ઍસેટ અલોકેશનના આધારે નક્કી થતી હોય છે મ્યુચ્યુઅલ ફન્ડ સ્કીમ

આપણા માટે મ્યુચ્યુઅલ ફન્ડની કઈ સ્કીમ યોગ્ય છે એનો નિર્ણય યોગ્ય રીતે લેવાય એ હેતુથી આપણા ઍસેટ અલોકેશન અર્થાત ઍસેટની ફાળવણીના વિષયની પ્રાથમિક વિગતોની વાત કરી હતી.

મ્યુચ્યુઅલ ફન્ડનો ફન્ડા - અમિત ત્રિવેદી

દરેક સ્કીમ પોતપોતાના ઍસેટ અલોકેશન સાથે જ બહાર લવાય છે, પરંતુ વિવિધ સ્કીમ વચ્ચેના તફાવતને સમજવા માટે દરેક સ્કીમમાં ઊંડા ઊતરવું પડે છે. આપણે અગાઉ એ પણ જોઈ ગયા છીએ કે એક જ પ્રકારની ઍસેટમાં અલગ- અલગ સિક્યૉરિટીઝમાં રોકાણ કરનારી સ્કીમ પણ હોય છે. કેટલીક મ્યુચ્યુઅલ ફન્ડ સ્કીમ એક કરતાં વધારે પ્રકારની ઍસેટ્સમાં રોકાણ કરતી હોય છે. આવી સ્કીમને હવે હાઇબ્રિડ સ્કીમ કહેવામાં આવે છે.

મ્યુચ્યુઅલ ફન્ડમાં બૅલૅન્સ્ડ હાઇબ્રિડ ફન્ડ, કન્ઝર્વેટિવ હાઇબ્રિડ ફન્ડ અને બૅલૅન્સ્ડ ઍડ્વાન્ટેજ ફન્ડ અથવા તો ડાયનૅમિક ઍસેટ અલોકેશન ફન્ડ એવાં વિવિધ નામ ધરાવતી સ્કીમ હોય છે. એ બધી સ્કીમ વચ્ચે કયા તફાવત હોય છે? આ તફાવત સમજવા માટે આપણે ઍસેટ અલોકેશનની બે રીતનો અભ્યાસ કરવો જરૂરી છે. આ અલોકેશનમાં એક પ્રકાર છે સ્ટ્રૅટેજિક ઍસેટ અલોકેશન અને બીજો છે ટેક્ટિકલ ઍસેટ અલોકેશન.

કોઈ નિશ્ચિત વ્યૂહ અર્થાત સ્ટ્રૅટેજી અનુસાર ઍસેટની ફાળવણી કરવામાં આવે (દા.ત. કન્ઝર્વેટિવ હાઇબ્રિડ ફન્ડ) ત્યારે વધુ સલામત ગણાતી નિશ્ચિત આવકની સિક્યૉરિટીઝમાં વધારે નાણાં ફાળવાય છે અને વધુ જોખમ ધરાવતી ઇક્વિટીમાં ઓછી રકમ ફાળવાય છે. સ્કીમ જ્યાં સુધી ચાલુ હોય ત્યાં સુધી આ જ ફાળવણી યથાવત રખાય છે. ક્યારેક સાવ મામૂલી ફેરફાર કરવામાં આવે છે. આ અભિગમ નિશ્ચિત વ્યૂહને લીધે શક્ય બને છે. આથી એને સ્ટ્રૅટેજિક ઍસેટ અલોકેશન કહેવાય છે.

બીજી બાજુ, કોઈ સ્કીમમાં સતત ઍસેટ અલોકેશન બદલવામાં આવતું હોય છે. આ ફેરફાર કરવા માટે કોઈ એક ઍસેટમાં પ્રવેશવા કે એમાંથી બહાર નીકળવા માટે સમજદારીપૂવર્ક  અર્થાત સુનિયોજિત નિર્ણયો લેવામાં આવે છે. આથી એને ટેક્ટિકલ ઍસેટ અલોકેશન કહેવાય છે. એનાં ઉદાહરણોમાં વિવિધ બૅલૅન્સ્ડ ઍડ્વાન્ટેજ ફન્ડનો સમાવેશ થાય છે. આવાં ફન્ડ ઇક્વિટી અને ફિક્સ્ડ ઇન્કમ સિક્યૉરિટીઝમાં ઍસેટ અલોકેશનમાં ફેરફાર કરતાં રહે છે. એ ફેરફાર કોઈ ફૉમ્યુર્લાના આધારે અથવા તો ફન્ડ મૅનેજરના અંદાજના આધારે કરવામાં આવે છે. ઍસેટની ફાળવણીમાં સતત ફેરફાર કરવામાં આવતા હોવાથી એને ડાયનૅમિક ઍસેટ અલોકેશન ફન્ડ કહેવામાં આવે છે.

કેટલીક સ્કીમમાં પ્રાઇસ/અર્નિંગ રેશિયો અથવા તો કોઈ જાણીતા ઇન્ડેક્સના પ્રાઇસ/બુકવïૅલ્યુ રેશિયો જેવા મૂલ્યાંકનના માપદંડોના આધારે ઍસેટની ફાળવણીમાં ફેરફાર કરવામાં આવે છે. કોઈ ફન્ડ મૅનેજર એક કરતાં વધુ માપદંડને આવરી લેતી થોડી વધુ જટિલ રીત અપનાવે છે. અહીં એક અગત્યનો મુદ્દો નોંધવા જેવો છે. ટેક્ટિકલ ઍસેટ અલોકેશન સામાન્ય રીતે સ્ટ્રૅટેજિક ઍસેટ અલોકેશનની આસપાસ ઘૂમતું રહે છે (જોકે દર વખતે એવું જરૂરી નથી). એનો અર્થ એવો થયો કે એ સ્કીમ બૃહદ સ્ટ્રૅટેજીની સાથે શરૂ કરવામાં આવે છે અને એના ઍસેટ અલોકેશનમાં ટેક્ટિકલી એટલે કે સુનિયોજિત રીતે ફેરફાર કરવામાં આવે છે. જોકે આ કિસ્સામાં ફન્ડ મૅનેજર કોઈ એક ઍસેટની શ્રેણીમાંથી સંપૂર્ણપણે બહાર નીકળી જવાનો પ્રયાસ કરતા નથી.

(લેખક કર્મયોગ નૉલેજ ઍકૅડેમીના સ્થાપક છે. તેમણે અહીં પોતાનાં અંગત મંતવ્યો રજૂ કર્યાં છે.)

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK