ભારતીય શૅરબજારમાં હજી પણ સાવચેત રહેવાની જરૂર

ગયા સપ્તાહ દરમ્યાન શૅરબજારના મુખ્ય સૂચકાંકોએ સારો દેખાવ કર્યો હતો. નિફ્ટી અને સેન્સેક્સ અનુક્રમે ૦.૭૫ ટકા અને ૦.૮૦ ટકા વધીને ૧૧,૫૫૭ અને ૩૮,૨૫૨ બંધ રહ્યાં હતાં.

બ્રોકર-કૉર્નર - દેવેન ચોકસી


આ અઠવાડિયે ઑગસ્ટ સિરીઝની એક્સપાયરી હોવાથી અમે બજારોમાં મધ્યમ કક્ષાના કરેક્શનની ધારણા રાખીએ છીએ. આ કરેક્શનમાં તમે થોડા સારા ગુણવત્તાવાળા શૅરો ખરીદવાની તક ઝડપી શકશો.

ભારતીય ચલણમાં કોઈ મૂળભૂત નબળાઈ નથી અને રૂપિયાનું મૂલ્ય ૭૦ની નીચે જવાને કોઈ કારણ નથી. મારું માનવું છે કે રૂપિયો પ્રતિ ડૉલર ૬૮-૬૮.૫ની સલામત શ્રેણીમાં રહેશે. ભારતીય ચલણ માટે વર્તમાનમાં એ આદર્શ સ્થિતિ હશે. જો વૈશ્વિક ચલણમાં તીવþ વધ-ઘટ થશે તો રૂપિયામાં જંગી ફેરફાર થઈ શકે છે.

જ્યારે વૈશ્વિક ચલણ થાળે પડશે ત્યારે આપણું ચલણ મજબૂત થશે, કારણ કે આપણે રાજકોષીય ખાધ અને ફુગાવાને અંકુશમાં રાખવામાં સફળ થયા છીએ. સારું ચોમાસું અને સારા પાકને લીધે અર્થતંત્રમાં વધુ વૃદ્ધિ થશે. અર્થતંત્ર પ્રમાણમાં સારું પ્રદર્શન દર્શાવશે. એને પગલે સારા ગુણવત્તાવાળા શૅરોમાં વર્તમાન નાણાકીય વર્ષમાં કમાણી થશે.

વૈશ્વિક અંદાજ

વૈશ્વિક બજારમાં બેન્ચમાર્ક સૂચકાંકોએ ગયા સપ્તાહે સારો દેખાવ કર્યો. ચીન અને અમેરિકા વેપારસંબંધી બાબતોમાં ચર્ચા કરી રહ્યા છે અને એને કારણે મોટા ભાગનાં અર્થતંત્રોને એક યા બીજી રીતે અસર થઈ રહી છે. ચીન અને અમેરિકા વચ્ચેનું વેપારયુદ્ધ પૂÊરું થશે તો ચલણ પર થઈ રહેલી વિપરીત અસર ઘટશે.

ક્ષેત્ર વાર અંદાજ : GFSI


નૉન પર્ફોર્મિંગ ઍસેટ્સની સમસ્યાને લીધે જાહેર ક્ષેત્રની બૅન્કો લાંબા સમયથી પીડાઈ રહી છે. કુલ નૉન પર્ફોર્મિંગ ઍસેટ્સની ટકાવારી ૧૦.૫ના આંકને સ્પર્શી ગઈ છે. નૅશનલ કંપની લૉ ટ્રિબ્યુનલ હેઠળ ચાલી રહેલી કાર્યવાહીથી આ સમસ્યાનો પારદર્શક અને સમયબદ્ધ રીતે હલ આવે એવી આશા રાખી શકાય છે. ઘણા મોટા કેસોમાં બૅન્કોએ ૬૦ ટકા કે એનાથી વધુ રકમ જતી કરીને પતાવટ કરવી પડશે એવું લાગે છે. આ બાબત ભારતીય બૅન્કિંગ ઉદ્યોગમાં મહત્વનો વળાંક બની રહેશે.

ટ્રિબ્યુનલ હેઠળની કાર્યવાહીથી થનારા લિલામને પગલે બૅન્કોનાં ખાતાંમાં પૈસા આવશે અને એને પગલે બૅન્કિંગ સેગમેન્ટમાં સ્માર્ટ રિકવરી આવશે એવી આશા રાખવા જેવી છે. આ નાણાં તેમની ધિરાણક્ષમતા સુધારવામાં મદદ કરશે. પરિણામે આવતા વર્ષે બૅન્કો મૂળભૂત રીતે સારી સ્થિતિમાં રહેશે.

ભાવિ દિશા


જુલાઈ મહિનાની સરખામણીએ ઑગસ્ટ મહિનામાં બજારમાં સહભાગિતા વધી છે. એમાં GFSI ક્ષેત્રના ઘણા સ્ટૉક્સ સક્રિય થયા છે. ગયા ફેબ્રુઆરી અને માર્ચ મહિનામાં અને પછી જૂનમાં કરેક્શન જોવા મળ્યું છે. ભારતીય બજારોની આ જ ખાસિયત છે. આ કરેક્શનમાં મોટા ભાગના નબળા ખેલાડીઓ બહાર નીકળી ગયા છે અને મજબૂત લોકો, ખાસ કરીને લાંબા ગાળાના રોકાણની કૅટેગરીમાં, ટકી ગયા છે. આ નાણાકીય વર્ષમાં જ બજારમાં કરેક્શન આવી ગયું અને સિલેક્ટિવ ખરીદી થવા લાગી એ સારી વાત કહેવાય.

ભાવિ બે વર્ષના અંદાજ કરતાં વધુ ઊંચા ભાવ ધરાવતા સ્ટૉક્સ હવે ૧ અને ૧.૫ વર્ષના વાજબી ભાવે મળી રહ્યા છે જે હકારાત્મક સંકેત છે. લોકોએ લાર્જ કૅપ અને ગુણવત્તાવાળા પસંદગીના મિડ કૅપ સ્ટૉક્સમાં ખરીદી વધારી છે. જોકે હજી પણ સાવચેત રહેવાની જરૂર છે, કારણ કે સહભાગિતા ફક્ત થોડાં પસંદગીનાં ક્ષેત્રોમાં જ વધી છે.

અમે અન્યોની તુલનાએ લાર્જ કૅપ સેગમેન્ટ માટે વધુ હકારાત્મક છીએ. કેટલીક સારી લાર્જ કૅપ ફાર્મા કંપનીઓએ સારાં પરિણામો આપ્યાં છે. સન ફાર્મા ગયાં ચારથી છ સપ્તાહમાં દસથી પંદર ટકા વધી ગયો છે. વળી, રિલાયન્સ ઇન્ડસ્ટ્રીઝ ૮ ટ્રિલ્યન રૂપિયાનું માર્કેટ કૅપ પાર કરનારી પ્રથમ કંપની બની ગઈ છે.

(લેખક કે. આર. ચોકસી શૅર્સ ઍન્ડ સિક્યૉરિટીઝના મૅનેજિંગ ડિરેક્ટર છે)

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK