂટ મંજૂરીને પાત્ર હોય એવા કિસ્સામાં જ છે. ભૂલ કે ગૂંચવણને પગલે અપાત્ર ક્રેડિટ માટેનો દાવો કરાયો હોય એ શક્ય છે. એ ઇચ્છનીય છે કે ૧૬૨ કંપનીઓના એક કરોડ રૂપિયાથી અધિકના દાવાઓની સમયબદ્ધ રીતે ચકાસણી કરવામાં આવે અને એ વિશેનો અહેવાલ ૨૦ સપ્ટેમ્બર સુધીમાં સુપરત કરવામાં આવે. GSTના માહોલમાં માત્ર પાત્ર ક્રેડિટ આગળ ખેંચવામાં આવી હોય એની ખાતરી કરવા ફીલ્ડ ઑફિસરોને અગાઉના કાયદા પ્રમાણે ફાઇલ કરવામાં આવેલાં રિટર્ન્સની ક્લોઝિંગ બૅલૅન્સનો મેળ ક્રેડિટ ક્લેમ્સ સાથે મેળવવાનું કહેવામાં આવ્યું છે.

ક્રેડિટ કેટલી અને ક્યાં?


ટ્રાન્ઝિશનલ રૂલ્સ હેઠળ વેરાનો દર ૧૮ ટકાથી અધિક છે એવા કિસ્સામાં વેપારીઓ અને રીટેલરો તેમણે સેન્ટ્રલ GST અથવા સ્ટેટ GST સામે અગાઉ ચૂકવેલા વેરાની ૬૦ ટકા ક્રેડિટ અને વેરાનો દર ૧૮ ટકાથી ઓછો છે એવા કિસ્સામાં ૪૦ ટકા ક્રેડિટ મેળવી શકે છે. એ ઉપરાંત સરકાર બ્રૅન્ડનેમ હોય અને સિરિયલ-નંબર હોય એવા ૨૫,૦૦૦ રૂપિયાથી અધિકના માલ જેવા કે ટીવી, ફ્રિજ અથવા કાર-ચેસિસ પર ચૂકવેલી એક્સાઇઝ-ડ્યુટીનું ૧૦૦ ટકા રીફન્ડ આપવાની છે. 

GSTને લીધે ભારતના અસંગઠિત ક્ષેત્રને વધુ માર પડશે : UNCTAD

સંયુક્ત રાષ્ટ્રસંઘના એક અહેવાલ મુજબ ડીમૉનેટાઇઝેશનને લીધે ભારતના અસંગઠિત ક્ષેત્ર પર પ્રતિકૂળ અસર થઈ છે અને હવે GSTને લીધે એને વધુ માર પડશે.

ઉક્ત અહેવાલના અંદાજ પ્રમાણે ભારતનો વૃદ્ધિદર ૨૦૧૬ના ૭ ટકા સામે ૨૦૧૭માં ૬.૭ ટકા રહેશે.

યુનાઇટેડ નેશન્સ કૉન્ફરન્સ ઑન ટ્રેડ ઍન્ડ ડેવલપમેન્ટ (UNCTAD)ના વેપાર અને વિકાસ ૨૦૧૭ શીર્ષક હેઠળના અહેવાલમાં કહેવામાં આવ્યું છે કે ‘વર્તમાન વર્ષમાં વૈશ્વિક અર્થતંત્ર સુધરી રહ્યું છે, પરંતુ એની ગતિ વધારે નથી. આ વર્ષનો વૃદ્ધિદર ૨.૬ ટકા જેટલો રહેશે, પણ આ દર વૈશ્વિક નાણાકીય કટોકટી પહેલાંના ૩.૨ ટકાના સરેરાશ દર કરતાં ઘણો નીચો કહેવાશે.’

ભારતનો વિકાસ એના બૅન્કિંગ ક્ષેત્રમાં કરાનારા સુધારાઓ પર આધારિત રહેશે, કારણ કે આ ક્ષેત્રમાં હાલમાં ૮ લાખ કરોડ રૂપિયા જેટલી નૉન-પર્ફોર્મિંગ ઍસેટ્સ છે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK