અમેરિકન ફેડે ઇન્ટરેસ્ટ-રેટ વધાર્યા બાદ સોનામાં ઉછાળો

ઇન્ટરેસ્ટ-રેટ વધવાનું કારણ ડિસ્કાઉન્ટ થતાં સોનું ૧૩૦૦ ડૉલરને કુદાવી ગયું: અમેરિકામાં લાંબા ગાળે રિસેશનની સ્થિતિ ઊભી થવાની ઇકૉનૉમિસ્ટોની ચેતવણી

gold

બુલિયન બુલેટિન - મયૂર મહેતા

અમેરિકન ફેડરલ રિઝર્વે ઇન્ટરેસ્ટ-રેટમાં ૨૫ બેસિસ પૉઇન્ટનો વધારો કર્યા બાદ ઇન્ટરેસ્ટ- રેટ વધવાનું કારણ ડિસ્કાઉન્ડ થતાં સોનામાં ઝડપી ઉછાળો જોવા મળ્યો હતો. ઇન્ટરેસ્ટ-રેટ વધારવાના નિર્ણયની થોડીક મિનિટોમાં સોનું ૧૩૦૦ ડૉલરની સપાટીને કુદાવી ગયું હતું. ફેડરલ રિઝર્વે ૨૦૧૮માં ચાર વખત ઇન્ટરેસ્ટ-રેટ વધારવાનું પ્રોજેક્શન રજૂ કરતાં સોનું ઊંચા મથાળેથી થોડું ઘટ્યું હતું, પણ ત્યાર બાદ ફરી ઊછળ્યું હતું. 

ઇકૉનૉમિક ઇન્ડિકેટરનો સંકેત

અમેરિકન ફેડરલ રિઝર્વે ઇન્ટરેસ્ટ-રેટમાં ૨૫ બેસિસ પૉઇન્ટનો વધારો કરીને ઇન્ટરેસ્ટ-રેટને ૧.૭૫થી બે ટકાએ પહોંચાડ્યો હતો. ફેડરલ રિઝર્વે ચાલુ વર્ષે હજી બે વખત ઇન્ટરેસ્ટ-રેટ વધારવાની જાહેરાત કરી હતી. ફેડના નિર્ણય બાદ સોનું ઊછળ્યું હતું, કારણ કે ઇન્ટરેસ્ટ-રેટ વધવાનું કારણ ડિસ્કાઉન્ટ થયું હતું; પણ ૨૦૧૮માં ત્રણને બદલે હવે ચાર વખત ઇન્ટરેસ્ટ-રેટ વધવાની વાત પર સોનામાં સુધારો ટકી શક્યો નહોતો. સોનું થોડીક ક્ષણો માટે ૧૩૦૦ ડૉલરની સપાટીને પાર કરી ગયું હતું, પણ ફરી ભાવ ૧૩૦૦ ડૉલરની અંદર આવી ગયા હતા. ખેર, અન્ય ઇકૉનૉમિક ઇન્ડિકેટરો તરફ નજર નાખીએ તો ચીનના રીટેલ સેલ્સમાં મે મહિનામાં ૮.૫ ટકાનો ગ્રોથ જોવા મળ્યો હતો, પણ આ ગ્રોથ છેલ્લાં ૧૫ વર્ષનો સૌથી ઓછો રહ્યો હતો. માર્કેટની ધારણા ૯.૬ ટકા ગ્રોથની હતી એની બદલે ૮.૫ ટકા ગ્રોથ જોવા મળ્યો હતો. ચીનમાં FDI (ફૉરેન ડાયરેક્ટ ઇન્વેસ્ટમેન્ટ) જાન્યુઆરીથી મે દરમ્યાન ૧.૩ ટકા વધ્યું હતું. ચીનમાં ઇન્ડસ્ટ્રિયલ આઉટપુટ મે મહિનામાં ૬.૮ ટકા વધ્યું હતું જે ગયા મહિનાના સાત ટકાના વધારા અને માર્કેટની ૬.૯ ટકાના વધારાની ધારણા કરતાં ઓછું હતું. ચીનમાં જાન્યુઆરી-મે દરમ્યાન ફિક્સ્ડ ઍસેટ ઇન્વેસ્ટમેન્ટ ૬.૧ ટકા વધ્યું હતું જે જાન્યુઆરી-એપ્રિલના સાત ટકાના વધારા કરતાં ઓછું હતું. અમેરિકાના પ્રોડ્યુસર્સ પ્રાઇસમાં મે મહિનામાં ૦.૫ ટકાનો વધારો થયો હતો જે માર્કેટની ૦.૩ ટકાની ધારણાથી વધુ હતો. યુરો ઝોનનું ઇન્ડસ્ટ્રિયલ આઉટપુટ એપ્રિલમાં ૧.૭ ટકા વધ્યું હતું, પણ આ વધારો છેલ્લા એક વર્ષનો સૌથી ઓછો હતો. 

શૉર્ટ ટર્મ - લૉન્ગ ટર્મ ભાવિ

અમેરિકન ફેડના ઇન્ટરેસ્ટ-રેટમાં વધારો કરવાના આક્રમક વ્યૂહ વિશે અનેક ઇકૉનૉમિસ્ટોએ ફરી રિસેશન આવવાની ચેતવણી ઉચ્ચારી હતી. ઇકૉનૉમિસ્ટો બે મુદ્દે ચિંતા વ્યક્ત કરી રહ્યા છે. એક મુદ્દો, અમેરિકામાં વેતનનો વધારો ભયજનક રીતે વધી રહ્યો છે. હાલમાં દર વર્ષે અઢી ટકા વેતન વધી રહ્યું છે. બીજો મુદ્દો, ફેડે બે ટકા ઇન્ફ્લેશનનો ટાર્ગેટ રાખ્યો હતો. મે મહિનામાં ઇન્ફ્લેશન વધીને ૨.૮ ટકાએ પહોંચ્યું છે. આ બે મુદ્દાનો હવાલો આપીને ઇકૉનૉમિસ્ટો જણાવી રહ્યા છે કે ૨૦૧૯-૨૦૨૦માં અમેરિકામાં ફરી રિસેશનનો દોર આવશે. સોનામાં લૉન્ગ ટર્મ ઇન્વેસ્ટ કરવાનો વિચાર કરનારાઓ માટે આ બહુ જ સારા સમાચાર બની શકે છે. ખેર, ફેડના ઇન્ટરેસ્ટ-રેટ વધારા બાદ અમેરિકાના બે વર્ષના ટ્રેઝરી બૉન્ડનું યીલ્ડ દસ વર્ષની ઊંચાઈએ પહોંચ્યું હતું. ટેન યર યીલ્ડ પણ વધીને ત્રણ સપ્તાહની ઊંચાઈએ પહોંચ્યું હતું. ફેડે સતત સાતમી વખત ઇન્ટરેસ્ટ-રેટ વધાર્યા છે. ફેડે ૨૦૧૮ના અંતે ઇન્ટરેસ્ટ-રેટ વધીને ૨.૪ ટકા, ૨૦૧૯ના અંતે ૩.૧ ટકા અને ૨૦૨૦ના અંતે ૩.૪ ટકા ઇન્ટરેસ્ટ-રેટ થવાનું પ્રોજેક્શન મૂક્યું છે.

ઇન્ટરેસ્ટ-રેટના પ્રોજેક્શનમાં વધારો કર્યો છે. હવે ફેડની સપ્ટેમ્બર મીટિંગમાં ઇન્ટરેસ્ટ-રેટ વધવાના ચાન્સિસ ૫૮ ટકા થયા છે જે ફેડની મીટિંગ અગાઉ ૫૦ ટકા હતા. ઓવરઑલ સોનાની માર્કેટમાંથી અમેરિકાનું ઇન્ટરેસ્ટ-રેટ વધવાનું કારણ ડિસ્કાઉન્ટ થયું હોઈ હવે ECB (યુરોપિયન સેન્ટ્રલ બૅન્ક)ની મીટિંગનું આઉટકમ સોનાની માર્કેટ માટે મહત્વનું બની રહેશે.

ભારતનો ચાંદીનો વપરાશ દસ વર્ષમાં ત્રણ ગણો વધ્યો

ભારતમાં ચાંદીનો વપરાશ કૂદકે ને ભૂસકે વધી રહ્યો છે. સિલ્વર ઇન્સ્ટિટ્યૂટના વર્લ્ડ સિલ્વર સર્વે-૨૦૧૮ રિપોર્ટ અનુસાર ભારતમાં ૨૦૦૮માં ચાંદીનો વપરાશ વાર્ષિક ૬૦૧ ટન હતો જે વધીને ૨૦૧૭માં ૨૦૫૮ ટને પહોંચ્યો હતો. ચાંદીની જ્વેલરીનો વપરાશ ૪૮૧ ટનથી વધીને ૧૨૧૨ ટને પહોંચ્યો હતો. ભારતમાં ચાંદીનો વપરાશ દસ વર્ષમાં ત્રણ ગણો વધતાં વર્લ્ડની સિલ્વર માર્કેટમાં ભારતનો હિસ્સો ૨૦૦૮માં ૧૪.૭ ટકા હતો એ વધીને ૨૦૧૭માં ૩૯.૨ ટકાએ પહોંચ્યો છે. છેલ્લાં દસ વર્ષમાં ભારતે કુલ ૪૫,૦૦૦ ટન ચાંદીનો વપરાશ કર્યો છે. ૨૦૦૮થી ૨૦૧૨ના સમયગાળામાં ઍવરેજ ચાંદીની ઇમ્પોર્ટ ૩૦૮૦ ટન રહી હતી જે વધીને ૨૦૧૩થી ૨૦૧૭માં ૫૮૦૦ ટને પહોંચી હતી.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK