આગામી ૧૨ મહિનામાં નિફ્ટીમાં ૧૦થી ૧૨ ટકાનું વળતર મળવાની સંભાવના

રિઝર્વ બૅન્કે હાલમાં ધિરાણના નીતિવિષયક વ્યાજદરમાં ૨૫ બેઝિસ પૉઇન્ટનો વધારો કર્યો છે.



બ્રોકર-કૉર્નર - મહેશ પાટીલ

હવે ટૂંકા ગાળામાં શૅરબજારના સહભાગીઓની નજર ફુગાવા અને એને અનુલક્ષીને કરાનારા વ્યાજદરના ફેરફારો પર રહેશે. બીજી બાજુ સરકાર ક્રૂડ ઑઇલના ભાવની હિલચાલના આધારે કયાં પગલાં ભરે છે એ પણ જોવામાં આવશે. દરમ્યાન, ચોમાસું આ વર્ષે સામાન્ય રહેવાનો અંદાજ આપવામાં આવ્યો હોવાથી ગ્રામીણ અર્થતંત્રની સ્થિતિ સુધરશે.

વૈશ્વિક પરિબળની વાત કરીએ તો સાઉદી અરેબિયા અને રશિયા ક્રૂડના ઉત્પાદનમાં વધારો કરે એવી શક્યતા હોવાથી ક્રૂડના ભાવમાં ઘટાડો થવાનો અંદાજ છે. યુરોપની આર્થિક અનિશ્ચિતતાની અસર પણ બજાર પર થશે.

થોડાક લાંબા ગાળાનો વિચાર કરતાં કહી શકાય કે અમેરિકા અને એની સાથે વેપાર કરનારા દેશો વચ્ચેના વેપારને લગતા વાદ, અમેરિકાની કેન્દ્રીય બૅન્ક દ્વારા થનારી વ્યાજદરની વૃદ્ધિ તથા ક્રૂડ ઑઇલના ભાવ એ પરિબળો પર લક્ષ આપવાનું રહેશે.

સમગ્ર દેશના સ્તરે સ્થિતિ થોડી નબળી છે, પરંતુ કંપનીઓની કામગીરીમાં સુધારો થતો દેખાઈ રહ્યો છે.

આગામી ૧૨ મહિનામાં નિફ્ટીમાં ૧૦થી ૧૨ ટકાનું વળતર મળવાની વધુ સંભાવના છે.

ભારતમાં આવતા વર્ષે સાર્વત્રિક ચૂંટણીઓ આવવાની છે. એ સંબંધે બજારની વાત કરીએ. અહીં જણાવવું રહ્યું કે ચૂંટણી બાદ વડા પ્રધાન નરેન્દ્ર મોદી જ રહેશે એવી સ્થિતિનો બજારે હજી સુધી વિચાર કર્યો નથી. આથી હાલના બજારમાં એનો કોઈ પ્રભાવ નથી. આમ છતાં અહીં કહેવાનું કે અગાઉની ચાર ચૂંટણીઓ પહેલાંના અને બાદના છ મહિનામાં શૅરબજારમાં વળતર પૉઝિટિવ જ રહ્યું હતું.

બજાર માટે આર્થિક સુધારાના કાર્યક્રમો ચાલુ રહે એ અગત્યનો મુદ્દો હોય છે. ગત બે દાયકામાં આપણે જોયું છે કે સરકારો બદલાવા છતાં આર્થિક સુધારા યથાવત ચાલુ રહ્યા છે.

આજની તારીખે અર્થતંત્રની સ્થિતિમાં પરિવર્તન આવી રહ્યું છે. કંપનીઓની આવક વધવાની ધારણા છે. જો ચૂંટણીમાં ધાર્યા કરતાં બીજું જ પરિણામ આવશે તો પણ કંપનીઓની વધેલી આવકને લીધે ઇન્ડેક્સને ટેકો મળી રહેશે.

નિફ્ટી હાલ પ્રાઇસ/અર્નિંગ રેશિયો ૨૨ પર ટ્રેડ થઈ રહ્યો છે. આ સ્થિતિ દસ વર્ષની લાંબા ગાળાની સરેરાશ પર પ્રીમિયમ દર્શાવે છે. નાણાકીય વર્ષ ૨૦૧૮-’૧૯ની કમાણીની સ્થિતિનો વિચાર કરતાં વર્તમાન વૅલ્યુએશન વાજબી કહી શકાય.

છેલ્લા થોડા વખતમાં મિડ કૅપ અને સ્મૉલ કૅપમાં નોંધપાત્ર કરેક્શન આવ્યું છે. આથી બેથી ત્રણ વર્ષનો સમય રાખીને રોકાણ શરૂ કરવા જેવું છે. જેમ-જેમ બજાર સુધરતું જશે તેમ-તેમ એ સ્ટૉક્સ પણ વધુ આકર્ષક બનતા જશે.

ગત નાણાકીય વર્ષમાં સરકારી બૅન્કો, કૉર્પોરેટ બૅન્કો, ફાર્મા, ટેલિકૉમ તથા કેટલીક ઑટોમોબાઇલ કંપનીઓની નબળી કામગીરીને લીધે નિફ્ટીમાં ફક્ત એકાંકી વૃદ્ધિ થઈ શકી છે. અમુક પ્રાઇવેટ બૅન્કો તથા પસંદગીની ઑટોમોબાઇલ કંપનીઓની કામગીરી સારી રહી હતી. મેટલ કંપનીઓ પણ સુધારા પર છે. વર્તમાન નાણાકીય વર્ષમાં એમાં ૧૭થી ૧૮ ટકાના દરે વૃદ્ધિ થવાની સંભાવના છે.

ડોનલ્ડ ટ્રમ્પ અન્ય દેશોમાંથી થતી આયાતો પર કરવેરા લાદવાની બાબતે પોતાના વલણમાં સતત ફેરફાર કરી રહ્યા હોવાથી બજારોમાં ચંચળતા વધી ગઈ છે. શરૂઆતમાં અમુક દેશો પર ટૅરિફ લાદવામાં આવી નહોતી, પરંતુ પછીથી મેટલ્સની આયાત પર લાદવામાં આવી. અમેરિકન કેન્દ્રીય બૅન્ક આગામી બે વર્ષમાં વ્યાજદરમાં છથી સાત વખત વધારો કરશે એવી ધારણા છે.

ફેડરલ રિઝર્વ આર્થિક વૃદ્ધિ પર વિપરીત અસર કરે એવા નિર્ણયો નહીં લે એ વાત પણ એટલી જ સાચી છે.

યુરોપમાં ઇટલીની રાજકીય અનિશ્ચિતતાનું જોખમ છે. એ દેશ કદાચ યુરોપિયન યુનિયનમાંથી બહાર નીકળી જાય એવું પણ શક્ય છે.

હાલ ક્રૂડ ઑઇલનો સંબંધ છે ત્યાં સુધી કહેવું રહ્યું કે ઑઇલના ઉત્પાદકોને ફાયદો થાય ત્યારે ગ્રાહકોને નુકસાન થાય છે. જો એને લીધે ફુગાવો વધે તો વ્યાજદર વધે અને ડૉલર મજબૂત બને. એની અસર તળે નવાં ઊભરતાં અર્થતંત્રોમાં આવતો પૈસાનો પ્રવાહ ઘટી જાય. આમ આ પરિબળ ખાસ ધ્યાનમાં રાખવા જેવું છે.

(લેખક આદિત્ય બિરલા સન લાઇફ ઍસેટ મૅનેજમેન્ટ કંપનીના કો-ચીફ ઇન્વેસ્ટમેન્ટ ઑફિસર છે.)

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK