બીએસઈના ડેરિવેટિવ્ઝ વિભાગમાં જીવ-સંચાર

બીએસઈ તરફથી મેમ્બરો માટે ઑફર કરવામાં આવેલી પ્રોત્સાહન યોજનાને પરિણામે આ સેગમેન્ટને અમલના પ્રથમ દિવસે ધારણા કરતાં ઓછો છતાં સારો પ્રતિભાવ મળ્યો હતો. અત્યાર સુધી જેમાં ભાગ્યે જ અથવા નહીંવત્ ટ્રેડિંગ થતું હતું એ ડેરિવેટિવ્ઝમાં ગઈ કાલે ૩૩૦ કરોડ રૂપિયાનું વૉલ્યુમ નોંધાયું હતું.

 

પ્રોત્સાહક યોજનાના અમલના પ્રથમ દિવસે ૩૩૦ કરોડનું કામકાજ થયું

જયેશ ચિતલિયા


મુંબઈ, તા. ૨૯

જેમાં સૌથી વધુ કામકાજ સેન્સેક્સ ફ્યુચર્સ અને ઑપ્શન્સમાં થયાં હતાં. સેન્સેક્સ ફ્યુચર્સમાં ૨૨૫ કરોડ રૂપિયા અને ઑપ્શન્સમાં આશરે ૪૨ કરોડ રૂપિયાનું વૉલ્યુમ થયું હતું.


બીએસઈએ પોતાના ડેરિવેટિવ્ઝ સેગમેન્ટના રિવાઇવલ માટે એક ઇન્સેન્ટિવ સ્કીમ લાગુ કરી છે, જે હેઠળ એક્સચેન્જ મહિને પાંચ કરોડ રૂપિયા જેટલી રકમ સભ્યોના પ્રોત્સાહનરૂપે વાપરશે, જ્યારે આ સ્કીમનો બીજો ભાગ દિવાળી આસપાસ અમલમાં મુકાશે, ત્યારે બીએસઈ મહિને ૧૭ કરોડ રૂપિયા જેટલી રકમ પ્રોત્સાહનરૂપે વાપરશે. આને પગલે બીએસઈ આ સેગમેન્ટના વૉલ્યુમને નવી ઊંચાઈએ લઈ જવાની આશા રાખે છે. એક્સચેન્જે આ હેતુસર આશરે ૧૦૭ કરોડ રૂપિયાની જોગવાઈ કરી છે. આજે પ્રથમ દિવસે ૯.૬૭ લાખ ઑર્ડર્સ મુકાયા હતા. આ સેગમેન્ટમાં અત્યાર સુધીમાં ૩૦૦થી વધુ મેમ્બર્સ રજિસ્ટર થયા છે, જેમાંથી ૭૬ સભ્યો માર્કેટમેકર્સની ભૂમિકા ભજવશે.

બીએસઈના મતે આ વખતે વ્યાપક પાર્ટિસિપેશનને લીધે આ સેગમેન્ટને નવું જોમ મળશે, જે પહેલા દિવસના સંકેત પરથી પ્રતીત થાય છે. ખાસ કરીને સેન્સેક્સ ઉપરાંત સેન્સેક્સ-૩૦ સ્ક્રિપ્સમાં પણ વૉલ્યુમ વધવાની આશા છે. અત્યારે ડેરિવેટિવ્ઝમાં માત્ર એનએસઈ (નૅશનલ સ્ટૉક એક્સચેન્જ) પર જ કામકાજ થતાં રહ્યાં છે. હવે પછી બીએસઈ પર આ સોદા વધશે તો સ્પર્ધા પણ વધશે અને રોકાણકારોને નવા વિકલ્પો મળશે.

એસએમઈ એક્સચેન્જ માટે સેબીની લીલી ઝંડી

સેબી (સિક્યૉરિટીઝ એક્સચેન્જ ર્બોડ ઑફ ઇન્ડિયા) તરફથી બીએસઈને એના એસએમઈ (સ્મૉલ ઍન્ડ મિડિયમ એન્ટરપ્રાઇઝ માટેના એક્સચેન્જ) પ્લૅટફૉર્મ માટે પણ ફાઇનલ મંજૂરી મળી ગઈ હતી. હવે પછી એક્સચેન્જ દિવાળી બાદ આ નવા સેગમેન્ટનો પણ આરંભ કરવા ઉત્સુક છે, જ્યાં નાની કે મધ્યમ કદની કંપનીઓ પોતાનું લિસ્ટિંગ કરાવી મૂડીબજારનો લાભ લઈ શકશે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK