ડૉલર અને ડાઉની તેજીમાં કામચલાઉ વિરામ

સ્થાનિક શૅરબજારમાં રિલીફ રૅલીનો આશાવાદ : રૂપિયો મક્કમ
કરન્સી-કૉર્નર - બિરેન વકીલ


ડૉલર અને ડાઉની તેજી વિરામ લઈ રહી છે. ડાઉ જૉન્સ ૨૦,૦૦૦ના મૅજિક આંકની નજીક જાય છે, પણ વટાવી શકતો નથી. ડૉલર ઇન્ડેક્સમાં પણ ૧૦૩.૫૦નું પ્રતિકારક લેવલ તેજી માટે રુકાવટ બની રહ્યું છે. અમેરિકામાં જૉબ-માર્કેટ ખૂબ મજબૂત છે અને ફુગાવો પણ વધી રહ્યો છે. અમેરિકા માટે મહામંદીનો ખતરો ટળી ગયો છે. ચીનમાં પણ ફુગાવો થોડો વધ્યો છે એ સારા સમાચાર છે. ૨૦૧૬ અસાધારણ ઘટનાઓ વચ્ચે વિદાય થયું છે. વર્ષના આરંભે ભાગ્યે જ કોઈને કલ્પના હશે કે ચીનમાં કૉમોડિટી બજારોની અને સોનાની ધુઆંધાર તેજીમાં યુકેનું બ્રેક્ઝિટ, ડોનલ્ડ ટ્રમ્પનો ભવ્ય વિજય અને ભારતનું ડીમૉનેટાઇઝેશન બજારોમાં મોટી ઊથલપાથલ સર્જવાનાં છે.

૨૦૧૭નો આરંભ આશાસ્પદ થઈ રહ્યો છે. અમેરિકન શૅરબજારમાં ફૂલગુલાબી તેજી છે. યુરોપ પણ મહદંશે મંદીમાંથી બહાર આવી ગયું છે. અમેરિકન અર્થતંત્રમાં સવાર઼્ગી અને વ્યાપક સંગીન મજબૂતાઈ દેખાય છે અને અમેરિકન તેજીના સથવારે જપાન, ચીન અને યુરોપની ડૂબતી આર્થિક નૈયા સંભાળાઈ જશે. જોકે યુરોપની ચૂંટણીઓ ૨૦૧૭માં વાઇલ્ડ કાર્ડ છે. ૨૦૧૭માં ફેબ્રુઆરીમાં ફ્રાન્સ અને મેમાં ઇટલી-નેધરલૅન્ડ્સ અને સપ્ટેમ્બરમાં જર્મનીની ચૂંટણીઓ અને ઑક્ટોબરમાં ચીનની પંચવર્ષીય પરિષદની બેઠક નિર્ણાયક ઘટનાઓ બની શકે એમ છે. યુરોપમાં વૈશ્વિકીકરણ અને ઇમિગ્રેશન યુરોવિરોધી ચળવળ વેગીલી બની છે અને રેડિકલ નેતાઓ જોશમાં છે. યુરોપની ચૂંટણીઓની વિશ્વભરનાં બૉન્ડ, કરન્સી અને શૅરબજાર પર નિર્ણાયક અસર પડશે.

સ્થાનિક બજારમાં ડીમૉનેટાઇઝેશનના ૫૦ દિવસ પૂરા થયા છે. શનિવારે રાષ્ટ્રજોગા સંબોધનમાં વડા પ્રધાન નરેન્દ્ર મોદીએ ઘણી કલ્યાણરૂપી યોજનાઓ જાહેર કરી છે. ગરીબ, ખેડૂત, નાના ઉદ્યોગોને લક્ષમાં રાખી દેવામાં રાહત, વ્યાજદરમાં રાહત, સસ્તાં મકાનો પ્રકારની કલ્યાણકારી યોજનાઓથી ઇન્ક્લુઝિવ ગ્રોથનો પ્રયાસ દેખાય છે. જોકે કૅશની છૂટનો કોઈ ઉલ્લેખ નથી. સરકાર કૅસલેશ ઇકૉનૉમી કરવા મક્કમ છે અને ડિજિટલ ઇકૉનૉમીને જ પ્રમોટ કરવા ધારે છે અને એ માટે ટૂંકા ગાળામાં ડિફ્લેશનનું જોખમ લેવા પણ તૈયાર છે એવી પ્રતીતિ થાય છે. શૅરબજારમાં એક રિલીફ રૅલી, બજેટ રૅલી આવવાની સંભાવના છે, પરંતુ વર્ષના સેકન્ડ હાફમાં ડીમૉનેટાઇઝેશનની નકારાત્મક અસર અને વૈશ્વિક સ્તરે ટ્રમ્પ વિજયનો કૅફ ઊતર્યા પછીની નેગેટિવ અસર દેખાશે. વર્ષનું પ્રથમ ક્વૉર્ટર આશાસ્પદ દેખાય છે, પણ વર્ષનો ઉત્તરાર્ધ બહુ આશાવાદી દેખાતો નથી.

રૂપિયાની વાત કરીએ તો વર્ષની આખરમાં રૂપિયામાં નોંધપાત્ર સુધારો આવ્યો. ઘટ્યા ભાવથી સારો સુધારો આવ્યો. રૂપિયો હાલ પૂરતો ૬૮.૮૮ના લેવલે ડબલ બૉટમ બનાવી ૬૭.૯૦-૯૫ આસપાસ અથડાય છે. ટેક્નિક્લ ટ્રેડિંગ રેન્જ ૬૭.૧૫-૬૮.૮૮ છે. ૬૮.૯૩ વટાવાય તો રૂપિયો ૬૯.૪૫-૬૯.૭૦ થઈ શકે છે. રૂપિયામાં ૬૭.૭૭ તૂટતાં ૬૭.૩૭-૬૭.૧૭, ૬૬.૮૫ આવી શકે છે. એકંદરે રૂપિયામાં બેતરફી વધ-ઘટ વચ્ચે ટોન મામૂલી નરમાઈનો છે. પ્રથમ ક્વૉર્ટરમાં ડોનલ્ડ ટ્રમ્પ કાર્યભાર સંભાળે અને ભારતીય અંદાજપત્ર કેવું રહે એના પર બજારની નજર છે.

વિશ્વબજારમાં ડૉલર ઇન્ડેક્સમાં તેજી થાક ખાય છે. ટેક્નિકલી ડૉલર ઇન્ડેક્સ ૧૦૦.૭૩-૧૦૩.૭૩ની રેન્જમાં છે. ૧૦૩.૭૩ વટાવતાં ૧૦૪.૫૦-૧૦૫.૭૦ આવી શકે. જો ૧૦૦.૭૩ નીચે વીકલી બંધ આવે તો તેજીનાં વળતાં પાણી થશે અને ડૉલર ઇન્ડેક્સ ૯૯.૮૦, ૯૮.૧૫ આવી શકે. યુરોમાં નીચા ભાવની મંદી અટકી છે. યુરો ૧.૦૩૮૦થી સુધરીને ૧.૦૫૩૦ ક્વોટ થાય છે. યેન-પાઉન્ડ અને સ્વિસ ફ્રાન્ક રેન્જ બાઉન્ડ રહ્યા છે.

ઇમર્જિંગ કરન્સીમાં પણ એકંદરે સુસ્તી છે. બજારોમાં નાતાલનો મૂડ હોવાને કારણે કામકાજમાં ખૂબ સુસ્તી છે. મંગળવારે બજાર ખૂલશે. અમેરિકી શૅરબજાર ક્યારે ૨૦,૦૦૦ની સપાટી વટાવે છે એના પર બજારની નજર છે.

કૉમોડિટી કરન્સીમાં પણ થોડો સુધારો છે. બ્રિક્સ કરન્સીમાં રશિયન રૂબલ ખૂબ મજબૂત રહ્યો છે. ૨૦૧૬ના વર્ષમાં ક્રૂડ ઑઇલના જોરદાર રિબાઉન્ડને કારણે રૂબલમાં પણ ઘટેલા ભાવથી ૩૫ ટકા જેવો સુધારો આવ્યો છે. કૉમોડિટીઝમાં નીચા ભાવની મંદી અટકી છે એટલે આફ્રિકન રેન્જ, ઓસી ડૉલર, કૅનેડિયન ડૉલર જેવી કૉમોડિટી કરન્સીમાં મંદી અટકીને સુધારાનો ટ્રેન્ડ છે.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy