વ્યક્તિગત સ્તરે ઍસેટની ફાળવણીનું શું મહત્વ છે?

પાછલા બે લેખોમાં આપણે મ્યુચ્યુઅલ ફન્ડની સ્કીમમાં થતી ઍસેટની ફાળવણી (ઍસેટ અલોકેશન)ની વાત કરી.

મ્યુચ્યુઅલ ફન્ડનો ફન્ડા - અમિત ત્રિવેદી


જોકે ઍસેટની ફાળવણી ખરી રીતે તો રોકાણકારના સ્તરે જ થવી જોઈએ. રોકાણકારે પોતાની નાણાકીય સ્થિતિ અને જોખમ ઉપાડી શકવાની ક્ષમતાના આધારે ફાળવણી કરવાની હોય છે. રોકાણ વિશે જોખમો ઉપાડવાની જરૂર, ક્ષમતા અને માનસિક તૈયારી એ ત્રણે અગત્યનાં પાસાં એમાં સંકળાયેલાં હોય છે.

એ ત્રણે પાસાં વિશે સ્પષ્ટતા થયા બાદ અલગ-અલગ પ્રકારની ઍસેટ્સમાં નાણાંની યોગ્ય ફાળવણી કરીને રોકાણકારનો પોર્ટફોલિયો ઘડી શકાય છે. આપણે હવે જાણીએ છીએ કે દરેક ઍસેટ-ક્લાસમાં જોખમ અને વળતરનો સંબંધ જુદો-જુદો હોય છે. એથી રોકાણકારની જરૂરિયાત, ક્ષમતા અને માનસિક તૈયારીના આધારે ફાળવણી કરવાની હોય છે.

જો રોકાણકારને વધારે વળતરની જરૂર હોય તો તેમનાં નાણાંની વધુ ફાળવણી ઊંચું વળતર આપવાની ક્ષમતા ધરાવતા ઍસેટ-ક્લાસમાં કરવી જરૂરી છે. નોંધનીય છે કે ઊંચું વળતર એ ઊંચું જોખમ પણ સાથે લઈને આવે છે. એથી જો જોખમ ઘટાડવું હોય તો ઓછા જોખમવાળી ઍસેટ્સમાં વધારે રોકાણ કરવું.

સમય જતાં અલગ-અલગ ઍસેટ્સમાં અલગ-અલગ વળતર મળતું હોય છે. ઍસેટ્સમાં કરવામાં આવેલી મૂળ ફાળવણીની ટકાવારી વળતરને ઉમેર્યા બાદ બદલાઈ જવાની શક્યતા હોય છે. એ ટકાવારી બદલાઈ જાય તો પોર્ટફોલિયોમાં જોખમનું પ્રમાણ વધી શકે છે અથવા તો ઘટી શકે છે. બદલાયેલા સંજોગોમાં રોકાણકારની ક્ષમતા કરતાં વધુ જોખમવાળો પોર્ટફોલિયો તૈયાર થઈ શકે છે. જો જોખમ વધ્યું ન હોય તો વળતર ઘટી જાય એવો પોર્ટફોલિયો તૈયાર થઈ શકે છે. એથી પોર્ટફોલિયોને જોખમ ખમવાની ક્ષમતાના આધારે મૂળ ટકાવારી પ્રમાણે પુન: સંતુલિત કરવાની જરૂર પડે છે.

એ સંતુલન લાવવા માટે શક્ય છે કે વધુ વળતર આપી ચૂકેલી ઍસેટ વેચવી પડે અને જેમાં વળતર વધુ મળ્યું ન હોય એ ખરીદવી પડે. બીજા શબ્દોમાં કહીએ તો ઊંચા ભાવે વેચાણ કરવું અને ઘટેલા ભાવે ખરીદી કરવી એ નિયમ આપોઆપ લાગુ પડી જાય છે. જે રોકાણકારને નાણાકીય બાબતોમાં વધારે ગતાગમ પડતી ન હોય તે માણસ પણ મૂળ ફાળવણી પ્રમાણે સંતુલન કરીને આ બાબતનો લાભ લઈ શકે છે.

ઍસેટની ફાળવણી પાછળની આ ત્રણ મૂળભૂત ધારણાઓને ધ્યાનમાં લેવી જરૂરી છે:

- જે ઍસેટ-ક્લાસમાં રોકાણ કર્યું હોય એમાં ભવિષ્યમાં ભાવ વધવાની શક્યતા હોય છે

- ભવિષ્યમાં વળતર ઊંચું કે નીચું રહેવાની શક્યતા હોય છે. ક્યારેક મુદ્દલ ઘટી પણ શકે છે

- અલગ-અલગ પ્રકારની ઍસેટ ભવિષ્યમાં અલગ-અલગ ચાલ ચાલી શકે છે. એનો અર્થ એવો થયો કે કોઈક ઍસેટનું મૂલ્ય વધે તો કોઈકનું ઘટી શકે છે

આ ત્રણે ધારણાઓને ધ્યાનમાં લીધા બાદ ઍસેટની ફાળવણીનો લાભ સમજવાનું સહેલું થઈ જાય છે. લાંબા ગાળે જે રોકાણમાં ઊંચું વળતર છૂટવાની શક્યતા હોય એમાં રોકાણ રાખી મૂકવું જોઈએ. જોકે ટૂંકા ગાળામાં જ્યારે ચંચળતા હોય ત્યારે પોર્ટફોલિયોનું પુન: સંતુલન કરવાનું લાભપ્રદ રહે છે.

(લેખક કર્મયોગ નૉલેજ ઍકૅડેમીના સ્થાપક છે. તેમણે અહીં પોતાનાં અંગત મંતવ્યો રજૂ કર્યાં છે.)

જો રોકાણકારને વધારે વળતરની જરૂર હોય તો તેમનાં નાણાંની વધુ ફાળવણી ઊંચું વળતર આપવાની ક્ષમતા ધરાવતા ઍસેટ-ક્લાસમાં કરવી જરૂરી છે. ઊંચું વળતર એ ઊંચું જોખમ પણ સાથે લઈને આવે છે

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK