ઇક્વિટીમાં આગામી બે વર્ષમાં ૨૫થી ૩૮ ટકાનું વળતર મળી શકે છે

સમગ્ર વિશ્વમાં ફેબ્રુઆરી મહિનો શૅરબજારમાં ઊથલપાથલ મચાવી ગયા બાદ હવે સ્થિતિ થાળે પડવા લાગી છે.


બ્રોકર-કૉર્નર - અમર અંબાણી

ફેબ્રુઆરીમાં બૉન્ડની ઊપજમાં ઓચિંતો ઘણો વધારો થઈ જવાથી ભીતિ ફેલાઈ ગઈ હતી.

જોકે ત્યાર બાદ બૉન્ડની ઊપજ સ્થિરતા ભણી જવા લાગી હોવાથી વૈશ્વિક બજારોમાં ખાસ કરીને અમેરિકામાં ઇક્વિટીમાં સુધારો થવા લાગ્યો છે.

અમેરિકન પ્રમુખ ટ્રમ્પે આયાત-ડ્યુટીની બાબતે વલણ ઢીલું કરી દીધું હોવાથી વેપારયુદ્ધની ચિંતાનાં વાદળ પણ વિખેરાઈ ગયાં છે.

ભારતીય બજારમાં હજી ઊથલપાથલ ચાલી રહી છે એની પાછળ સ્થાનિક કારણો છે અને એમાં મુખ્ય કારણ દેશની બીજા નંબરની સરકારી બૅન્કમાં થયેલું કૌભાંડ છે.

NPAના કબાટમાંથી હજી બીજાં હાડપિંજર નીકળવાની આશંકાને લીધે ચિંતા ફેલાઈ છે.

સરકારી બૅન્કોની નબળી સ્થિતિ જોઈને કહી શકાય કે એને વધારે મૂડી આપવાની જરૂર છે તથા એના સુવહીવટ માટે સુધારાનાં પગલાં લેવાની આવશ્યકતા છે.

ભારતીય બજારમાં મધ્યમ ગાળામાં કન્સોલિડેશન થઈને ૩-૫ ટકાનું કરેક્શન આવી શકે છે. જોકે ખાનગી ક્ષેત્રે આવકનું જોર રહેવાની ધારણા છે.

વર્તમાન નાણાકીય વર્ષના ત્રીજા ક્વૉર્ટરમાં (સરકારી બૅન્કો અને ફાર્મા કંપનીઓને બાદ કરતાં) વર્ષાનુવર્ષ ધોરણે ૧૭ ટકા અને ક્વૉર્ટરલી ધોરણે ૯ ટકાના દરે આવકો વધી છે.

સરકારી બૅન્કોમાં તો અંદરખાનેથી પહેલેથી સમસ્યાઓ છે, પણ પ્રાઇવેટ બૅન્કોની કામગીરી ખરેખર સારી રહી છે.

ઑટો, હાઉસિંગ ફાઇનૅન્સ, લૉજિસ્ટિક્સ, યુટિલિટી, મીડિયા, પેઇન્ટ્સ, બિલ્ડિંગ પ્રોડક્ટ્સ અને ઉડ્ડયન ક્ષેત્રોમાં પ્રગતિ થઈ રહી છે. આવકની વૃદ્ધિ ફક્ત પરપોટો નથી.

પ્રાઇસ અર્નિંગ રેશિયોમાં હાલમાં વૃદ્ધિની શક્યતા નથી, પરંતુ આવકમાં એકધારી ગતિએ વધારો થતો રહેવાની સંભાવના છે.

સરકારી બૅન્કોની NPAની સમસ્યાનો આગામી ૧૨-૧૫ મહિનાઓમાં હલ આવી જશે એમ લાગે છે.

અમારા મતે ઇક્વિટીના ઍસેટ ક્લાસમાં હજી સંભાવનાઓ રહેલી છે. આગામી બે વર્ષમાં ૨૫થી ૩૮ ટકા વળતર મળી શકે છે.

વૈશ્વિક સ્તરે વ્યાજના દરનો સવાલ છે ત્યાં સુધી એવું લાગે છે કે બજારો નીતિમાં સામાન્ય સ્થિતિ થાય ત્યાં સુધી પોતાને સંભાળી લેશે.

હજી બે વર્ષ પહેલાં આર્થિક વૃદ્ધિ નબળી હતી અને બૉન્ડમાં નેગેટિવ ઊપજની સ્થિતિ હતી, પણ આજે એનાથી સાવ વિપરીત સ્થિતિ છે. હવે વૃદ્ધિદર વધવા લાગ્યો છે અને ફુગાવો પણ વધી રહ્યો છે. આથી કેન્દ્રીય બૅન્કો લાંબા સમય સુધી અપનાવેલી ઉદાર નીતિના સ્થાને સર્વસામાન્ય નીતિ અપનાવશે એવું લાગે છે.

અમેરિકામાં ફેડરલ રિઝર્વે ૨૦૧૭માં ત્રણ વાર નીતિવિષયક દર વધાર્યા હોવા છતાં ગ્રાહકો ખર્ચ કરવા લાગ્યા હોવાથી વપરાશની સ્થિતિ સુધરી છે. આર્થિક વૃદ્ધિની સ્થિતિ સારી હોવાથી વૈશ્વિક અર્થતંત્રમાં સારો સમય શરૂ થવાનો સંકેત મળે છે.

અમારું માનવું છે કે જો ઇક્વિટીઝ પરનું વળતર અને કંપનીઓની આવક મૂડીના ખર્ચ કરતાં વધારે રહેશે તો વૈશ્વિક સ્તરે કેન્દ્રીય બૅન્કો હજી વ્યાજ વધારશે તો પણ વાંધો નહીં આવે.

સ્થિરતાભર્યા વિકાસ અને ફુગાવાની સાથે તાલ મિલાવીને નીતિઓ કાળક્રમે તબક્કાવાર સામાન્ય સ્થિતિમાં લાવવામાં આવશે.

(લેખક ઇન્ડિયા ઇન્ફોલાઇન લિમિટેડના રિસર્ચ હેડ છે)

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK