મીરા-ભાઇંદરમાં મહારાષ્ટ્ર નવનિર્માણ વિદ્યાર્થી સેનાના કૅલેન્ડરથી હલચલ

શહેર અધ્યક્ષના પદ પર કોઈની પણ નિયુક્તિ ન કરી હોવા છતાં છપાયેલી આ તસવીર કોની?

પ્રીતિ ખુમાણ


ભાઈંદર, તા. ૧૯

નવા વર્ષે એટલે કે ૨૦૧૨ માટે  વિવિધ પાર્ટીઓ પોતાની પાર્ટીનાં કૅલેન્ડર બનાવે છે, જેમાં પાર્ટીના વિવિધ પદાધિકારીઓની તસવીરો તેમ જ તેમનું પાર્ટીમાં શું સ્થાન છે એ પણ એમાં જણાવવામાં આવે છે. જોકે મીરા-ભાઈંદરમાં મહારાષ્ટ્ર નવનિર્માણ વિદ્યાર્થી સેનાના ૨૦૧૨ના નવા કૅલેન્ડરમાં તો કાંઈક અલગ જ જોવા મળ્યું છે. આ કૅલેન્ડરમાં મહારાષ્ટ્ર નવનિર્માણ વિદ્યાર્થી સેનાના વિવિધ પદાધિકારીઓની તસવીરો સાથે તેમનાં પદ લખવામાં આવ્યાં છે. આ કૅલેન્ડરમાં વિદ્યાર્થી સેનાના શહેર અધ્યક્ષ તરીકે પ્રવીણ રૉયે પોતાનું નામ અને ફોટો છાપ્યો છે. જોકે વાત એમ છે કે પ્રવીણ રૉયને આ પદ પર નિયુક્ત કરવામાં આવ્યા જ નથી.

ચાર મહિના પહેલાં મીરા-ભાઈંદર મહારાષ્ટ્ર નવનિર્માણ વિદ્યાર્થી સેનાના શહેર અધ્યક્ષ રવિ વ્યાસ હતા, પણ તેઓ રાષ્ટ્રવાદી કૉન્ગ્રેસમાં ચાર મહિના પહેલાં જોડાઈ ગયા હતા. ત્યાર પછી આ પદ પર પક્ષે અત્યાર સુધી કોઈની નિયુક્તિ કરી નથી, એમ છતાં વિદ્યાર્થી સેનાના આ કૅલેન્ડરમાં શહેર અધ્યક્ષના પદે આપમેળે પ્રવીણ રૉયે પોતાને શહેર અધ્યક્ષ જાહેર કર્યા છે, જેને કારણે મહારાષ્ટ્ર નવનિર્માણ વિદ્યાર્થી સેનાના પદાધિકારીઓમાં હલચલ મચી ગઈ છે.

આ સંદર્ભે મીરા-ભાઈંદર મહારાષ્ટ્ર નવનિર્માણ વિદ્યાર્થી સેનાના સેક્રેટરી ચેતન પેડણેકરે ‘મિડ-ડે’ને કહ્યું હતું કે ‘રવિ વ્યાસ પછી અધિકૃત રીતે અમે અત્યાર સુધી કોઈની નિયુક્તિ નથી કરી. આ પદ માટે નિયુક્તિની પ્રક્રિયા ચાલુ છે. આ નવું કૅલેન્ડર અમે જોયું નથી, પણ ખોટી રીતે આ રીતે પદનો દુરુપયોગ કરવા બદલ કડક કાર્યવાહી કરવામાં આવશે.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK